1 Ivie 13:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Agbada na rhe e de kporo phihọ otọ, e de ku iwurhie rẹ agbada na kufia, kerẹ oka rẹ ohwo rẹ ọfuanfon djeri na vwẹ oma rẹ ota rẹ Ọrovwohwo.

1 Ivie 13:5 ပူးပေါင်းရင်းမြစ်များ

1 Ivie 13:3

O de phi oka phihọ otọ vwẹ ẹdẹ yena, tanẹ, Ọnana kọye re dia oka nẹ Ọrovwohwo tarọ nure: Nighere, e che kporo agbada na te otọ, iwurhie re hẹ enu rọye ejobi ke kuo kufia.

1 Ivie 13:4

Ọke rẹ ovie na vwo nyo eta rẹ ohwo rẹ ọfuanfon na, ro vwo bunu kpahe agbada ri Bẹtẹl na, Jeroboam da riẹnobọ rọye nẹ obọ agbada na rhe, tanẹ, Yọnrọn. Obọ rọye rọ riẹn kpahọ na, da ghwa yamu, ọtiọye na o gbi se sio rhivwi-i.

1 Ivie 13:6

Ovie na da ta kẹ ohwo rẹ Ọghẹnẹ na, Gba rẹ Ọrovwohwo Ọghẹnẹ wẹn na kẹ vwẹ, re wọ nẹ ẹrhovwo kẹ vwẹ, rere obọ mẹ na vwo rhivwi kpo ẹdia. Ohwo rẹ ọfuanfon na da rẹ Ọrovwohwo; obọ rẹ ovie na de rhivwi kpo ẹdia, kirobo rọ epha jovwo.

1 Ivie 17:16

Egboro rẹ usi na reri-i, eyẹ ukoko rẹ evwri na reri-i, kirobo rẹ ota rẹ Ọrovwohwo rọ wan unu rẹ Ilaija ta epha.

1 Ivie 22:28

Maikaya da ta, Wo de rhivwi rhe vwẹ ufuoma, yẹ Ọrovwohwo rha ta ota kẹ vwẹ-ẹ. Ọ da ta, Nyo, ihwo na ejobi.

1 Ivie 22:35

Ofovwi na da rhe gan vwẹ ẹdẹ yena, ka de vwẹ obọ cha ovie vwẹ evun rẹ ekpẹrẹ rọye yo hirhe opharo ku ihwo ri Siria na, bẹsiẹ rẹ ovwọnvwọn vwo te o de ghwu; ọkẹre rẹ ọbara re era ra sa rọ na da djẹ kpo obotọ rẹ ekpẹrẹ na.

Emọs 3:14

Vwẹ ẹdẹ mi de che hwẹ Izrẹl fiki rẹ ogbeku rọye, Me je cha guọghọ egbada ri Bẹtẹl, ka cha nyavwe ighoro rẹ agbada na kufia ki che she teye otọ.

Iyẹnrẹ Esiri ri Mak 16:20

Ayen da yanran, re ghwoghwo ota na vwẹ asan ejobi, Ọrovwohwo de nene ayen ru iruo, ọ da vwẹ eka nene ota na re o vwo ruo gan. Isẹ.

Urhi Rivẹ 18:22

Ọke rẹ ọmraro da ta ota vwẹ odẹ rẹ Ọrovwohwo, rẹ ota na gbe phia-a eyẹ ọ gbe sẹ-ẹ yẹ Ọrovwohwo ta ota yena-a; ọmraro yena bruruọ ta, wọ djẹ oshọ rọye-e.