Números 28:2 - Bible in Tzeltal de Oxchuc y Tenejapa

² —Pasa ta mandal te israeletique: “Ma me scom sbaic ta yaq'uel ta mero yorail te we'elil soc te milbil majt'aniletic, te ya yich' chiq'uel ta jujun q'uin, ja' te majt'aniletic te bujts'an yic' ta jtojole.

Bible in Tzeltal Bachajón

² Pasa ta mandar te snich'nab Israel: Ya me awil te yac awa'bonic ta mero yorahil te mahtaniletic cu'un, ha te mahtaniletic scuenta sumet yic' te ya yich' chiq'uel ta jtojol.

Números 28:2 ပူးပေါင်းရင်းမြစ်များ

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

1 Crónicas 23:31

Soc tey me ayic ta templo spisil ora te c'alal ya yich' aq'uel spisil te chic'bil majt'anil ta stojol Cajwaltic ta sc'aalelal te cux-o'tan, soc ta yorail te q'uinetic yu'un te yach'il u, soc te q'uinetic te bayal sc'oplalique. Tey me ayic ta templo ta abatinel yu'un te Cajwaltic, ja' chican te bit'il cholol yajtalul te sbiilique.

2 Crónicas 23:18

Patil te Joiada la yac' ta canantayel yu'un sacerdoteetic soc levitaetic te templo yu'un te Cajwaltique, jich bit'il chapal yu'un te namey q'uinal David te ya sjel sbaic ta swenta abatinel ta templo ta yaq'uel ta chiq'uel smajt'an te Cajwaltique. Ja' te jich ts'ibubil jilel sc'oplal yu'un Moisés. Soc jil ta swentaic sc'ajintayel te c'ayoj ta swenta yutsil yo'tanic, jich bit'il xchajbanej te Davide.

2 Crónicas 31:3

Te muc' ajwalil la yac' stuquel ta swenta te bitic ay yu'un, te chambalametic yu'un chic'bil majt'anil ta sab soc ta swenta mal c'aalil, yu'un te chic'bil majt'anil ta swenta bi c'aalil yu'un te cux-o'tane, soc yu'un te q'uin swenta yach'il u, soc yu'un te q'uinetic te mero muc' sc'oplale, jich bit'il ts'ibubil ta mandalil yu'un te Cajwaltique.

Esdras 3:2

Te Josué snich'an Josadac soc te sjo'tac sacerdoteetique, soc nix te Zorobabel snich'an Salatiel soc te xchapomale, jajch' spasic te scajtijib smajt'an te Dios yu'un Israel, swenta yu'un ya me xchic'beyic tey a te smajt'an te Diose, te ya yal ta mandalil yu'un Moisés, te swinic te Diose.

Esdras 3:3

La spasic te scajtijib smajt'an Dios ta banti nix yawil, yu'un ja' la xi'ic te yajwal te q'uinale. Ta jujun sab soc ta jujun xmal c'aal la xchic'beyic smajt'an swenta yich'el ta muc' tey a te Cajwaltique.

Nehemías 10:34

Soc yan xan, te sacerdoteetic, te levitaetic soc ta spisil te yajwal lume, chican te mach'a a te jun jnatic soque, la yich' pasel snúmeroil te mach'a ya xc'ot ta swenta yich'el bael ta templo yu'un te Dios cu'untic te si' albil ta swenta jujun ja'wil te c'alal ya sta yoraile, swenta yu'un ya yich' chiq'uel majt'aniletic ta scajtijib smajt'an Cajwaltic, ja' te Dios cu'untique, jich nix te bit'il ts'ibubil ta mandaliletique.

Salmos 81:3

Oq'uesinaic oq'ues te c'alal ya sta yorail te yach'il u, soc nix te c'alal ya sta yorail ya sep sba, te ja' sc'aalelal te mero muc'ul q'uin cu'untique.

