Sofonías 3:1 - Bible in Tzeltal de Oxchuc y Tenejapa

¹ ¡Ya me awil awocol, lum Jerusalén, te toybaate, bolobenat soc j'uts'inwanejat!

Bible in Tzeltal Bachajón

¹ ¡Obol sba te toyba pueblo, te bohloben sc'oblal soc te ha j'uts'inwanej!

Sofonías 3:1 ပူးပေါင်းရင်းမြစ်များ

Jeremías 6:6

Te Cajwaltic te Spisil ya xju' yu'une, ja' la yalix mandal: —Bojaic tel te'etic, but'aic moel lum ta spat sts'ajc'ul ta swenta yac'beyel guerra te Jerusalén. Te lume ya x'ilbotix swocol ta castigo, melel nojel uts'inel tey a.

Isaías 59:13

Jelawotic soc ma tojuc co'tantic ta stojol Cajwaltic; ma la jc'an jt'untic te Dios cu'untique. La jpastic uts'inwanej soc muquen xchajbanel controinwanej; la jchajbantic aiyej ta swenta slo'layel a te yantique.

Isaías 30:12

Jich yu'un te Ch'ul Dios yu'un Israel ya yal: —Te ja'exe ma x'ac'anic te ya yich' jultesel atsaique. Ja' ya awich' abaic ta muc' soc te uts'inwanej soc te bila amene, ja' ipajemat ta ac'op yu'unic a;

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Zacarías 7:10

Ma me xawac'bey swocolic te me'ba antsetic, te me'ba alaletic soc te jyanlumetic te ayic ta awolilique, soc te mach'atic ma'yuc bitic ay yu'unique. Ma me talel c'axeluc ya alebey aba awocolic —xi' te Cajwaltique.

Ezequiel 22:7

Te alumale ma xyich'ic ta muc' te sme'-statique, ya yuts'inic te jyanlumetique, ya yac'bey swocol te me'ba alaletique soc te me'ba antsetique.

Miqueas 2:2

Ya sbic'tal-o'tantayic q'uinaletic, jich ya spojic; ya sbic'tal-o'tantayic nanatic, jich ya yu'uninic. Ya stenic ta uts'inel ants-winiquetic, soc te mach'atic ay yu'unique, soc te bitic ay yu'unique.

Jeremías 22:17

“Ja'uc me to, te ja'ate ja' nax baem ta awo'tan sleel taq'uin ta sbic'tal awo'tan. Ya awac' lajuc te mach'a ma'yuc smule; soc ya aten ta uts'inel soc ya awac' c'axuc swocol te alumale —xi' te Cajwaltique.

Isaías 5:7

Te ts'usubiltic yu'un te Cajwaltic te Spisil ya xju' yu'une, te ts'unbil yu'un te smulaneje, ja' te nación Israel, ja' te lum Judá. Te Cajwaltic la smaliy te yacuc yich'beyic ta muc' te mandaliletic yu'une, pero ja' nax la sta jmilawaletic tey a; la smaliy te tojuc ya x'at'ejique, pero ja' nax la yaiy stojol aw soc ajc'an.

Levítico 1:16

Ya me sloq'uesbey neeluc te xchuyja' soc te sbaale. Ya me yac' ta stojol sloq'uib c'aal yu'un te scajtijib ta chiq'uel jmajt'an, ja' te yawil te banti ya yich' aq'uel te stanul c'ajq'ue.

Amós 4:1

Aiya awaiyic stojol, ja'ex antsetic te pajalex soc me' wacax ta Basán ta switsul Samaria, te ya atenic ta uts'inel te me'baetic, soc te c'axem to xan ya awilbeyic yo'tan yu'un te ma'yuc bila ay yu'unique; te ya awalbeyic te amamlalique: “Ich'aic tel vino ya cuch'tic”, te xaex ta stojolique.

Amós 3:9

Te ja'exe albeya yaiyic tey ta bay muc'ul naetic yu'un te lum Asdod soc ta bay muc'ul naetic yu'un Egipto, jich me ya awalbey yaiyic: —La'ic ta witstiquil yu'un Samaria; ilawilic te bila soquemic tey a soc te uts'inel ay swocolic yu'une —xaex me.

Ezequiel 23:30

te bila yac ta c'oel ta awenta ta ora in to. Melel ja'at nix la awac' aba ta jmulawil ants c'oem yu'un te nacionetique. La apejc'an aba, la ach'uunbey te loc'ombaetic yu'unique.

Ezequiel 22:29

Te yajwal lume yat'elinejic elec' soc uts'inwanej. Ya yac'bey swocolic te me'baetique soc te mach'atic ma'yuc bila ay yu'unic. Ya yuts'inic te jyanlumetique, soc ya spasbeyic te bila ma stojiluque

Jeremías 5:23

Te ja'exe tulan te awo'tanic soc toyba-o'tanex; la awijq'uitayonic ta awo'tanic, jich baex.

Isaías 59:6

Te sna ametic ma xju' ta pasel c'u'iletic a; ma'yuc mach'a ya sc'u'inbey te bila ya sjalic. Spisil te yat'elique ma lecuc ta jyalel, te yat'el sc'abique, swenta uts'inwanej.

Jeremías 6:7

Ta Jerusalén tey ya xloc' tel a te bila amene, jich bit'il jun pozo te ya xloc' tel a te ja'e. Ma'yuc bila yan te ay ta aiyel stojol tey a, ja' nax uts'inel soc elec'; ma'yuc yan bila ya quil, ja' nax chamel soc ejch'en.