Números 31:3 - Bible in Tzeltal de Oxchuc y Tenejapa

³ Jich yu'un te Moisés la yalbey te lume: —Ya me achajban abaic soc awat'ejibic, yu'un ya xba awac'beyic guerra te madianetic, yu'un ya cac'beytic spacol ta swenta te Cajwaltique.

Bible in Tzeltal Bachajón

³ Ha yu'un te Moisés la yalbe te pueblo: Ac'a schahpan sbahic winiquetic ta awohlilic yu'un ya ya'beyic guerra te Madián, yu'un ya sutbeyic spacol ta scuenta Jehová te Madián.

Números 31:3 ပူးပေါင်းရင်းမြစ်များ

2 Reyes 10:30

Te Cajwaltic jich la yalbey te Jehú: —Te bit'il lec te awat'el ta jtojole, soc toj ta jsit te bi ya apase, melel la apasbeyix te sts'umbal Acab spisil te bi la cale, ja' yu'un te patil alnich'anetic awu'un ya me xnajc'ajic ta muc'ul nactijibal yu'un Israel ja' to ta xchancajal —la yut.

2 Reyes 9:7

Ja'at me ya alajinbey te sts'umbal Acab, te awajwale. Jich me ya asutbey spacol a te xch'ich'el te j'alwanejetic cu'un soc ta spisil te abatetic cu'un te la smalbey Jezabel.

Éxodo 17:16

Soc jich la yal: —Ay ta jc'ab te bandera yu'un te Cajwale. Te Cajwal ay ta guerra soc Amalec soc te cajalcaj yal-snich'an baele —xi'.

Jeremías 46:10

Yo'tic sc'aalelalix te Cajwaltic te Spisil ya xju' yu'une, ja' sc'aalelal yu'un te ya yac'bey spacol te scontrotaque. Te spuñale ya me yejch'entes ja' to c'alal bay ya sc'an, ja' to c'alal ya xyacub c'oem yu'un te ch'ich'e. Melel te Cajwaltic te Spisil ya xju' yu'une, ya me yaiy milaw ta c'axem to xan ta bay norte, ta sts'eel muc'ja' Éufrates.

Jeremías 50:28

(Te ants-winiquetic colemic loq'uel ta Babilonia, ya xc'o yalic ta Sión te bit'il te Cajwaltic Dios la yac'bey stoj Babilonia te bila la spasbey te templo.)

Levítico 26:25

Ya me cac' taluc ta atojolic puñal, swenta yu'un ja' me spacol te trato cu'une. Te ja'ex ya me xba ale awanjibic ta lumetic awu'unic, pero jo'on me ya jticunbeyex ta atojolic chameletic, soc ya me x'ochex ta sc'ab te acontroique.

Números 25:11

—Te Finees la spasix te ya xlamaj te quilimba ta stojol te israeletic, melel toyol yo'tan jich bit'il toyol co'tan jo'on te bit'il jtuquel ayon ta ch'uunele. Ja' me swentail te ma ba la cac' ilinuc co'tan bayal, te jichuque jc'axel la jlajinix.

Números 25:13

ja' me te ya cac'bey ta swenta soc sts'umbal te at'el ta sacerdoteil ta sbajt'el q'uinal. Melel bayal jc'oplal ta yo'tan, jich la stabey perdón te israeletic —xi' te Cajwaltique.

Números 31:4

Ta juju-jchajp ya me sticun jmil (1,000) ta jtul winiquetic yu'un guerra —xi'.

Jueces 5:2

“Albeyaic yutsil sc'oplal ta apisilic te Cajwaltique, melel ay ta sq'uinal Israel winiquetic te toyol yo'tanic yu'un guerra; melel ay to nix ta yolilic te ya xch'uunic iq'uel ta guerra.

Jueces 5:23

Te ch'ul abat yu'un Cajwalticjich ya yal: ‘Ac'a bolobuc sc'oplal te lum Meroz soc ants-winiquetic’, xi'; melel ma ba talic ta coltaywanej jich bit'il te mach'atic tulanique, ma ba tal scoltay te Cajwaltique.