1 Ivie 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ rere wọ yọnre uchebro rẹ Ọrovwohwo Ọghẹnẹ wẹn, yan phihọ idjerhe rọye kugbe iji rọye, irhi rọye, ẹgha rọye kugbe iseri rọye, kirobo re siro phihọ urhi ri Mosis, rere o vwo yovwi kẹ wẹ vwi kemu kemu wo ru ejobi kugbe kasan kasan wo fovwi oma phihọ ejobi;

1 Ivie 2:3 ပူးပေါင်းရင်းမြစ်များ

2 Samuẹl 8:14

o de phi utuofovwi phihọ Edọm; kasan kasan vwẹ Edọm ejobi o de phi utuofovwi phihọ re. Ihwo rẹ Edọm ejobi de rhi hirhe phihọ idibo ri Devid. Ọrovwohwo da vwẹ ephio kparobọ vwọ kẹ Devid vwi kasan kasan rọ rare ejobi.

2 Samuẹl 8:6

Etiyin Devid de phi utuofovwi phihọ Aram ri Damaskọs; ihwo ri Siria de hirhe phihọ idibo ri Devid, ayen da ghwẹ ẹga rhe. Ọrovwohwo da vwẹ ogangan re phio kparobọ vwọ kẹ Devid vwẹ asan rọ rare ejobi.

1 Ivie 3:3

Solomọn guọnọ Ọrovwohwo, ọ da yan nene iji ri Devid ọsẹ rọye; jẹ, o ji ze izobo, ọ je torhẹ insẹns vwẹ asan ri kpenu na.

Ivie rẹ Ivẹ 18:7

Ọrovwohwo vẹ ọye da herọ; asan kasan rẹ rare ejobi ko yovwi kẹ. Ọ de mukpahe ovie rẹ Asiria, o gbe rhọvwe ga-a.

1 Ikun rẹ Ivie 29:19

Vwọ kẹ Solomọn rẹ ọmọ mẹ rere ọ vwẹ udu rọye ejobi vwọ sẹro rẹ irhi wẹn, iseri wẹn, kugbe iji wẹn, rere o ru ayen, rere ọ vwọ bọn asan re me rhuẹrẹ ekuakua rọye phihọ otọ kẹ na.

Une rẹ Ejiro 119:111

Iseri wẹn eye uku mẹ bẹdẹ, e, ayen aghọghọ rẹ udu mẹ.

Une rẹ Ejiro 119:138

Wọwẹ vwẹ iseri wẹ mu vwẹ ọ re ọvwata kugbe esegbuyota ejobi.

Une rẹ Ejiro 119:2

Ebruphihọ kẹ ayen otu re yọnrọn iseri rọye, re vwẹ udu rayen ejobi guọnọ,

Une rẹ Ejiro 19:7

Urhi rẹ Ọrovwohwo na gbare, ọ rhọvwọ udu, iseri rẹ Ọrovwohwo na muẹro, ọ nẹrhẹ ogbori ghwanra,

Aghwoghwo 12:13

Oba rẹ ota na ejobi, re nyori na ọ na. Djẹ ọshọ rẹ Ọghẹnẹ, rere wọ yọnrọn irhi rọye; kidie ọnana ọye iruo ro te ohwo.

Livitikọs 8:35

Asan unuẹchẹ rẹ utughẹ ra da vwa oma na Etiyin ovwan dia te ason te uvo ẹdẹ ighwrẹn, yẹ ovwan ruẹ obo rẹ Ọrovwohwo tare nẹ e ru, ovwan de rhe ghwu kidie ọtiọye e ji vwe.

Malakae 4:4

Karophihọ urhi ri Mosis odibo mẹ na, irhi kugbe iji ri mi ji kẹ vwẹ ugbenu ri Horẹb vwọ kẹ ihwo rẹ Izrẹl ejobi.

Urhi Rivẹ 29:8

avwanre reyọ otọ rayen, a da vwọ ke ihwo ri Rubẹn vẹ ihwo ri Gad, kugbe abọvo rẹ orua ri Manasse nẹ ayen vwọ riuku.

Urhi Rivẹ 29:9

Vwẹ ọtiọye na gba jomaotọ wọ yọnrọn eta rẹ ọphọ nana, rere emu rẹ ovwan ru ejobi vwọ yovwi kẹ ovwan.

Urhi Rivẹ 4:1

Asakiephana, E Izrẹl, wa kerhọ rẹ irhi vẹ iji, ri mi yono ovwan, rere we ru ayen; re wa mrasan rhọ, rere wa ra dia otọ rẹ Ọrovwohwo Ọghẹnẹ rẹ esẹ rẹ ovwan vwọ kẹ ovwan na.

Urhi Rivẹ 4:45

enana kẹ iseri, vẹ irhi, kugbe iji, ri Mosis ji kẹ emọ rẹ Izrẹl, rẹ ayen vwo nẹ Ijipt rhe;

Urhi Rivẹ 4:5

Nighe, mi yono ovwan irhi kugbe iji nure, kirobo rẹ Ọrovwohwo Ọghẹnẹ mẹ jiji kẹ vwẹ na, rere wa mrasan ru ayen vwẹ evun rẹ otọ re wa ra dia na.

Urhi Rivẹ 4:8

Didi ẹgborho rode ọfa herọ, ri vwo irhi vẹ iji ri Shehọ kerẹ urhi nana, ri mi phihọ obaro rẹ ovwan nonẹ na?

Urhi Rivẹ 5:1

Mosis de se Izrẹl ejobi koko, ọ da ta kẹ ayen nẹ, We nyo, E Izrẹl, irhi vẹ iji re Me ta kẹ ovwan nyo nonẹ na, we mi yono dẹndẹn ru we ru ayen gba.

Joshua 22:5

Nabọ vwẹ oma kpotọ yọnre urhi ri Mosis odibo rẹ Ọrovwohwo na ji kẹ ovwan, re wa guọnọ Ọrovwohwo Ọghẹnẹ wẹn, re wa yan phihọ idjerhe rọye, re wa sẹro rẹ irhi rọye, rere we churu muo, rere wa vwẹ udu rẹ ovwan ejobi vwọ ga kugbe ẹnwẹ rẹ ovwan ejobi.

Joshua 23:6

Fiki rẹ ọtiọye na gba nabọ mudia gan re we ru emu ejobi re si phihọ evun rẹ urhi ri Mosis na, we kuoma rhẹriẹ no kpo obọrhe eyẹ obọhwẹre-e

1 Samuẹl 18:14

Devid de phi kparobọ vwẹ ofovwi rọ rare ejobi; kidie Ọrovwohwo vẹ ọye herọ.

1 Samuẹl 18:30

Etiyin isun ri Filistia da rhe rhi phi ofovwi, kọke kọke rẹ ayen vwọ rhe ejobi Devid kọye ma kparobọ nẹ idibo ri Sọl ejobi, ọtiọye na a da kpare odẹ rọye kpenu gangan.

1 Samuẹl 18:5

Etiyin Devid da yanran kpo kasan kasan ri Sọl jiro ra ejobi o de phi kparobọ; Sọl de vwo mu phihọ enu rẹ ihwo rẹ ofovwi na. Ọnana dẹ ji ihwo ejobi kugbe idibo ri Sọl rhe.