Números 5:9 - Bible in Tzeltal de Oxchuc y Tenejapa

⁹ “Spisil majt'anil ya yac'beyic Cajwaltic te israeletic, ya me yich'beyic bael ta stojol sacerdote, ja' me yu'un ya xc'ot te sacerdote.

Bible in Tzeltal Bachajón

⁹ Spisil mahtanil yu'un te bintic ch'uhltesbilic te ya yaq'uic te snich'nab Israel ta stojol sacerdote, ha yu'un ya xc'oht.

Números 5:9 ပူးပေါင်းရင်းမြစ်များ

Éxodo 29:28

Ja' me ya xtuunix yu'un soc te snich'nabe. Ja' me jmandal ta sbajt'el q'uinal ta stojol te israeletique te ya yac'bonic majt'an, ja' me milbil majt'anil swenta seña te lamal-o'tanile.

Levítico 10:13

We'aic ta yawil ch'ultesbil, melel ja' me te c'ot ta awentaic ja'at soc anich'nab te jilem ta majt'aniletic ya yich' chiq'uel swenta yich'el ta muc' te Cajwaltique. Jich ay te mandal quich'oj alele.

Levítico 10:14

Te stan te ja' ya yich' toyilayel ta stojol te Cajwaltic, soc te ya' chambalam te swenta patanile, ya me sc'an ya awe' ta yawil te yich'oj lecubtesel sc'oplale, ja'at soc te aquerem-nich'nab soc te awantsil-nich'nabe, melel ja' me te c'ot ta awentaic te jilem yu'un milbil majt'anil swenta lamal-o'tanil te ya yac' te israeletique.

Levítico 10:15

Te ya' te ja' swenta patanile, soc te stan te ja' ya yich' toyilayel ta stojol te Cajwaltique, ya me yich' ich'el bael ta stojol swenta smajt'an, jich bit'il te xepuil te ya yich' aq'uel yu'un ya yich' chiq'uele. Ja' in to spisil ora ja'at me awu'un soc anich'nab, jich nix te bit'il yaloj mandal te Cajwaltique —xi' te Moisese.

Levítico 6:26

Te sacerdote ya yac' te majt'anil yu'un mach'a la sta smule, ya xju' ya swe'elin, pero ya me sc'an ya swe' ta yawil te ch'ultesbil ta yamac'ul te Nailpac' te banti ya quich' c'oponele.

Levítico 7:32

Te swa'el ya' te chambalam ya yich' aq'uel swenta lamal-o'tanil, ya me yich' aq'uel te sacerdote swenta patanil.

Levítico 7:34

Melel te majt'anil swenta lamal-o'tanil soc te ya yaq'uic ta jtojol te israeletique, ya me quich'bey te stan swenta mero jmajt'an soc te ya' swenta patanil. Ja' ya cac'bey te sacerdote Aarón soc te sts'umbale, ja' te spisil me ora jich ya xbajt'ix ta pasel te ya yich' aq'uel te jich yipal ya xc'ot ta swentaic te bila ya yaq'uic te israeletique.” Jich me ya awal ta stojolic —xi' te Cajwaltique.

Números 18:19

Spisil te spatanic te israeletic te ya sloq'uesbonic ta jwenta, ja' ya cac'bat te ja'at soc te anich'nab queremetic ach'ixetic te nainemat soque. Ja' me mandalil cu'un sbajt'el q'uinal. Ja' trato te ma xyanaj sc'oplal sbajt'el q'uinal, te ya cac' ta atojol ja'at soc te ats'umbale —xi' te Cajwaltique.

Números 31:41

Te Moisés la yac' te patanil yu'un Cajwaltic ta sc'ab te sacerdote Eleazar, jich bit'il yaloj mandal te Cajwaltique.

Números 5:8

Teme lajemix a te mach'a la yich' il-o'tantayel, soc teme ma'yuc mach'a mero jun nax sme'-stat soc te ya yich' te sjelole, ja' me ya xc'ot ta swenta te Cajwaltic te ya xtuun yu'un te sacerdote. Ja' ya sjoin sba soc te tat chij te ya yac' ta stojol Dios te sacerdote ta swenta stael perdón yu'un smul te mach'a la sta smule.

Deuteronomio 12:26

Yan te bitic chapal yu'un ya awac'beyic ta stojol te Cajwaltic swenta smajt'ane, soc te bila jc'axel awalojic te ya awac'beyic te Cajwaltique, ya me awaq'uic tey ta banti ya stsa stuquel.