Sofonías 3:2 - Bible in Tzeltal de Oxchuc y Tenejapa

² Ma la ach'uunbey sc'op te Cajwaltique; ma la awich' ta muc' te tojtesel yu'une. Ma la smuc'ulin awo'tan; ma ba baat ta stojol te Dios awu'une.

Bible in Tzeltal Bachajón

² Ma ba la ya'iy c'op soc ma ba la yich' tojobtesel; ma ba la smuc'ulin yo'tan te Jehová, ma ba nohpoj ta stojol te Dios yu'une.

Sofonías 3:2 ပူးပေါင်းရင်းမြစ်များ

Jeremías 22:21

La jc'oponat jo'on ta yorail te yacat ta esmajel a; ja'uc me to, ma la awaiybon stojol jc'op.

Jeremías 5:3

Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.

Jeremías 32:33

Ja' la yac'bonic quil te spatique, ma ja'uc te yelawique. Manchuc me ma ba laj co'tan ta sp'ijubtesel, ma la yich'bonic ta muc', ni ma la sc'anic tojtesel.

Jeremías 2:30

Tojol la cac'bey castigo te anich'nabic, melel ma ba p'ijubic yu'un te p'ijubtesele. Ja'ex nix te jichex te bit'il c'ajc'al león-chojetic, la amilbonic te j'alwanejetic cu'un te c'opoj ta atojolique.

Isaías 43:22

“Ja'uc me to, ja'at Israel te lumat yu'un Jacob, ma la ac'oponon, lubat ta jtojol.

Isaías 29:13

Te Cajwaltic la yalbon: —Te lume ya yac' sba ta abatinel ta jtojol ta sc'op; ta ye nax ya yich'on ta muc', pero ma'yucon ta yo'tan ta jyalel. Te ya yalbonic wocol ta sc'opique, ja' te bitic wejt'em yu'unic te snopojic nax ta sjolique.

Proverbios 5:12

Soc jich me ya awal: “¿Bi yu'un te la jch'ay te tojtesele? ¿Bi yu'un te la jch'ay te tac'uyele?

Salmos 78:22

Ja' yu'un te ma ja'uc la smuc'ulin yo'tanic te Diose, soc te ma ba la xch'uunic te ja' ya xcoltayotic yu'une.

Salmos 73:28

Pero te jo'on ya me xnoptsajon ta stojol Dios, melel ja' mero lec ta co'tan. Ja'at Cajwal, te Diosat cu'une, ja'at anjibalat cu'un; ya me jpuc ta alel spisil te bitic apasoje.

Salmos 50:17

te ma x'ac'an tojtesel cu'un, ni ayuc swentail awu'un te jc'ope?

Salmos 10:4

Ya nax yixlan sni' ta ixta c'op, soc jich ya yal: “Ma'yuc Dios; ma'yuc ich'el ta c'op”, xi'. Jich ya snop ta yo'tan.

Nehemías 9:26

“Pero la xc'axintayic te mandaliletic awu'une, la stoy sbaic ta atojol, la xch'ayic te mandaliletic awu'une. Soc la smilic te j'alwanejetic awu'une, te jamal albot smulic yu'une, te albot yu'un te yacuc sujt'ic xan ta atojole. Jich mero muc' bi la spasic ta atojol, jich la yaq'uic ilinuc awo'tan yu'un.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

Ezequiel 24:13

“Jerusalén, ya jc'an ya jlecubtesat, ya jc'an ya jch'aybat te abolile, ja' te muliletic mero awac'oj awo'tan ta spasele, pero ma xlecubat. Ja' to ya xlecubat a teme la jt'omesbat bael ta atojol te quilimbae.

Jeremías 35:17

Jich yu'un te jo'on Ajwalilon te Spisil ya xju' cu'une, te Dioson yu'un Israel, ya cal: Ya me cac' te ya xjul ta stojolic Judá soc te mach'atic yajwal Jerusalén, ta spisil te woclajel te calojbey sc'oplale. Melel calojbeyex, ja'uc me to, te ja'exe ma'yuc bay awich'ojbonic ta muc'; la jc'oponexix, ja'uc me to, ma'yuc bay la ajac'bonic jc'op”, uta me —xi' me te Cajwaltique.

Jeremías 35:13

—Jo'on Ajwalilon te Spisil ya xju' cu'une, te Dioson yu'un Israel, ya jpasat ta mandal te ya xba awalbey te ants-winiquetic ta Judá soc ta Jerusalén: “Ac'a anopic te p'ijubtesel, soc ac'a ach'uunic te mandaliletic cu'une. Jo'on yacon ta yalel te Ajwalilone.

Isaías 31:1

¡Ya me yil swocol te mach'atic ya xbajt'ic ta Egipto ta sleel coltayel! Ja' te mach'atic ya smuc'ulin yo'tanic te caballoetique, soc ja' te mach'atic ya smuc'ulin yo'tanic te ay bayal carretaetic yu'unic, soc te mero bayal yajtalul soldadoetic te ya xmoic ta caballo. Ma ja'uc ya sujt'es bael sitic ta stojol te Ch'ul Dios yu'un Israel, ma ja'uc ya sleic te Cajwaltique.

Isaías 1:5

Te ja'exe ya awat'elinic spasel te toybail, ta abaq'uetal ma'yuquix bay jochol te ya awich' xan castigo. Ta swolol ajol ejch'enajem, jc'axel ch'ayem te awip ta jyalele.

Proverbios 1:7

Te xjajch'ibal te p'ijil-o'tanile, ja' te yich'el ta muc' te Cajwaltique; te mach'atic ma sna'ic q'uinale ya yilayic te p'ijil c'op soc te p'ijubtesele.

2 Timoteo 3:16

Spisil te bila ts'ibubil ta Sjun te Diose, loq'uem tel ta yo'tan te Diose. Ya xtuun cu'untic ta swenta p'ijubtesel, ta swenta comel, ta swenta tojobtesel, soc ta swenta tac'uyel ta stojil,

Jeremías 13:25

Jich me ya xc'ot ta awenta, Israel, jich ya sc'an te ya jpasbate. Jo'on Ajwalilon, jich ya cal. Melel la ach'ayon ta awo'tan, ja' ba awac' smuc'ulin awo'tan te lotil diosetic awu'une.

Ezequiel 22:24

—Ja'at winic, albeya te Israele: “Jich c'oemat te bit'il lumq'uinal te yich'oj castigo; ma ba ya xtal ja'al, soc ma me ayuc ja' tey a.

Isaías 9:12

Ta sloq'uib c'aal tal te siriaetic, ta smalib c'aal tal te filisteoetique. Ta jun nax buelta la sbiq'uic te Israele. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un te Cajwaltique.

Sofonías 1:6

Ja' nix jich ya jlajin te mach'atic ya xchebaj yo'tanic ta jtojole, te mach'atic ma ba ya sleonic soc ma xnoptsajic tel ta sjojc'oyel te jc'ope —xi'.