Rut 2:20 - Bible in Tzeltal de Oxchuc y Tenejapa

²⁰ Te Noemí la sjac': —Te Cajwaltic ac'a yac'bey bendición ta stojol. Melel te Cajwaltic la xc'uxtayotiquixe, jich nix bit'il la spasbon soc te animaetic cu'untique. Te winique ja' quermanotic nix a, ay me ta swenta te ya scoltayotique —xi'.

Bible in Tzeltal Bachajón

²⁰ Te Noemí la yalbe te yalibe: ¡Ac'a a'botuc bendición yu'un Jehová! Ma ba quehchaj yu'un sc'uxultayel te mach'atic cuxulic soc te mach'atic chamenic. Te winic ini, ma yanuc parte cu'untic, ha nix te mach'a ay ta scuenta te ya scoltayotic, xchi.

Rut 2:20 ပူးပေါင်းရင်းမြစ်များ

2 Samuel 2:5

jich la sticun ta alel: “Ac'a yac'beyex bendición te Cajwaltic te la ac'uxtayic te Saúl te ajwalil cu'untic te bit'il la amuquique.

2 Samuel 9:1

Te David la sta yorail jich la sjojc'o: —¿Ay to bal cuxul jilel te mach'atic ay yu'un te Saúl, te ya xju' ya jc'uxtay ta swenta sna'ojibal te Jonatán? —xi'.

Job 19:25

Te jo'on ya jna' te cuxul te jcoltaywanej cu'un, te ja' stuquel te ya xc'opoj cu'un li' ta balumilale.

Proverbios 17:17

Te mach'a jun co'tantic soc, spisil ora ay xc'uxul yo'tan ta jtojoltic; soc te c'alal yorail woclajel a, jich me c'oem te bit'il mero quermanotique.

Levítico 25:25

“Teme ay jil ta me'bail jtuluc te alumale, teme ta scaj sme'bail ay ya xchonbat sq'uinal, ya me xju' ya xtal te mach'a ma yanuc parte yu'une, ya me xju' ya sman sujt'el te bila la xchon te mach'a jilem ta me'baile.

Filipenses 4:10

Bayal sbujts' co'tan ta swenta Cajwaltic yu'un te bit'il la ana'onic xan yan buelta. Ma yu'unuc ya cal te ch'ayemon ta awo'tanique. Melel jna'oj stojol te yu'un ma wejt' awu'unic te bit'il ya ataonic ta coltayele.

Rut 2:21

Te Rut la yal: —La yalbon te tey nix ya xboon ta stsobel a te cebada, ja' to laj c'alal ya xju' ta loq'uesel ta spisil —xi'.

Rut 3:12

Ja'uc me to, manchuc me sts'umbalon te anima amamlale, ay to xan yan te mach'a mero jun sme'-stat soque.

Rut 4:14

Te antsetic la yalbeyic te Noemí: —Bin nax yutsil te Cajwaltic, te melel ac'botix yal te awalib, ja' me ya scanantayat. Ayuc bit'il muc' ya xc'ot ta Israel.

Rut 4:4

Ya jc'an cac'bat ana' stojol: teme ya ac'an amane, ya me apas ta stojol in testigoetic to soc te mamaletic yu'un te jlumaltique. Melel mero jun ame'-atat soc te anima Elimelec; jich yu'un, ja'at ay ta awenta smanel te sq'uinale. Yan teme ma xju' awu'une, albon ta jamal, yu'un jo'on me c'otix ta jwenta smanel abi —xi'. Te yermano la sjac': —Ya jmanbey —xi'.

Rut 4:6

C'alal la yaiy stojol te yermanoe, la sjac': —Teme jich ya sc'an, ma xju' cu'un smanel jiche, teme ayuc bit'il ya yac'bon jwocol ta patil soc te jbiluque. Jich yu'un teme ya ac'an aman te ja'ate, pasa me, ya jc'asesbat ta awenta —xi'.