Rut 4:10 - Bible in Tzeltal de Oxchuc y Tenejapa

¹⁰ Soc ja'ex testigoex yu'un te ya quic' quinamin te Rut, te me'ba ants talem ta Moab. Jich ma xch'ay sbiil ta q'uinal te anima smamlal te Mahlón sbiile. Ma xch'ay sbiil ta stojol te slumale, soc ma'yuc bi ora ya xch'ay ta o'tanil yu'un. Ja'ex me testigoex cu'un —xi'.

Bible in Tzeltal Bachajón

¹⁰ Soc ha nix hich ya quic' quihnamin te Rut te moab-ants, te yihnam Mahlón, scuenta yu'un ya jcha'hachbe sbihil ta sq'uinal te chawinic, yu'un ma ba ya xch'ay sbihil ta yohlil te yermanotac o ta pueblo yu'une. Ha'ex testigohex yo'tic, xchi.

Rut 4:10 ပူးပေါင်းရင်းမြစ်များ

Génesis 29:27

Ch'uuna neeluc te jun semana te q'uin nujbinel yu'un Lea, jich me ya cac'bat te Raquel, teme ya ach'uunbon xan jmandal juqueb ja'wil yu'une —la yut.

Génesis 38:9

Ja'uc me to, la sna' stojol te Onán te ma ja'uc sts'umbal ya xc'ot teme nich'naje, jich yu'un ma la sc'an yac'bey yal te yinam sbanquile. Jich yu'un te jujun buelta ya sjoin sba soque, ma mero la sc'opon sbaic ta lec, swenta yu'un ma xjajch' yal te antse, yu'un ma la sc'an ya yac'bey sts'umbal te sbanquile.

Salmos 109:15

Te smulic ayuc me ta yo'tan spisil ora te Cajwaltic; ac'a yich' ch'ayel ta lumq'uinal te sna'jibale.

Salmos 34:16

Te Cajwaltic contro ya yil te mach'atic ma lecuc yat'elic, ya me stup'bey ta balumilal te sna'jibalique.

Proverbios 18:22

Teme la sta yinam te winique, ja' me la staix te bila leque; ja' me la yich'ix a te c'uxtayel yu'un te Diose.

Proverbios 19:14

Ta swenta sme'-stat ya yich' sna soc sc'ulejal te quereme; soc ta swenta Cajwaltic te ya x'ac'bot yinamin te ants te ay sp'ijile.

Isaías 48:19

Te ats'umbale ma me p'isbiluc yajtalul te jichuque, ma xju'ix ta ajtayel jich bit'il sji'al mar. Jo'on ma'yuc bi ora la sc'an co'tan te ya jinat te jichuque; ni ma la sc'an co'tan te ya quijq'uitayate, te ya jch'ay jsit ta atojole —xi' te Cajwaltique.

Oseas 12:12

Te Jacob an bael ta q'uinal yu'un Aram. Tey at'ej ta scanantayel chijetic ta swenta stojel te yiname.

Oseas 3:2

Jich yu'un la jman jtul ants swenta yu'un ya cu'unin, la jtoj jo'lajuneb ta jsejp plata soc lajuneb sjuclajunwinic (330) litro cebada.

Zacarías 13:2

Ta spisil te lumq'uinale jc'axel me ya jinbey sbiil te loc'ombaetic, swenta yu'un ma ba ya yich'iquix c'oponel a. Soc ya me jloq'ues ta lumq'uinal te j'alwanejetic yu'unic, soc spisil te amen nopjibaletique. Jo'on Ajwalilon te jich caloje.

Malaquías 2:14

Soc ya to ajojc'oyic te bi yu'une. Ja' testigo te Cajwaltic te ma c'ot ta pasel awu'un te bila la achap ta stojol te ach'ix nujbinat soc te c'alal queremat toe. Ja' ajoy ta xjajch'ibal, soc la awalbey ta jamal te jun me awo'tan ta stojol ta sbajt'el ora.

Efesios 5:25

Winiquetic, te nujbinemexe, c'ux me x'awaiy ta awo'tanic te awinamique; jich bit'il te Cristoe, c'ux la yaiy ta yo'tan te jch'uunjeletique. Melel la yac' sba ta lajel yu'unic.

Deuteronomio 25:6

Te ba alalquerem ya x'ayin yu'unique, ja' me sjelol ya xc'ot te winic laje, swenta yu'un jich me ma xch'ay sbiil ta Israel a te yermanoe.

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

Josué 7:9

Teme ya yaiy stojol te cananeoetic soc spisil te mach'atic nainemic ta spamal q'uinale, ya me xtal smilotic ta jc'axel, ni ma'yuc jna'jibaltic ya xjil. ¿Bi ya apas te bit'il muc' te abiile? —xi' te Josué.

Rut 4:9

Te Booz la yalbey te mamaletic soc spisil te mach'atic tey ayic a: —Ta apisilic ja'ex me testigoex cu'un te ya jmanbey Noemí te sq'uinal jilel soc te Elimelec, Quelión soc Mahlón.