1 Ivie 15:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọ de nene imwemwu rẹ ọsẹ rọye ru phihọ otọ jovwo; udu rọye gbe rha dia ọsoso vẹ uyota kẹ Ọrovwohwo Ọghẹnẹ rọye-e, kirobo rẹ udu ri Devid ọsẹ rọye epha.

1 Ivie 15:3 ပူးပေါင်းရင်းမြစ်များ

1 Ivie 11:4

Kidie ọke ri Solomọn rhe vwọ ghwore eya rọye da rhe rhẹriẹ udu rọye rhi nene ẹdjọ efa; udu rọye ki ghevweghe kpahe Ọrovwohwo Ọghẹnẹ rọye, kirobo rẹ udu ri Devid ọsẹ rọye epha.

Une rẹ Ejiro 119:80

E jẹn udu mẹ re abe vwẹ oma rẹ iji wẹ-ẹn, rere oma vwo ju vwe ẹvuọ!

1 Ivie 3:14

Ọ da dianẹ wọ yan phihọ idjerhe mẹ, re wọ da yọnrọn iji mẹ kugbe irhi mẹ, kirobo rẹ ọsẹ wẹn Devid yanre, etiyin ke Me kẹ wẹ otọnvwe.

Ivie rẹ Ivẹ 20:3

Karohọ asakiephana, E Ọrovwohwo, me rẹ wẹ, obo ri mi vwẹ segbuyota vẹ udu mẹ ejobi vwọ yan kpahe owẹ, mi de ru obo ri shehọ vwẹ obaro wẹn. Hẹzikaya da viẹ gangan.

1 Ivie 11:33

fikiridie ọ sen vwẹ, ọ da ra gọ Ashera ẹdjọ rẹ ihwo ri Sidọn, Chemosh ẹdjọ ri Moab, kugbe Milkọm ẹdjọ rẹ ihwo rẹ Ammọn, ọ gbe yan nene idjerhe mẹ-ẹ, o rhe ru obo ri yoma vwẹ obaro mẹ-ẹ ọ yọnrọn iji mẹ vẹ ẹgha mẹ-ẹ, kirobo ri Devid ọsẹ rọye ruru.

2 Ikun rẹ Ivie 25:2

O de ru obo ri yoma vwẹ ẹro rẹ Ọrovwohwo, ọ dianẹ kẹ abe ghwa kare udu rọye-e.

1 Ivie 15:14

Ẹkẹvuọvo o kporo asan ri kpenu na-a. Dede na udu rẹ Asa da dia uyota kpahe Ọrovwohwo vwẹ ẹdẹ rẹ akpọ rọye ejobi.

Urhi Rivẹ 17:20

ro vwo jẹ udu rọye ẹkparọ kpenu nọ imoni rọye, rere o vwo je gbobọnyẹ urhi na, vwo kpo obọrhe eyẹ obọhwere, jẹn urhi na vwo-o; rere ọ vwọ mrasan re uvie rọye na kri, te ọye vẹ emọ rọye vwẹ Izrẹl na.

1 Samuẹl 25:28

Biko vwo ghovwo oruchọ rẹ ọmọtẹ wẹn; vwọ ọ rẹ uyota Ọrovwohwo cha kẹ wẹ uwevwi re bẹdẹ, fikiridie ofovwi ri wo phiẹ na Ọrovwohwo wo phio kẹ; a rha sa mrẹ umwemwu vwẹ evun wẹn uchọke wọ dia akpọ na krite-e.

1 Ivie 3:3

Solomọn guọnọ Ọrovwohwo, ọ da yan nene iji ri Devid ọsẹ rọye; jẹ, o ji ze izobo, ọ je torhẹ insẹns vwẹ asan ri kpenu na.