Números 5:7 - Bible in Tzeltal de Oxchuc y Tenejapa

⁷ Ya me sc'an ya yal ta jamal te bila la spasbey, soc ya me yac'bey sjelol soc xan jun ta yo'ebal te bit'il stojole.

Bible in Tzeltal Bachajón

⁷ Ya me yal ta jamal te smul spasoj, ts'acal me ya ya'be sjelol te bin la sjin soc ya ya'be jun xan ta yo'ebal te mach'a la sta smul ta stojole.

Números 5:7 ပူးပေါင်းရင်းမြစ်များ

Salmos 32:5

Ja'uc me to, la calbat ta jamal, ma ba la jmuquix ta co'tan te jmule, ja' te bila ma lecuc jpasoje; la jnop te ya calbat ta jamal te muliletic jpasoje, te ja'at Cajwal, la apasbon perdón yu'un.

Proverbios 28:13

Te mach'a ya smuc smul, ma lecuc ya xc'ot yu'un; yan te mach'a ya yal ta jamal soc te ya yijq'uitay spasele, ya me sta perdón.

Levítico 26:40

“Manchuc me ya ana'ic te amulique, soc te smulic te ame'-atatique, soc nix te ma junuc awo'tanic ta jtojole, soc te la atoy abaic ta jtojole,

Levítico 26:41

ja' nix jichon ya me jtoy jba ta atojolic, ya me quiq'uex bael ta slum-sq'uinalic te acontroique, tey me ya xc'o spejc'an sba a te stoybail awo'tanic swenta amulic, soc ya me atojic te amulique.

Levítico 5:15

—Te mach'a ma spasemaluc yo'tan ya sle smul, teme la sta falta ta swenta bit'il la scom sba ta yaq'uel te bila ch'ultesbil cu'un jo'on te Ajwalilone, ya me xju' ya yic'bon tel jcojt' xchij te ma'yuc bila boloben ta sbaq'uetal, swenta milbil jmajt'an yu'un te falta staoje, ya me yic'bon tel ta jtojol jo'on te Ajwalilone. Te stojol te chije ya me yich' tojel ta plata, chican te bit'il ay te sp'isjibal yalal te yac ta tuunel ta ch'ul awilal ta swenta te majt'anile.

Levítico 5:16

Ja' te mach'a la sta smul ta swenta te bit'il la scom sba ta yaq'uel te bila ch'ultesbil cu'une, ya me stoj, soc ya me yac' xan jun ta jo'jo'eb te stojole. Te jayeb ya xloq'ue, ya me yac'bey ta sc'ab te sacerdote. Te sacerdote ya me stabey perdón yu'un te falta staoj te mach'a ya yac' te chij ya yich' milel yu'un te smule, jich me pasbil perdón ya xjil yu'un a te falta staoje.

Levítico 5:5

“Te mach'a ya sta smul ta swenta te muliletic in to, ya me sc'an te ya yal ta jamal te smul la stae,

Levítico 7:7

“Te majt'anil yu'un te mach'a ay sfalta scaj te la yu'unin te bila ma yu'unuque, pajal nix soc te majt'anil yu'un te mach'a ya sta smule, pajal me ya yich' pasel ta xchebal: te majt'anile ja' me yu'un te sacerdote ya x'at'ej ta sc'anel te perdone.

Números 5:8

Teme lajemix a te mach'a la yich' il-o'tantayel, soc teme ma'yuc mach'a mero jun nax sme'-stat soc te ya yich' te sjelole, ja' me ya xc'ot ta swenta te Cajwaltic te ya xtuun yu'un te sacerdote. Ja' ya sjoin sba soc te tat chij te ya yac' ta stojol Dios te sacerdote ta swenta stael perdón yu'un smul te mach'a la sta smule.

San Lucas 19:8

Te Zaqueo tejc'aj jajch'el ta olilal. Jich la yalbey te Cajwaltique: —Cajwal, ya me jq'uebanbey oliluc jbiluc te me'baetique. Soc teme ay mach'a la jlo'laybey sbiluque, chaneb buelta ya quesmantesbey sujt'el te sjelole —xi'.

Josué 7:19

Jich yu'un te Josué la yalbey te Acán: —Jnich'an, ac'a ta ilel yutsilal te Cajwaltic te Dios cu'untic te israelotique, ac'a ta ich'el ta muc'. Albon caiy te bila apasoje, ma me x'amuc ta awo'tan —la yut.