Rut 4:6 - Bible in Tzeltal de Oxchuc y Tenejapa

⁶ C'alal la yaiy stojol te yermanoe, la sjac': —Teme jich ya sc'an, ma xju' cu'un smanel jiche, teme ayuc bit'il ya yac'bon jwocol ta patil soc te jbiluque. Jich yu'un teme ya ac'an aman te ja'ate, pasa me, ya jc'asesbat ta awenta —xi'.

Bible in Tzeltal Bachajón

⁶ Hich la sjac' te mach'a ma yanuc parte yu'un: Ma xhu' ya jman, teme repente ya ya'bon jwocol soc te bintic ay cu'un. Mana ha'at, ich'a te bin ay ta jcuenta, como ma xhu' ya jman, xchi.

Rut 4:6 ပူးပေါင်းရင်းမြစ်များ

Génesis 38:8

Te Judá la yalbey te yan snich'ane, ja' te Onán: —Ja' x'awic'bey awinamin te yinam te anima abanquile, swenta yu'un ay me sts'umbal ya xc'ot ta awenta, jich bit'il te costumbre cu'untique —la yut.

Levítico 25:25

“Teme ay jil ta me'bail jtuluc te alumale, teme ta scaj sme'bail ay ya xchonbat sq'uinal, ya me xju' ya xtal te mach'a ma yanuc parte yu'une, ya me xju' ya sman sujt'el te bila la xchon te mach'a jilem ta me'baile.

Deuteronomio 25:7

Yan teme ma sc'an te winic te ya xnujbin soc te antse, te ants ya me xbajt' ta stojol stsojbol te mamaletic te yich'oj yat'elique. Jich me ya xc'o yalbey te mamaletique: “Te winic ma'yuc sc'oplal ta yo'tan teme ya xch'ay sbiil ta Israel te yermanoe. Ma sc'an ya jpas soc te bila ay ta swenta spasel te bit'il ja' yinamon yermano”, xiuc me ta stojolic te mamaletique.

Deuteronomio 25:8

Jich te mamaletic yu'un te lume ya me sticunic ta iq'uel te winique, ya me xc'opojic soc. Pero teme stalel jich yo'tan te ma ba ya sc'an ya xnujbin soque,

Deuteronomio 25:9

ya me xnoptsaj bael te antse. Ta comonsitil ta stojol te mamaletique ya me sloq'uesbey ta yacan te stepe, ya me stubtaybey yelaw, soc jich me ya yalbey ta stojol: “¡Jich ya yich' pasel ta stojol te winic ma sc'an ya yac'bey sts'umbal te yermanoe!” ya me yut.

Rut 2:20

Te Noemí la sjac': —Te Cajwaltic ac'a yac'bey bendición ta stojol. Melel te Cajwaltic la xc'uxtayotiquixe, jich nix bit'il la spasbon soc te animaetic cu'untique. Te winique ja' quermanotic nix a, ay me ta swenta te ya scoltayotique —xi'.

Rut 3:13

Lec ay, c'axuc ajc'ubal awu'un li'to. Ya xba jchajban soc pajel te bi la calbate. Teme ya sc'an swentainate, ac'a me spas. Yan teme ma sc'an spase, jo'on me ya cal ta stojol Cajwaltic te ya jpase. Jich yu'un, wayan me jiche, maliya sacub —xi'.

Rut 3:9

—¿Mach'aat a? —xi' te Booz. La sjac' te Rute: —Jo'on Ruton, te awabatone. Te bit'il ja'at sts'umbalat te anima jmamlale, ay me ta awenta te ya awentainone. Ya jc'an te yacuc xnujbinotic —xi'.