Sofonías 1:4 - Bible in Tzeltal de Oxchuc y Tenejapa

⁴ —Ya me jtoy bael jc'ab ta scontroinel te lum Judá soc ta scontroinel spisil te mach'atic nainemic ta Jerusalén. Ya jch'ay ta jc'axel te lotil dios Baal, soc sbiilic te sacerdoteetic yu'une.

Bible in Tzeltal Bachajón

⁴ Ya jach jc'ab ta scontrahinel te Judá soc ta scontrahinel spisil te mach'atic nahinemic ta Jerusalén. Jc'axel ya jlajin ta lugar ini jayeb xan hilem yu'un Baal soc te sbihilic te mach'atic ya x'a'tejic ta stojol te loc'ombahetic soc te sacerdotehetic yu'unique.

Sofonías 1:4 ပူးပေါင်းရင်းမြစ်များ

2 Reyes 21:13

Ya me jp'is te Jerusalén, ja' nix pajal sp'isol soc te Samaria soc te patil alnich'anetic yu'un Acab. Ya me jsuc' jilel c'oem jich bit'il ya yich' suq'uel plato te ya yich' nujanel teme suc'bilixe.

2 Reyes 23:12

Soc la sjin te yantic scajtijib ta chiq'uel majt'anil te la spas te muc' ajwaliletic ta Judá ta banti stoyolil stsalul na yu'un Acaz. Soc la sjin te cajtajibaletic ta chiq'uel majt'anil te la spas Manasés ta amaq'uiletic ta templo yu'un Cajwaltic, la swuy soc la xch'oj ochel ta beja' yu'un Cedrón te sts'ubile.

2 Crónicas 34:4

La yich' wuyel ta stojol Josías te scajtijib majt'aniletic yu'un te yantic sloc'omba te Baal. Te Josías la yal mandal ta jinel te scajtijib xchic'jibal pom te ay ta sba. Soc la yal mandal ta wuyel te sloc'omba Asera, te yajcananic soc te loc'ombaetic yu'unic te pasbil ta taq'uin te ultesbil ta c'ajq'ue; jc'axel wuyot yu'un, ora ba spucbey ta sba smuquenal te mach'atic la yac'beyic milbil majt'aniletique.

Éxodo 15:12

La aloq'ues awu'el, te lumq'uinal la sbic' bael te jcontrotique.

Jeremías 15:6

Ja'at la awijq'uitayon ta awo'tan, sujt'at bael ta apat. Jo'on Ajwalilon, jich ya cal. Jich yu'un lubenonix ta maliybelex; jich la jtoy jc'ab ta swenta cac'belat castigo, soc la jinat.

Jeremías 6:12

Te snaic, te sq'uinalic soc te yinamic ya me xc'axic ta swenta yantic. Melel ya me jtoy jajch'el jc'ab ta swenta yac'beyel castigo te mach'atic nainemic ta lume. Jo'on Ajwalilon te jich ya cale.

Ezequiel 25:7

Ja' yu'un ya jtoy jc'ab, ya cac'beyex castigo. Ya me caq'uex ta sc'ab nacionetic, swenta yu'un ya me spojbeyex spisil te bitic ay awu'unique. Ya me jbulex loq'uel ta yolil yantic lumetic, ya me cac' ch'ayuquex ta jc'axel ta balumilal, ya me jlajinex ta jc'axel. Jich me ya ana'ic a te jo'on Ajwalilon”, uta me —xi' te Cajwaltique.

Ezequiel 6:14

Ya me jtoy jc'ab ta yaq'uel castigo ta stojolic, ya xjajch' ta jochol taquin q'uinal ta sur, ya xc'ot c'alal ta lum Ribla ta stojol norte. Ja' me te slum-sq'uinalic soc spisil te banti nainemic, ya me jc'atp'unbeyic ta jochol taquin q'uinal te mero xiweltic sbae. Ja' me yorail ya sna'onic a te jo'on Ajwalilon te jich ya jpase”, uta me —xi' te Cajwaltique.

Oseas 10:5

Ya xnijq'uic yu'un xiwel te yajwal Samaria; ya x'oq'uic yu'un te ya xch'ay bael te sloc'omba alal toro ta Bet-avén. Ja' ta swenta te ay ta mel-o'tan te lum soc te sacerdoteetique, melel te yutsilal, ya xch'ay ta jc'axel.

Miqueas 5:13

Ya me jinbat te awajcanan soc te tonetic ch'ultesbil awu'une, swenta yu'un ma ba ya xcha'sujt'at bael ta xch'uunel ta yan buelta te loc'ombaetic te ja'at nix la apase.

Sofonías 2:11

Te Cajwaltic xiweltic nax me sba ta stojolic. Ya me sjin spisil te lotil diosetic ta lumq'uinale; soc ja' me ya yich' ch'uunel yu'un spisil ants-winiquetic ta bayuc, asta te mach'atic ayic ta q'uinal joytaybil ta mar.

Sofonías 2:13

Soc ya me stoy bael sc'ab ta scontroinel ta norte ta swenta slajinel te Asiria. Tan ya xjil te lum Nínive, ya xc'atp'uj ta jochol taquin q'uinal.