1 Ivie 17:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Aye na da ta, Kirobo rẹ Ọrovwohwo Ọghẹnẹ wẹn vwọ herọ na, mi vwo emuọvo ra kakere-e, jokpa rẹ omotọ rẹ usi ro chekọ vwẹ egboro, kugbe emevwri vwẹ ukoko. Asakiephana, mi rhi vwirhi emeghọn rẹ irhe, ri mi re gbe kẹ oma mẹ vẹ ọmọ mẹ, re avwanre da riọ nu, ku me ghwẹ.

1 Ivie 17:12 ပူးပေါင်းရင်းမြစ်များ

1 Ivie 17:1

Asakiephana Ilaija ohwo ri Tish, vwi Gilead, da ta kẹ Ehab, kirobo rẹ Ọrovwohwo Ọghẹnẹ rẹ Izrẹl herọ na, ri mi mudia vwẹ obaro rọye na, asan mrẹ irho eyẹ osio vwẹ ikpe nana-a, jokpa nẹ ota mẹ.

Jẹnẹsis 21:16

Ọ da yanran re tidia tephe vwẹ ogboko kẹ ọmọ na vwẹ uvwre rẹ asan rẹ umurhabọ sa yan te, kidie ọ tare ne, E ju vwe mrẹ orivwi rẹ ọmọ na-a. Ọke ro vwo tidia oboyi ro vwo no re, ọmọ na da teye ugoroviẹ.

Uvwerhe 4:9

Aghọghọ herọ kẹ otu rẹ ọlọkọ hweri nọ otu rẹ owẹvwe hweri ri vwioro kuẹfia fiki rẹ ọkarovwẹ rẹ emamọ rẹ aghwa.

Jerimaya 14:18

Mi de kpo evun rẹ aghwa nighe, irivwi rẹ ihwo re hweri hẹ oboyi. Ọ da dianẹ me ro evun rẹ orere na nighe, emiavwe rẹ owẹvwe! Kidie te ọmraro vẹ orherẹn nenesi rẹ eki rayen wan otọ na duvwu, ayen gbi vwo iroro-o.

Jerimaya 5:2

Owenẹ ayen tanẹ, kirobo rẹ Ọrovwohwo herọ na yẹ ayen duvwu iyori rẹ efian.

Jerimaya 4:2

Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

2 Samuẹl 15:21

Ẹkẹvuọvo Itai da kpahe kẹ oviẹ, rẹ Ọrovwohwo herọ na kugbe obo rẹ ọrovwovwe ovie herọ na, asan kasan rẹ ọrovwovwe epha, owere ọ dia ughwu eyẹrẹ arhọ etiyin odibo wẹn je dia rhe.

1 Samuẹl 26:10

Devid da ra, Kirobo rẹ Ọrovwohwo herọ na, Ọrovwohwo ọvo ri che phio hwe; eyẹ ẹdẹ rẹ ughwu rọye cha; eyẹ o che kpo ofovwi ọ me ghwọrọ

1 Samuẹl 25:26

Asakiephana, ọrovwovwe, kirobo rẹ Ọrovwohwo herọ na, kirobo rẹ erhi wẹn herọ na, wọ mrẹre nẹ Ọrovwohwo si we nẹ abe rẹ ọbara, ru wọ rha vwẹ obọ wẹn reihri na, gbe je ivwighrẹ wẹn kugbe otu re guọnọ ọrovwovwe umwemwu ruẹ dia kerẹ Nabal.

1 Samuẹl 20:21

Nighe, mi che ji ọmọ, tanẹ, Yanran ra guọnọ edada na. Me da ta kẹ ọmọ na, No, edada na e hẹ abọ obonẹ wẹ, reyọ ayen, etiyin ku wọ rhe, kidie, kirobo rẹ Ọrovwohwo herọ na, yo fu we oma yẹ ukpokpogho herọ-ọ.

1 Samuẹl 20:3

Ẹkẹvuọvo Devid da kpahe, ọsẹ wẹn riẹnre nẹ ivun mẹ vwerhe owẹ; o de roro nẹ, e jẹn Jonatan riẹn ọnana-a, ivun de rhe miovwo. Ẹkẹvuọvo uyota, kirobo rẹ Ọrovwohwo herọ na ji kugbe obo rẹ erhi wẹn herọ na, me da je owọ ọko vwẹ ẹtinẹ na ye me ro ughwu.

1 Samuẹl 14:45

Etiyin ihwo na da ta kẹ Sọl, Jonatan ko ghwu, ro ru iruo vẹ obọẹkparo rode vwẹ Izrẹl na? Jọ yena vwo! Obo rẹ Ọrovwohwo herọ na, ogẹto rẹ uyovwi rọye ọvuọvo che she te otọ-ọ; kidie ọ vẹ Ọghẹnẹ ri gbe koko ru iruo nonẹ na. Etiyin ihwo na da tan Jonatan, o gbi rhe ghwu-u.

1 Samuẹl 14:39

Kidie obo rẹ Ọrovwohwo herọ ro sivwẹ Izrẹl na, owenẹ ọ dia oma ri Jonatan rẹ ọmọ me na, ko ghwu phihọ. Ẹkẹvuọvo o vwo ohwo ọvuọvo vwẹ ohri re ihwo na rọ kpahe kẹ-ẹ.

Matiu 26:7

aye ọvo de bro rhe ọ vẹ ọgọ rẹ udẹ rọ ghare ro gbo vwevwerhe, o de kuo ku uyovwi, ro vwo tidia udemu.

Jẹnẹsis 21:15

Ọke rẹ ame rọ evun rẹ ophiẹn na vwo re nu, o de mu ọmọ na phihọ otọ rẹ etu.

1 Ivie 17:11

Rọ cha vwọ yanran ra jẹ rhe, o de se o da ta, Bru umusi vwọ ba rhe.

1 Ivie 17:13

Ilaija da ta kẹ, Wọ djẹ oshọ-ọ; yanran wo re ru kirobo wọ tare na; ẹkẹvuọvo ẹsosuọ kẹ bru ẹkẹn mẹ wo vwo rhe vwe tavwe, kẹsiẹye wo ki bru te oma wẹn vẹ ọmọ wẹn.