Proverbios 1:7 - Bible in Tzeltal de Oxchuc y Tenejapa

⁷ Te xjajch'ibal te p'ijil-o'tanile, ja' te yich'el ta muc' te Cajwaltique; te mach'atic ma sna'ic q'uinale ya yilayic te p'ijil c'op soc te p'ijubtesele.

Bible in Tzeltal Bachajón

⁷ Te shahchibal te p'ijil-o'tanil ha te xi'el te Jehová; te mach'atic ma sna'ic q'uinal ya yihlayic te p'ijil-o'tanil soc te nohptesele.

Proverbios 1:7 ပူးပေါင်းရင်းမြစ်များ

Job 28:28

Te Diose jich la yalbey te ants-winiquetique: “Te xjajch'ibal te p'ijil-o'tanile, ja' te yich'el ta muc' te Cajwaltique; soc te mach'a jc'axel ya yijq'uitay ta pasel te bila amene, ja' te mach'a ay sp'ijil sjol stuquel”, xi' te Diose.

Salmos 111:10

Ja' smuc'ul sp'ijil co'tantic Ja' te ya quich'tic ta muc' te Diose; te mach'atic ya yich'ic ta muc', ya x'ac'bot sp'ijil yo'tanic yu'un. Te Diose ay ta alel yutsil sc'oplal sbajt'el q'uinal.

Eclesiastés 12:13

Lajix ta alel te c'opetique, spisil la yich'ix alel. Ich'a ta muc' te Diose, ch'uunbeya te mandaliletic yu'une, melel ja' nax ta spisil te ay ta swenta spasel te ants-winiquetique.

Proverbios 9:10

Te xjajch'ibal te p'ijil-o'tanile ja' te yich'el ta muc' te Cajwaltique; teme ya ana'bey sba te Ch'ul Diose, yu'un me ay sp'ijil ajol abi.

Proverbios 15:33

Te mach'a yich'oj ta muc' te Cajwaltique, yac ta p'ijubtesel ta swenta te p'ijil-o'tanil; teme ya x'och ta ich'el ta muq'ue, neel ya sc'an ya spejc'an sba.

Proverbios 18:2

Te mach'a ma sna' q'uinal, ma'yuc bila ya sc'an yo'tan ya snop; ja' nax toyol yo'tan yu'un te ya yac' ta ilel sp'ijil ta sc'op.

Proverbios 1:22

“Queremetic, te ma'yuc ap'ijilique, te jlabanwanejex soc te ma x'ana'ic q'uinale, ¿jayeb xan ora te ya amulanic te bol-o'tanile, soc te ya sbujts'naj awo'tanic yu'un te labanwanej, soc te ya awilayic te p'ijilile?

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

Proverbios 15:5

Te mach'a ma sna' q'uinal, ya yilay te tojtesel yu'un te state; yan te mach'a ya xch'uune, ja' ya yac' ta ilel a te sp'ijil yo'tane.

Deuteronomio 4:6

Ac'a me c'otuc ta pasel awu'unic, soc jich me xapasic bael spisil ora, melel jich me ya sna'ic a te yantic lumetic te ay sp'ijil awo'tanic soc te spisil ya ana'beyic swentaile. Te c'alal ya sna'ic te bit'il ay te mandaliletic, jich me ya yalic: “Mero bayal sp'ijil yo'tan, soc sna'ojbey swentail spisil, ja' muc'ul nación in to”, xiic me.

Proverbios 2:5

Jich me ya ana' a te bit'il ay ta ich'el ta muc' te Cajwaltique; jich me ya ata te bit'il ya ana'bey sba te Diose.

Proverbios 15:32

Te mach'a ya yilay te tojtesele, ma c'uxuc ya yaiy sba; yan te mach'a ya xch'uun comele, ya sta sp'ijil stuquel.

Proverbios 23:9

Ma me xc'opojat ta stojol te mach'a ma sna' q'uinal, melel ya me slaban te p'ijil c'opetic awu'une.