Números 24:2 - Bible in Tzeltal de Oxchuc y Tenejapa

² C'alal la yil Balaam spisil Israel ta bay scampamento ta chajbalchajp sts'umbale, te espíritu yu'un Dios wentainot yu'un te Balaam.

Bible in Tzeltal Bachajón

² C'alal la stoy mohel sit, la yil te Israel te chahpambil scampamentohic ta scuenta jujuchahp sts'umbalic, tal ta stojol te Espíritu yu'un Dios.

Números 24:2 ပူးပေါင်းရင်းမြစ်များ

2 Crónicas 15:1

Te Azarías snich'an Oded, wentainot ta espíritu yu'un Dios,

Cantares 6:10

¿Mach'a a te ya xchicnaj ta ilel te ja' pajal soc te c'aal ya xchicnaj ta jujun sabe? Buen t'ujbil jichuc u, bayal xojobil jichuc c'aal, ya stsalawan jichuc jchajp soldadoetic te ayic ta marcha.

Cantares 6:4

Ja'at cu'unat, bayal jmulanejat, buen t'ujbilat, soc bayal awutsilal. Pajal at'ujbilal soc lum Tirsa, soc lum Jerusalén; ya stsalon jichuc jchajp soldadoetic ayic ta marcha.

Números 24:5

¡Jacob, t'ujbil te nailpaq'uetic awu'une! ¡T'ujbil te campamento yu'un Israel!

San Mateo 10:4

soc te Simón te cananistae, soc te Judas Iscariote te la yac' ta c'abal ta patil te Jesuse.

San Mateo 10:8

Soc ya me alamantesic jchameletic, soc jc'a'el-chameletic, soc ya me acuxesic animaetic, soc ya me aloq'uesic pucujetic. Ta majt'anil la cac'beyex; ac'aic ta majt'anil uuc.

San Mateo 7:22

Ta slajibal c'aal ay me tsobol ya yalbonic: “Cajwal, Cajwal, ¿yu'un bal ma ba la caiytic j'alwanej ta swenta abiil? Soc ta swenta abiil la jloq'uestic pucujetic, soc ta swenta abiil, la jpastic bayal jchajp at'eliletic”, xiic me ta jtojol.

San Lucas 10:20

Ja'uc me to, ma me ja'uc nax ay sbujts' awo'tanic yu'un te bit'il ya xch'uunbeyex amandalic te pucujetique. Ja'uc me ay bayal sbujts' awo'tanic yu'un te bit'il ts'ibubilix abiilic ta bay te ch'ulchane —xi' te Jesuse.

Apocalipsis 1:10

Te bit'il ayon ta wentainel yu'un te Espiritue, ja' c'ot ta pasel a te bi c'aalil yu'un te Cajwaltique. Jich la caiy stojol te ay mach'a tulan yac ta c'op ta jpat. Jich sc'op la caiy te bit'il sc'op te oq'uese.

Jueces 3:10

Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

1 Samuel 10:10

Patil c'alal c'ot ta Gabaa te Saúl soc te abat yu'une, la sta sba soc te jchajp j'alwanejetic yacalic ta aq'uel ta c'op yu'un te Diose. Te espíritu yu'un Dios noj ta yo'tan te Saúl, jich och ta aq'uel ta c'op yu'un Dios, jich nix te bit'il yantique.

1 Samuel 19:20

la sticun bael swinictac yu'un ya xchuquic tel. C'alal c'otic te swinictac Saúl, la yilic jchajp j'alwanejetic yacalic ta aq'uel ta c'op yu'un Dios, ja' neel ta ic'aw te Samuele. Ja' nix jich, ora nax noj ta yo'tanic te yip yu'el Dios te swinictac Saúl, ochic ta aq'uel ta c'op yu'un Dios.

1 Samuel 19:23

Te Saúl tey toj bael a. Pero te yip yu'el Dios wentainot yu'un uuc, jich och ta aq'uel ta c'op yu'un Dios te Saule. Jich bajt' te Saúl asta c'ot c'alal ta Naiot ta Ramá.