Rut 3:10 - Bible in Tzeltal de Oxchuc y Tenejapa

¹⁰ La yal te Booz: —Ya me yac'bat bendición te Cajwaltique. Ta ora to la awac' ta ilel te jun awo'tan tel ta stojol te anima amamlale, melel ma ja'uc la ale te querem te jc'uleje soc ni ja'uc te me'bae.

Bible in Tzeltal Bachajón

¹⁰ Hich la yal te Booz: Ac'a ya'bat bendición te Jehová, cantsil-nich'an. Te bin la apas ta ora ini c'ax hich yutsil a te bin ut'il la apas ta nahil to, te ma ha'uc baht ale jtuhl querem, chican teme pobre o jc'ulej.

Rut 3:10 ပူးပေါင်းရင်းမြစ်များ

Génesis 24:31

Jich c'o yalbey: —Conic ta jna ja'at te awich'oj bendición yu'un te Cajwaltique. ¿Bistuc q'uejel ayat? La jchajbanix te jnae, soc banti ya x'ain te camelloetic awu'une —la yut.

Rut 1:8

Ja'uc me to, la yalbey ta be xchebal te yalibe: —Baanic, sujt'anic bael ta sna te ame'ique. Ya me xc'uxtayex te Cajwaltic, jich bit'il la ac'uxtayic te anima amamlalic, soc nix te bit'il la ac'uxtayonic te jo'one.

Rut 2:11

Te Booz la sjac': —Yu'un caiyoj stojol spisil te bit'il ay awo'tan soc te awalib-me'el, te sjayebalix c'aal slajel bael te amamlale. Melel ma'yuc sc'oplal ta awo'tan la awijq'uitay jilel te alumal soc te ame'-atat, te bit'il talat ta cuxinel ta bay ayotic, te ma'yuc bay awiloj ta neelale.

Rut 2:20

Te Noemí la sjac': —Te Cajwaltic ac'a yac'bey bendición ta stojol. Melel te Cajwaltic la xc'uxtayotiquixe, jich nix bit'il la spasbon soc te animaetic cu'untique. Te winique ja' quermanotic nix a, ay me ta swenta te ya scoltayotique —xi'.

Rut 2:4

Te Booz jich nix yorail loc' tel ta Belén, tal yil te cebadail. La spatbey yo'tanic te abatetic yu'une: —Ac'a sjoinex te Cajwaltique —xi' ta spatbeyel yo'tanic. La sjaq'uic: —Ac'a yac'bat bendición te Cajwaltique —xiic ta spisilic.

Rut 3:9

—¿Mach'aat a? —xi' te Booz. La sjac' te Rute: —Jo'on Ruton, te awabatone. Te bit'il ja'at sts'umbalat te anima jmamlale, ay me ta awenta te ya awentainone. Ya jc'an te yacuc xnujbinotic —xi'.

1 Samuel 15:13

Jich bajt' te Samuel te banti ay Saúl, jich la yal te Saúl: —Ac'a yac'bat bendición te Cajwaltique. C'otix ta pasel cu'un te smandale —xi'.