Proverbios 26:2 - Bible in Tzeltal de Oxchuc y Tenejapa

² Jich bit'il ja'mal mut te bayuc ya xbajt'e, soc jich bit'il ulich te ma'yuc spechech, ja' nix jich teme ma'yuc swentail te bolc'optayele, ma'yuc bila ya xc'ot ta pasel yu'un.

Bible in Tzeltal Bachajón

² Hich te bin ut'il ha'mal mut te bayuc ya xbaht, o ulich te yac ta wihlel, ha nix hich te chopol c'oblalil te mayuc scuentahil, ma xc'oht ta banti sc'oblal ya xc'oht.

Proverbios 26:2 ပူးပေါင်းရင်းမြစ်များ

Números 23:8

Ja'uc me to, ¿bit'il c'an cal, te ya x'ac'bot castigo teme ma jichuc yo'tan te Diose? ¿Bit'il c'an ma lecuc co'tan yu'un teme ma jichuc yo'tan te Cajwaltique?

Salmos 109:28

Ma'yuc sc'oplal ta co'tan te ya sbolc'optayonic, ja' nax teme ya awac'bon bendicione. Ac'a me q'uexawuquic, ja'uc me yutsil co'tan ya caiy te awabatone.

Nehemías 13:2

Melel ma ba loq'uic bael ta yaq'uel swe'el-yuch'elic te namey israeletique. Melel ja'ic stuquelic la stojic te Balaam te la sc'opon Dios yu'un ya xc'anbotic castigo ta stojolique, manchuc teme Dios la sc'atp'un ta bendición te castigo c'anbot ta stojolique.

2 Samuel 16:12

Teme yu'un ya yilbon jwocol te Cajwaltic, ya wan yac'bon bendición te bit'il bolc'optayel yacon ta yaiyel abi —xi'.

1 Samuel 17:43

Te bit'il ma la yich' ta wenta, jich la yalbey: —¿Yu'un bal ts'i'on ta ac'op te tal amajon ta te'? —xi'. Ta swenta te yajcanan, ora jajch' yalbey ixta c'op te David,

Proverbios 27:8

Jich bit'il ja'mal mut te q'uejel yijq'uitayej jilel te specheche, ja' nix jich te mach'a c'ubul ay ta beel te yijq'uitayej jilel te slumale.

Isaías 16:2

Te yajwal Moab, pajalic soc te ja'mal mutetic te ya xiwic loq'uel ta anel ta spechechique, te ya xc'axic bael ta tec'oja' yu'un muc'ja' Arnón.

2 Samuel 16:8

¡Te Cajwaltic la yac'batix castigo ta scaj te amilawe! Melel la amilbey te mach'atic ay yu'un te Saule. Ja'at la apoj te at'ele, ochat jilel ta swenta. Yo'tic te Cajwaltic, ja' la yaq'uix ochuc ta muc' ajwalil te anich'an Absalón. Yan te ja'ate li' ayat ta wocol ta scaj nix te abolile. ¡Melel mero jmilawalat! —xi' te Simei.