Sofonías 3:4 - Bible in Tzeltal de Oxchuc y Tenejapa

⁴ Te j'alwanejetic awu'unique ya x'ixta-c'opojic; ya x'ac'awanic ta c'abal. Te sacerdoteetic awu'unique ya sboltesic te ch'ul templo; ya xc'axintaybeyic te smandal te Cajwaltique.

Bible in Tzeltal Bachajón

⁴ Te jalwanejetic yu'un xyal xmo yo'tanic, ha winiquetic te ya x'ac'awanic ta c'abal; te sacerdotehetic yu'un la sbohlobtesic te ch'ul awilal, soc la sjimbe sc'oblal te Ley.

Sofonías 3:4 ပူးပေါင်းရင်းမြစ်များ

Ezequiel 22:26

Te sacerdoteetic yu'un te lumq'uinal, ya yixlanbonic te p'ijubtesel cu'une. Ya sjinbonic sc'oplal te bila ch'ultesbil ya cale; pajal sc'oplal c'oem yu'unic te bila ch'ultesbil soc te bila ma ch'ultesbiluque. Soc ma ba ya yac'bey snop yantic bit'il ay ta na'el te bila lec sc'oplal soc te bila boloben sc'oplale. Ma xyac' yo'tanic ta sna'el soc ta yich'el ta muc' te sc'aalelal cux-o'tanil cu'une, soc la sboltesbonic jc'oplal ta yolilic.

Malaquías 2:8

“Yan te ja'ex sacerdoteetic, la awijq'uitayiquix jilel te lequil be. Ay bila yaquex ta yaq'uel ta nopel te bayal yaliquix yu'une. Jich la ach'ayboniquix sc'oplal te trato cu'un soc Leví.

Oseas 9:7

C'otix yorail te castigoe; c'otix yorail te ya x'ac'bot stoj te smulique. Israel ya me sna' te c'otix yorail castigo. Ya awalic ja'ex: —Te j'alwanej ma sna' q'uinal. Te winic te c'opoj ta yo'tan te Diose, soquem sjol —xaex me. Jich ya awalic, yu'un te nojel mulil ta awo'tanique, melel te slab awo'tanique c'ax muc' ta jyalel.

Lamentaciones 2:14

Te bila ac'bot yilic ta sc'opic te j'alwanejetic awu'une, ja' nax puro lo'laywanej la spasic a. Ma la yaq'uic chicnajuc te amule, te jichuque la ataic c'uxtayel. Tojol la yalbat te ay bila ac'bot yilic ta sc'opic; ja' nax la slo'layex a te la yac'beyex ach'uunique.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Isaías 9:15

(Te sjole, ja' seña te mamaletic soc te jtsobwanejetique, te sne, ja' seña te j'alwanejetic te ya yaq'uic ta nopel te lotetique.)

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

1 Juan 4:1

Quermanotac te c'uxex ta co'tane, ma me xach'uunic te mach'atic scuyojic ta swenta Espíritu te c'op ya yalique. Tsajtaya me awilic neeluc teme ja' nix Espíritu yu'un Dios te yic'ojique, o teme ma ja'uque. Te melel pujq'uemiquix ta balumilal tsobol lotil j'alwanejetic.

2 Corintios 11:13

Melel lotil jpuc-c'opetic stuquelic soc ya xlo'laywanic. Tojol te scuyoj sbaic ta jpuc-c'opetic yu'un te Cristoe.

San Mateo 7:15

“Tsajtaya me abaic yu'un te mach'atic lotil j'alwanejetique. Scuyoj sbaic ta chijetic yilel, ja'uc me to, pajalic soc jti'awal ja'mal ts'i'etic.

Miqueas 2:11

Teme ay mach'a ya sle ta yo'tan lot te jich ya yal: “Jo'on ya calbey sc'oplal vino soc tulan uch'balil”, teme xie, ja' me j'alwanej te ya smulanic te lum abi —xi' te Cajwaltique.

Jeremías 23:32

Ya me cal ta jamal te ya jcontroin te j'alwanejetic to te ya xcholic slotil waichique; ta swenta te lotetic soc c'opetic te ya spasic te ya sjowtesbonic te lum cu'une. Ma'yuc bay jc'oponej, ni ma'yuc bay jticunej, ni ma'yuc bay calojbey mandal jtebuc, jich ma xju' yu'unic scoltayel te lume. Jo'on Ajwalilon, jich ya cal.

Jeremías 8:10

Jich yu'un, te yinamic ya me cac' ta sc'ab yan winiquetic, soc yan yajwalic ya xc'ot te sq'uinalique. Melel ta spisilic, muc'-biq'uit, ja' nax baem yo'tanic ganar ta lo'laywanej; jich nix te j'alwanejetic soc te sacerdoteetic, spisilic ya yaiyic lo'laywanej.

1 Samuel 2:22

Yan te Elí mero mamalix a, pero spisil yaiyoj te bi yacalic ta spasel ta stojol spisil israeletic te snich'nabe, soc yaiyoj te ya xwayic soc te antsetic yac'oj sbaic ta abatinel ta yochibal te Nailpac' te banti ya yich' c'oponel te Cajwaltique.

Jueces 9:4

Te yajwal Siquem la yich'beyic bael lajuneb xchanwinic (70) ta jsejp plata te la sloq'uesic ta templo yu'un Baal-berit, la yac'beyic te Abimelec. Ja' yu'un ja' la stoj a te jmilawetic te ya xjoinotic bael yu'une. Te winiquetic bajt'ic soc

Ezequiel 44:23

“Te sacerdoteetic ya me yac'beyic snop stsajtayel te lum cu'un te bila ch'ultesbile soc te bila ma ch'ultesbiluque, te bila lec sc'oplale soc te bila ma lecuc sc'oplale.

Malaquías 1:6

Te Cajwaltic, te Spisil ya xju' yu'un, ya yalbey te sacerdoteetic: —Te nich'aniletic ya yich'ic ta muc' te statique; te abatetic ya nix yich'ic ta muc' te yajwalique. Te bit'il jo'on Atatonic, ¿bi yu'un te ma x'awich'onic ta muc' jiche? Te bit'il jo'on awajwalonic, ¿bi yu'un te ma'yucon ta ich'el ta muc' awu'unique? Te ja'exe ma'yuc jc'oplal ta awo'tanic, jich yu'un ya awalic: “¿Bila a te ma'yuc ac'oplal ta co'tantic yu'un ya awale?” xaex.

Malaquías 2:7

Ja' me yat'elic te sacerdoteetic ta sp'ijubtesel te lum te yacuc sna'bonic jbae; soc jich me spisilic ya xtalic ta sleel p'ijubtesel ta stojolic, melel ja'ic te j'alwanejetic cu'un, jo'on Ajwalilon te spisil ya xju' cu'une.

Ezequiel 22:6

Tey ayic a te ajwaliletic yu'un Israel te nainemic ta awolilic, te ya spasic bayal ta jchajp miltombae.

Miqueas 3:11

Te juecetic ta lum ya xchajbanwanic soc taq'uin; te sacerdoteetic ja' nax ya xp'ijubteswanic yu'un taq'uin; soc te j'alwanejetic ya xchonic te bila ya yalbeyic sc'oplale. Yacal ta yalel te jich nix yo'tan te Cajwaltic, jich ya yalic: —Te Cajwaltic sjoinejotic; mero ma'yuc bila amen ya xtal ta jtojoltic —xiic ta yalel.