Rut 1:6 - Bible in Tzeltal de Oxchuc y Tenejapa

⁶ Te Noemí la yaiy stojol te ma'yuquix wi'nal ta slumal, te na'botix yo'bolil sbaic yu'un Dios, ac'botiquix lec swe'elic.

Bible in Tzeltal Bachajón

⁶ Tey ta sq'uinal Moab la ya'iy te Jehová tal scoltay te pueblo yu'un, ha te la yac'ticlambe we'elil, ha yu'un hahch bahel soc te schebal yalib, loc' bahel ta sq'uinal Moab.

Rut 1:6 ပူးပေါင်းရင်းမြစ်များ

Génesis 21:1

Te Cajwaltic la sna' te Sara, jich nix pasbot yu'un te bit'il albot yu'une.

Génesis 28:20

Jich la yal ta jamal te Jacob: “Teme yu'un ya sjoinon te Diose, soc teme ya scanantayon ta bay ya xboon, soc teme ya yac'bon jwe'el, jc'u'-jpac',

Génesis 48:15

Jich te mamal Israel la sc'anbey bendición ta stojol José: —Te Dios te jun yo'tan la xch'uunic te jmam Abraham soc te jtat Isaac, ja' te Dios te scanantayejon c'alal ora yo'tic,

Génesis 50:25

Te José jich la yalbey te yermanotaque: —Te Dios puersa ya yac'beyex awilic yu'el ta patil. Jich yu'un puersa me ya awalbonic caiy ta stojol Dios te bit'il ya awich'bonic loq'uel bael te jbaquele —la yut.

Salmos 102:14

Te abatetic awu'un c'ux ta yo'tanic te tonetic yu'un Sión; c'ux ya yaiyic ta jyalel te bit'il jinemixe.

Salmos 111:5

ya yac'bey swe'elic te mach'atic ya x'ich'ot ta muc' yu'une; ya sna' sbajt'el q'uinal te trato yu'une.

Salmos 132:15

Ya me cac'bey bayal bendición ta swe'elic; ma me ba ya cac' lajuquic ta wi'nal te me'baetique.

Salmos 145:15

Spisilic ya yac' sitic ta smaliybelat te bi ora ya awac'bey te swe'elique.

Salmos 146:7

Ya xchajban te mach'atic ay ta uts'inel; ya yac'bey swe'elic te mach'atic ay ta wi'nale. Te Cajwaltic ya yac' ta libre te mach'atic chuculic;

Salmos 147:14

Ja' ya yac' te lamaluc q'uinal ta spamal alumal; ja' ya yac'bat xnoj lec ach'ujt' yu'un te lequil trigo.

Éxodo 3:16

Baan, tsoba te mamaletic ich'bilic ta muc' yu'un te alumal, albeya yaiyic: “Te Cajwaltic Dios yu'un te antiguo jme'-jtatique, te Dios yu'un Abraham, Isaac soc Jacob, la yac' sba ta ilel ta jtojol. La yalbon te stsacojbeyexix te ac'opique. Yiloj lajix te bila ya spasbeyex te egipcioetique.

Éxodo 4:31

La xch'uun yo'tanic te lume. C'ot ta yo'tanic te yorailix te ya yich'ic coltayele, te na'botix yo'bolil sbaic yu'un te Cajwaltique. La stinan sbaic coel c'alal ta lum, caj yalbeyic bayal wocol te Diose.

Proverbios 30:8

Ma me xawac'on ta pas-lot soc ta yalel te bila ma meleluque, soc ma me xawac'on ta jc'ulej ni ta me'bail. Ja' nax me ya awac'bon te jich yipal we'elil te ya xtuun cu'une.

Isaías 55:10

—Jich bit'il te ja'al soc te toib te ya xcoic tel ta ch'ulchane, ma ba ya sujt'ic xan moel. Ja' ya yajch'esix te lumq'uinale, ya sc'ateswan soc ya xch'ijteswan, soc ya yac' esmajuc awalil ta swenta ts'unbajel soc ya yac' esmajuc te waj ya yich' we'ele.

Jeremías 29:10

“Soc jich ya yal te Cajwaltique: ‘C'alal ya sts'aquej lajuneb xchanwinic (70) ja'wil, ya xjajch'on ta at'el ta ac'uxtayelic te ja'exe, soc ya me jc'otes ta pasel te bila caloj ta jamal te ya jc'uxtayex soc te ya jsujt'esex tele.

Joel 2:19

Jich la yal: —Ya me jticunbeyex trigo, vino soc aceite, ja' to teme noj ach'ujt'ique. Ma'yuquix bi ora ya cac' slabanex te mach'atic ma ba xch'uunejone.

Sofonías 2:7

Te mach'atic cuxulic xan ta Judá, ya me x'och ta sc'abic te lumq'uinale, te c'alal ya xtal te Cajwaltic Dios te ya yac'bey coltayel soc te ya slecubtes te bit'il ayique. Tey me ya xbajt'ic soc a te xchijique, soc ta ajc'ubal ya me xcux yo'tanic ta bay nanatic yu'un Ascalón.

San Mateo 6:11

Ac'botic we'elil swenta in c'aal to.

San Lucas 1:68

—Jelawen yutsil te Cajwaltic te Dios yu'un Israele. Yu'un tal scoltay ta libre te lum yu'une.

San Lucas 19:44

Ya me yich' wuyel c'alal ta lum spisil te naetique. Ya me yich' milel spisil yajwal te alumale. Ni jp'ijuc ton te cajal ya xjil ta sba yan ton. Spisil me jich ya xc'ot ta pasel scaj te ma c'ot ta awo'tan te bi ora tal yilat te Diose —xi' ta yalel te Jesuse.

1 Timoteo 6:8

Jich yu'un, teme ay jwe'eltic soc jc'u'-jpac'tic te ayotic ta balumilale, junuc me co'tantic yu'un.

1 Pedro 2:12

Jich yu'un ma me amenuc awat'elic ta stojol te jyanlumetique. Melel ya smuquen ayantayex soc scuyojex te amen te awat'elique. Ja'uc me to, manchuc teme amen awat'elic ta sc'opique, tey me ya sna'ic stojol a te bit'il lec te awat'elique, soc tey me ya yalbeyic lec sc'oplal a te Diose te bi ora ya xtal te colele.

Rut 1:5

lajic bael te Mahlón soc te Quelión. Jich jilic me'ba antsetic soc te Noemí, ma'yuquix jilel yalatac soc ma'yuquix smamlal.

Rut 1:7

Jich yu'un, la snop te ya sujt' bael ta sq'uinal Judá. Jich loc' bael tey a te banti nainem soc xchebal te yalibe.

1 Samuel 2:21

Te Cajwaltic la yac'bey bendición te Ana, jich la yic' xan yal. Ayin xan oxeb squerem-alatac soc cheb yantsil-alatac. Jich te alal Samuel, yan yan ta muc'ubel ta stojol te Cajwaltique.