Rut 4:13 - Bible in Tzeltal de Oxchuc y Tenejapa

¹³ Jich nujbin Booz soc Rut, la yic' bael ta sna. Te Cajwaltic la yac'bey bendición te ya x'ayin ch'in alal yu'unic.

Bible in Tzeltal Bachajón

¹³ Hich te Booz la yic' te Rut, ha yihnam c'oht; la sjoquin ta wayel. Te Jehová la yac' te ya xhahch yal, hich ayin tut querem yu'un.

Rut 4:13 ပူးပေါင်းရင်းမြစ်များ

Génesis 20:17

Jich yu'un te Abraham la sc'oponbey Dios, jich col te Abimelec, te yinam soc te criadaetique, alajic ta spisilic.

Génesis 25:21

Te Rebeca ma x'alaj, ja' yu'un te Isaac la sc'oponbey Dios te yiname. Tsacbot sc'op yu'un te Diose, jich la yic' yal te Rebeca.

Génesis 29:31

Ja'uc me to, Dios la yil te bit'il ma ba mulanbil yu'un smamlal te Lea, jich yu'un Dios la yac'bey tsobol yalatac. Yan te Raquel ma ba la yac' alajuc stuquel.

Génesis 30:2

Jich yu'un te Jacob ilin yu'un te bit'il jich albot yu'un te Raquel, la yalbey: —¿Dioson bal? ¿Yu'un bal jo'on ma xcac' alajucat? —la yut.

Génesis 33:5

Te Esaú la stoy sit, la yil te antsetic soc te alaletique, la sjojc'obey: —¿Mach'atic a te ajoineje? —la yut. —Ja' te alaletic te yac'ojbonix Dios ta swenta yutsil yo'tan te awabatone —xi'.

Salmos 113:9

Te ants te ma ba alajem ya yac'bey yutsil yo'tan ta alajel, ya yac'bey sjoin ta nainel te yalataque. ¡Bin nax yutsil te Cajwaltique!

Salmos 127:3

Te cal-jnich'antic ya x'ayinic, ja' jc'ulejaltic te ya yac'botic te Cajwaltique.

Rut 3:11

Lec ay jiche, ma me xiw awo'tan. Spisil ya sna' te jlumal te t'ujbil te awat'ele.

Rut 4:12

Te Cajwaltic ac'a yac'bat bayal anich'nab soc te antse, tsoboluc me ya xc'oat soc te anich'nabe, jich bit'il c'ot te Fares te yal-snich'an te Judá soc Tamar —xiic.

1 Samuel 1:27

Ja' la jc'anbey Cajwaltic te yacuc yac'bon tel jtuluc cal. La nix yac'bon a, ja' alal in to.

1 Samuel 2:5

Te mach'atic ay sobra swe'elic ta neelal to, yo'tic ya xbajt'iquix ta le-at'el swenta jxejt' pan; yan te mach'atic ay swi'nal ta neelal to, yo'tic ma'yuquix swi'nalic. Te ants te ma ba la yac' yal ta neelal to, yo'tic ac'botix tsobol yalatac yu'un Dios; yan te mach'a ay bayal yalatac, yo'tic ma'yuquix yutsil q'uinal ya yaiy.