Oseas 5:3 - Bible in Tzeltal de Oxchuc y Tenejapa

³ Ya jna'bey sba te Efraín; te Israel ma yu'unuc ma jna'bey sba. Te Efraín yac'oj sba ta mulwej; te Israel la sboltes sba —xi'.

Bible in Tzeltal Bachajón

³ Ya jna'be sba te Efraín; te Israel ma yu'unuc ma jna'be sba. Yo'tic, Efraín, awac'oj aba ta antsiwej, bohlobtesbil te Israel, xchi.

Oseas 5:3 ပူးပေါင်းရင်းမြစ်များ

Isaías 7:16

Te c'alal ma to sna' tsajtayel te bay lec soc te bay ma lecuque, ya me xjojch'aj jilel te sq'uinalic te cheb muc' ajwaliletic te ya yac'bat xiwele.

Isaías 7:17

“Te Cajwaltic ya me yac' xtal wocol ta atojol, soc ta stojol te alumal, soc ta stojol te mach'atic ay awu'une, woclajel te ma'yuc bay jich c'oem ta pasel a ja' to c'alal la sloq'ues sba bael Efraín ta stojol Judá —xi'. (Ja' ya yalbey sc'oplal te muc' ajwalil yu'un Asiria.)

Isaías 7:5

Te siriaetic soc te lum Efraín, soc te snich'an Remalías, la xchajbanic te ya spasbat te bila amene. Jich la yalic:

Oseas 1:2

Jich jajch' yal te Cajwaltic ta stojol Oseas: —Te israeletic yac ta mulwej c'oem te bit'il loq'uic ta jtojole. Ja' yu'un, jich me ya apas te ja'ate: Baan, ic'a jtul jmulawil ants. Alaj-nich'najan soc. Jich te alaletique, yalatac jmulawil ants, xi' me sc'oplal —xi' te Cajwaltique.

Oseas 12:1

“Te Efraín puro ic' ya yipan, spisil c'aal ya st'un bael te ic' te ya xtal ta stojol sloq'uib c'aal. Ya xtoy bael te lotetic soc te uts'inwanej yu'unique. Ya spas trato soc Asiria soc ya sticun majt'anil aceite ta Egipto —xi' te Diose.

Oseas 13:1

C'alal c'opojic te yajwal Efraín, te yantic ta chajbalchajp te israeletic la yich'ic ta muc'. Ja'uc me to, laj te Efraín te c'alal la sta smul ta xch'uunel Baal.

Oseas 13:5

Jo'on la jcanantayat ta lumq'uinal te xlemlon sc'aal ta jochol taquin q'uinale.

Oseas 5:11

Efraín tenbil ta uts'inel, ma'yuc ta wenta c'ot stuquel, yu'un la yat'elin xch'uunel lotil diosetic.

Oseas 5:13

“C'alal ya yil sba te ay ta chamel te Efraín, soc c'alal ya yil yejch'en te Judá, te Efraín ya xbajt' ta Asiria ta sc'anel coltayel ta stojol te mero muc'ul ajwalil. Ja'uc me to, ma me xju' yu'un slamantesel te xchamele, soc ma xju' yu'un xpoxtayel te ejch'enetic yu'une.

Oseas 5:9

Jo'on ya cal ta yolilal te sts'umbal Israel te bila ya xc'ot ta pasel ta mero melel: Efraín jinbil me ya xjil ta sc'aalelal castigo.

Oseas 6:10

Ta bay Israel ay bila la quil te xiweltic sba tey a: Ja' te Efraín la yaiy mulwej, soc te Israel la sboltes sba.

Oseas 6:4

Ya yal te Cajwaltique: —¿Bi me ya jpas ta atojol, Efraín? ¿Bi me ya jpas ta atojol, Judá? Te xc'uxul awo'tanic ta jtojole jich c'oem te bit'il sjab lumq'uinal ta sacubele, soc jich c'oem te bit'il ts'ujul ta ijc' to q'uinal te sab ya xch'ay c'axele.

Oseas 8:11

“Melel te Efraín yac ta spasel bayal ta jmil scajtijib majt'aniletic; ja' nax ya xtuun yu'unic ta sleel smulic a.

Amós 3:2

—Ja'ex nax atuquelic te la jtsaex ta yolilic spisil te lumetic ta balumilal. Jich yu'un ya cac'beyex castigo yu'un spisil te bila amen apasojique —xi'.

Amós 5:12

Jo'on ya jna' te bayal bila amen apasojic soc te ma'yuc slajibal te amulique. Ya atenic ta uts'inel te mach'a toje, ya atsac amajt'an taq'uinic, soc ta bay chajbajibal ma'yuc sc'oplal ya xc'ot awu'unic te bila ya sc'an te me'bae.

Deuteronomio 33:17

Buen t'ujbil, pajal soc sba snich'an toro, bayal me yip jichuc ja'mal wacax; ya me sluch ta xulub spisil lumetic, ya me xbajt' c'alal ta sti'il te q'uinale. Jich me te mero bayal lum Efraín. Jich me te mero tsobol lum Manasés —xi'.

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

Apocalipsis 3:15

Jo'on quilojbat te awat'ele. La caiyix te ma sicucate soc te ma q'uixinucate. Co'tanuc te q'uixinate o te mero sicate.