Proverbios 17:2 - Bible in Tzeltal de Oxchuc y Tenejapa

² Te abat te ay sp'ijile, ya xc'ot ta swenta mandalteswanej ta stojol te nich'anil te q'uexlaltic sbae; soc ya xc'ot ta swenta sbiluc te tatile, jich nix bit'il te yantic snich'nabe.

Bible in Tzeltal Bachajón

² Te a'bat te ay sp'ijil yo'tan ya me scuentahin te nich'anil te q'uexlaltic sba, soc pajal ya yich' soc te sbanquiltac te bin ya x'a'bot yich'ic hilel yu'un te state.

Proverbios 17:2 ပူးပေါင်းရင်းမြစ်များ

Proverbios 10:5

Te mach'a ya yaiy c'ajoj ta yorail verano, ja' te mach'a ay sp'ijile; te mach'a wayal ta yorail c'ajoj, ya me sta q'uexlal stuquel.

Eclesiastés 4:13

Soc yan xan, ja' bayal sc'oplal te querem te me'ba teme ay sp'ijil yo'tane; ma ja'uc bayal sc'oplal te muc' ajwalil mamalix teme ma sna' q'uinale. Melel te mamale ma sc'anix tojtesel stuquel.

Proverbios 19:26

Te mach'a ya yelc'anbey sbiluc stat, soc teme ya snuts loq'uel ta sna te sme'e, ja' me te bol at'elil te q'uexlaltic sbae, jich ya xchicnaj a te ma lecuc yat'el te nich'anile.

Proverbios 14:35

Te abat ya sna' at'el, ya xc'uxtayot yu'un te muc' ajwalile; yan te mach'a ma sna' at'ele, ja' nax stojol ya xc'ot te ilintayel yu'une.

Proverbios 29:15

Ta swenta majel soc ta swenta comel, ay bila ya yich' nopel; yan te nich'anil te ma'yuc comel ta stojole, ya yac' ta q'uexlal te sme'e.

Proverbios 11:29

Te mach'a ma scanantay ta lec te mach'atic ay yu'une, jochol me ya xjil te snae; te mach'a ma sna' q'uinale, spisil ora ya smozoinot yu'un te mach'a ay sp'ijile.

Proverbios 17:1

Manchuc me tulanil waj ay ta we'el, teme lamal nax te q'uinale; ma lecuc teme bayal q'uinetic, teme ja' nax cuxulotic ta puro c'op.

Proverbios 17:3

Oro soc plata ya yich'ic tsajel ta c'ajc'; ja' nix jich te bila ya snop te co'tantique, ya me yich' tsajel yu'un te Cajwaltique.