Rut 3:13 - Bible in Tzeltal de Oxchuc y Tenejapa

¹³ Lec ay, c'axuc ajc'ubal awu'un li'to. Ya xba jchajban soc pajel te bi la calbate. Teme ya sc'an swentainate, ac'a me spas. Yan teme ma sc'an spase, jo'on me ya cal ta stojol Cajwaltic te ya jpase. Jich yu'un, wayan me jiche, maliya sacub —xi'.

Bible in Tzeltal Bachajón

¹³ C'axuc ahc'abal awu'un li'i. C'alal ya sacub q'uinal, teme ha ya scoltayat, lec ay, ac'a scoltayat; pero teme ma sc'ane, ho'on ya cal ta stojol Jehová te ya jcoltayat. Cuxa awo'tan hiche ha to c'alal ya sacub q'uinal, xchi.

Rut 3:13 ပူးပေါင်းရင်းမြစ်များ

Jeremías 12:16

Ta smelelil la sp'ijubtesic te lum cu'un ta yalel sbiil te Baal. Pero ta ora yo'tic ya xju' xnajc'ajic ta yolil te lum cu'une, teme ya xch'uun yo'tanic ta melel te bi xch'uunejic te lum cu'une, soc teme ya stabonic ta alel te jbiile: “Cuxul te Cajwaltic”, teme xiique.

Jeremías 4:2

jich me ya xju' te ya atabon ta alel jbiil ta smelelil, ta stojil soc ta swenta bitic lequic ta pasele. Ta swenta jbiil ya me xc'ot bendición ta stojol te nacionetic, soc ya me yalbonic lec jc'oplal —xi' te Cajwaltique.

2 Corintios 1:23

Ja'uc me to, te bit'il ma to baemucon ta Corinto jich te bit'il nopbil cu'une, ja' me testigo cu'un te Diose, te scaj nax te ay ac'oplalic ta co'tan te ja'exe.

Hebreos 6:16

Jich bit'il te ants-winiquetique, teme ay bi bayal sc'oplal ta yo'tanic te bila ya yalique, ja' ya yac' ta testigo te mach'a cajal ay yu'unique. Swenta yu'un mero melel ya xc'ot te bila ya yale.

Jueces 8:19

Jich yu'un te Gedeón awun: —¡Ja' te quermanotaque! ¡Ja'ex la amilbonic te mero quermanotaque! Ya cal ta stojol te cuxul Diose, ma ba ya jmilex te manchuc ja'uquex te milwanexe —xi'.

Rut 2:20

Te Noemí la sjac': —Te Cajwaltic ac'a yac'bey bendición ta stojol. Melel te Cajwaltic la xc'uxtayotiquixe, jich nix bit'il la spasbon soc te animaetic cu'untique. Te winique ja' quermanotic nix a, ay me ta swenta te ya scoltayotique —xi'.

Rut 3:12

Ja'uc me to, manchuc me sts'umbalon te anima amamlale, ay to xan yan te mach'a mero jun sme'-stat soque.

Rut 4:5

Jich yu'un te Booz la yalbey xan ta lec te bit'il ay sc'oplale: —Teme ya amanbey sq'uinal Noemí, ya me awic' te Rut te me'ba ants talem ta Moab, swenta yu'un jich ma xch'ay sts'umbal te anima smamlale —xi'.

Rut 4:6

C'alal la yaiy stojol te yermanoe, la sjac': —Teme jich ya sc'an, ma xju' cu'un smanel jiche, teme ayuc bit'il ya yac'bon jwocol ta patil soc te jbiluque. Jich yu'un teme ya ac'an aman te ja'ate, pasa me, ya jc'asesbat ta awenta —xi'.