Éxodo 23:15

Ya me apasbon jq'uin swenta te waj ma ba yich'oj levadura. Ja' yu'un juqueb c'aal ya me awe' waj te ma ba yich'oj levadura, jich me te bit'il calojbat mandale. Ja' me yuil te Abib te jich u te loq'uex tel ta Egipto. Ma me xtal awilonic teme ma'yuc bila ya awich'bonic tel jmajt'anine.

Éxodo 29:18

Ac'a ta scajtijib te milbil jmajt'ane, yu'un scojt'ol me ya yich' chiq'uel, melel ja' majt'anil quich'jibal ta muc' jo'on te Ajwalilon, te bujts'an yic' ta jtojole.

Ezequiel 16:19

Te we'elil jo'on la cac'bate, te yich'oj pasel ta buen lequil harina, aceite, soc chab, te jo'on la jmac'linat a, ja' spisil la awac'bey swenta smajt'anic te mero bujts'an yic' ta stojolique. Jo'on Ajwalilon te jich caloje.

Ezequiel 20:41

Te c'alal ya jtsobex tel ta lumq'uinaletic soc ta nacionetic te banti pujq'uemex bael ta ora in to, soc te c'alal ya cac' ta ilel ta awolilic te jo'on ch'ul Diosone, soc te ya yilic te yantic lumetique, tey me yorail ya quich'beyexix a te jmajt'an awu'unic te mero bujts'ane.

Ezequiel 45:17

swenta yu'un ja' me ya swentain yaq'uel te chambalametic yu'un chic'bil majt'aniletic scojt'ole, soc te ya xtuun ta majt'anil harina soc te vino ta yorail te yach'il u, ta yorail sc'aalelal yu'un cux-o'tanil soc ta spisil te q'uinetic yu'un Israel. Soc ya me sc'an ya yac' te milbil majt'anil yu'un mulile, majt'anil harina, scojt'ol chic'bil majt'aniletic, soc te milbil majt'aniletic yu'un lamal-o'tanile, swenta yu'un ya xpasbot perdón a te smul Israele.

Levítico 1:13

Te mach'a ya yac' ta chiq'uel majt'anil, ya me sc'an ya spocbey ta ja' te sbiquil soc te ya' te chambalame. Te sacerdote cu'un ya me xchic'bon spisil ta sba te scajtijib swenta chic'bil majt'anil te bujts'an yic' ta jtojol jo'on te Ajwalilone.

Levítico 1:17

Ya me stsacbey ta xic' te mute, ya me sjat, pero ma me stuch' ta jyalel. Swenta slajibal ya me xchic' te mute. Ya me yac' ta ba si' ta scajtijib jmajt'an, swenta jmajt'an te scojt'ol ya yich' chiq'uel te buen bujts'an yic' ta jtojol jo'on te Ajwalilone.

Levítico 1:9

Te mach'a ya yac'bon te chic'bil jmajt'ane, ya me spocbey ta ja' te sbiquil soc te ya' te chambalame. Te sacerdote cu'un ya me xchic' spisil ta sba te scajtijib jmajt'an swenta yu'un bujts'an yic' ta jtojol jo'on te Ajwalilone.

Levítico 21:6

ac'a me xch'ultes sbaic ta mero melel ta jtojol te Dioson yu'unique, ma me xyaq'uic bolobuc sc'oplal te jbiil, melel ja'ic te ya yaq'uic ta jtojol te majt'anil ya yich' chiq'uel, ja' te we'elil cu'un. Ja' yu'un ya me sc'an te spisil ora ch'ultesbil ya x'ainique.

Levítico 21:8

Ma me xawac' scap sbaic soc yantic, melel ja'ic me te ya yaq'uic waj ta jtojol. Ch'ultesbilic me ta atojol, melel jo'on Ajwalilon, ch'ul Dioson, soc jo'on te ya jch'ultesexe.

Levítico 3:11

Jich te sacerdote ya me xchic' ta sba scajtijib spisil, swenta majt'anil we'elil te ya yich' chiq'uel ta swenta quich'el ta muc' jo'on te Ajwalilone.

