Rut 3:14 - Bible in Tzeltal de Oxchuc y Tenejapa

¹⁴ Jich way te Rut ta bay yacan Booz, buen ijc' to q'uinal a jajch', jteb to nax ya xchicnaj a te q'uinale. Yu'un la yal te Booz: “Ma me mach'a ya sna' stojol te xtaluc te antse”, xi'.

Bible in Tzeltal Bachajón

¹⁴ Hich way te Rut ta banti yoc c'alal ta sab, pero hahch bahel te c'alal ma to chicanuc q'uinal a, yu'un hich yaloj te Booz: Ma me ayuc mach'a ya sna' te xtaluc ants ta swuyojibal spat cebada, xchi.

Rut 3:14 ပူးပေါင်းရင်းမြစ်များ

Eclesiastés 7:1

Ja' bayal yutsil te mach'a buen lec sc'oplale; ja' peq'uel sc'oplal te lequil perfume. Ja' bayal yutsil te bi c'aalil ya xlajotique; ma ja'uc bayal yutsil te bi c'aalil ayinotique.

Romanos 12:17

Ma me xawac'bey stoj teme ay mach'a amen te bi ya spasbeyexe. Ac'a ta ilel te bila lec ta stojol spisil te ants-winiquetique.

Romanos 14:16

Ma me xawac' bolobuc sc'oplal te bila leque.

1 Corintios 10:32

Ma me ayuc mach'a ya awac' yaluc jtuluc te ja'exe, ni ja'uc te judioetique, ni ja'uc te jyanlumetique, ni ja'uc te jch'uunjeletic yu'un te Diose.

2 Corintios 8:21

Jich me ya jtsajtaytic te ma me ayuc falta ya jtatic ta stojol te Diose soc ta stojol te ants-winiquetique.

1 Tesalonicenses 5:22

Ijq'uitayaic me jilel spisil te bila amene.

1 Pedro 2:12

Jich yu'un ma me amenuc awat'elic ta stojol te jyanlumetique. Melel ya smuquen ayantayex soc scuyojex te amen te awat'elique. Ja'uc me to, manchuc teme amen awat'elic ta sc'opique, tey me ya sna'ic stojol a te bit'il lec te awat'elique, soc tey me ya yalbeyic lec sc'oplal a te Diose te bi ora ya xtal te colele.

Rut 3:15

Te Booz la yalbey: —Loq'uesa te atsotse, tulan x'atsac —xi'. Jich yu'un, te Rut tulan la stsac te stsotse. Te Booz la sp'isbey c'axem ta cha'winic (40) kilo cebada, la slicbey moel ta snejq'uel. Bajt' ta lum te antse.