Malaquías 1:12

Yan te ja'exe, ma'yucon ta ich'el ta muc' awu'unic; ma'yuc sc'oplal ta awo'tanic te scajtijib jmajt'ane, ja' te mesa cu'une, soc ma'yuc sc'oplal ta awo'tanic te we'elil tey a.

Malaquías 1:7

Te ja'ex ya awich'bonic tel we'elil boloben te ya awac'bonic ta scajtijib jmajt'ane; ja'uc me to, yacalex ta yalel: “¿Bila a te ma ba quich'ojticat ta muc' yu'un?” xaex. Ja' ma x'awich'on ta muc' a te ma'yuc sc'oplal ta awo'tanic te scajtijib jmajt'an,

Números 15:24

“Teme ay bi ora ya xch'ay ta yo'tanic spasel te jmandal spisil te lume, spisil te lume ya yac'bonic jcojt' toro te ya yich' chiq'uel te buen bujts'an yic', soc ya me sjoin harina soc te vino, jich bit'il caloj mandal jo'on te Dioson. Soc xan yan, ya me yac'bonic jmajt'anin jcojt' tentsun ta swenta milbil majt'anil yu'un te mulile.

Números 15:3

biluc ora te ya awac'bonic jcojt' toro o jcojt' chij swenta chiq'uel te quich'jibal ta muc', jich bit'il milbil majt'anil o teme scojt'ol ya yich' chiq'uel te buen bujts'an te yiq'ue, chican teme ja' ya awac' a c'alal ya sts'aquej te ay bila jc'axel achapoje o teme majt'anil te mero spasemal awo'tan ya awaq'ue, o teme ja' te ay ya yich' pasel ta yorail te q'uine,

Números 15:7

soc c'axem jtebuc ta jun litro te vino. Jich me te majt'anil buen bujts'an yic' ta jtojole.

Números 28:1

Te Cajwaltic la sc'opon te Moisés, jich la yalbey:

Números 29:39

“Ja'ic me majt'aniletic ya awac'bonic te bi c'aalil te albil sc'oplale, soc te majt'anil te ya sc'otes ta pasel a te bila xchapoje, teme majt'anil te spasemal yo'tan ya yaq'ue, teme ja' te scojt'ol ya yac' ta chiq'uele, teme majt'anil harina soc vino, o ja' te majt'anil swenta seña lamal-o'tanile”, uta me —xi' te Cajwaltique.

Números 9:13

Ja'uc me to, te mach'a ya yijq'uitay ta pasel te q'uin Pascua, teme lec sc'oplal soc teme ma ba c'ubul beenique, ya me yich'ic loq'uesel ta yolil te slumale. Scaj te ma la yac' ta stojol Cajwaltic te majt'anil te albil sc'oplale, jich me xcuchoj ya xjil te smule.

Números 9:7

Jich la yalbeyic te Moisés: —Te jo'otic jpicojtic anima, jich yu'un ma ba lec jc'oplaltic. ¿Ya laj bal sc'an Cajwaltic stsacbotic te smajt'an ta mero yuil, te ya join jbajtic soc te jlumaltic israeletique? —xiic.

2 Corintios 2:15

Yu'un te jo'otique jich c'oemotic te bit'il perfume ta stojol Dios yu'un te Cristoe. Pajal ya xpujc' yic' ta stojol te mach'atic ya xcolique soc ta stojol te mach'atic ya xbajt'ic ta ch'ayele.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Filipenses 4:18

Te bila la aticunic tele la quich'ix ta spisil. C'ax bayalix a. Ma'yuquix falta ya caiy a te bit'il la quich'ix te la aticunbonic tel soc te Epafroditoe. Te majt'anil la aticunbonic tele, xuq'uet nax sbujts' ta stojol Dios, jich bit'il milbil majt'anil te bin nax yo'tan yu'un te Diose.