Números 17:5 - Bible in Tzeltal de Oxchuc y Tenejapa

⁵ Ya me cac' te ya xpulin sbastón te mach'a tsabil cu'une, jich me ma xbol-c'opojiquix te israeletic ta atojolic ta jwenta —xi' te Cajwaltique.

Bible in Tzeltal Bachajón

⁵ Ha ya xnichin te snahbate' te mach'a tsahbil cu'un, hich ya cac' quehchajuc ta jtojol te spartehic te snich'nab Israel te la scontrahinexe, xchi.

Números 17:5 ပူးပေါင်းရင်းမြစ်များ

2 Crónicas 26:16

Te bit'il tulan soc te yat'ele, jajch' ta stoybel sba yu'un, ja' la sta jinel a. Cheb yo'tan c'ot ta stojol te Cajwaltic Dios, melel och bael ta templo yu'un Cajwaltic ta xchiq'uel pom ta scajtijib xchic'jibal te pome.

Esdras 2:62

Ja'ic in to la sle sbiilic ta lista yu'un te juju-jchajp na, pero ma ba la staic tey a. Ja' yu'un ma ba ochic ta sacerdoteil.

Salmos 105:26

Ja' yu'un te Dios la sticun te yabat Moisés, soc Aarón te tsabil yu'une,

Éxodo 16:7

ta sab to ya me awilbeyic xojobil yutsilal te Cajwaltique, melel la yaiy stojol te c'alal c'opojex ta scontroinele. Yan te jo'otique, ¿mach'a ya acuyotic a te ya awutotique? —xi'.

Isaías 11:1

Ta xchumante'al Isaí sbiil ya xloc' tel spul; ya xt'om loq'uel tel spul ta bay yisim.

Isaías 13:11

Te Cajwaltic ya yal: —Ya cac'bey castigo te mach'atic ayic ta spamal balumilal ta scaj te bitic amen spasojique, ja' te mach'atic amenic ta jyalel yu'un te smulique. Ya jlajinbey sc'oplal te stoybail te mach'atic cajal nax yac'oj sbaique, ya jpejc'an te mach'atic toybaetic soc te ya x'ixta-c'opojique.

Isaías 27:6

Yo'tic xan bael, te lum yu'un Jacob ya me yac' tulan slojp' c'oem, melel te Israel ya me xpulin soc ya me snichin, soc ya me xnoj balumilal yu'un te site.

Isaías 5:24

Ja' yu'un, jich te bit'il ya xc'ajc' te aque, soc ora ya xlaj bael ta c'ajq'uel te staquin yabenal te te'etique, ja' ni me jich ya xch'ayex bael te ja'exe. Ja' me pajalat soc te te'etic ya xc'a'ic te yisime, te jich ya xc'atp'uj te bit'il tan te sniche. Melel la awilayic te p'ijubtesel soc te mandaliletic yu'un te Cajwaltic te Spisil ya xju' yu'un, ja' te Ch'ul Dios yu'un Israel.

Ezequiel 16:41

Ya me stsumbeyic sc'aal te naetic awu'une, ya me yaq'uic castigo ta atojol ta comonsitil ta stojol antsetic. Ya me cac'bey slajibal te bit'il awac'oj aba ta jmulawil antse. Ma me ayuquix bi ora te ya atoj te mach'atic ya sc'an smulanate.

Ezequiel 23:27

Jich me ya cac'bey slajibal a te bit'il mero libre ayat la awaiy ta spasel te mulil te la awac' aba ta antsinel ta Egipto. Ma'yuquix bi ora ya awil soc ma'yuquix bi ora ya ana' xan.

Oseas 14:5

Jich ya jpasbey ta swenta Israel te bit'il ts'ujule, jich me ya yac' snich c'oem, jich bit'il te lirioetique. Tulan me ts'unul ya xc'ot, jich bit'il tulan te wits Líbano.

Números 1:51

Te c'alal ya sq'uechic bael, ja'ic me ya spac'beyic spac'al, soc ja'ic me ya xcha'pasic xan te bay ya apas acampamentoique. Spisil te mach'atic jich nax ya xnoptsajic bael, ya me yil swocolic ta milel.

Números 11:1

Te israeletic ay jun c'aal jajch'ic ch'inlajanel ta scontroinel te Cajwaltic, ta scaj te ay swocolic yac ta c'axel c'aal yu'unique. La yaiy stojol te Cajwaltic, bayal ilin yu'un, jich la sticun tel c'ajc'.

Números 16:11

Ma ja'uc nax ya abolc'optayic te Aarón, melel ma'yuc sc'oplal stuquel, ja' yacalex ta scontroinel te Cajwaltic te ja'at soc te ajo'taque, te bit'il atoyoj abaic ta stojole —xi'.

Números 16:5

jich la yalbey te Coré soc te mach'atic sjoinej: —Pajel ta sab te Cajwaltic ya me yac' ta na'el te mach'a ay ta swenta soc mach'a ch'ultesbil yu'un te ya xju' ya xchic'bey te majt'aniletique. Ja' nax me ya xju' ya xchic'bey majt'anil te mach'a ya stsa stuquele.

Números 17:10

Jich yu'un te Cajwaltic la yalbey te Moisés: —Baan ac'a xan te sbastón Aarón ta stojol te scajonil trato, q'ueja tey a swenta sjultesibal stsa te jtoyba lume. Jich me ya xcomic ta bol c'op ta jtojol a, soc jich ma xlajic —xi' te Cajwaltique.

Números 17:6

Te Moisés jich nix la yalbey te israeletic, te juju-jtul jtsobwanej yu'un juju-jchajp la yac'bey sbastonic, jich la stsob sba lajchaych'ix te bastoniletique. Ja' tey ay a te sbastón Aarón.

Números 17:8

Ta yan c'aal, c'alal bajt' ta Nailpac', la yil te sbastón te Aarón te ay ta swenta te sts'umbal Leví, pulinemix, yac'ojix snich soc sit te c'anubenix, ja' te almendra sbiile.

1 Corintios 10:10

Soc ma me xamuquen-ayantayic te Diose, jich te bit'il ay la smuquen-ayantayique, te jich lajic ta milel yu'un te ch'ul abat te ya yac' lajele.

Josué 4:7

jich me ya asujt'esbeyic te sc'opique: “Ja' te c'alal c'ax ta muc'ja' Jordán te scajonil trato yu'un Cajwaltic, la scom sba ta oquinel te ja'e, jich taquej bael te slumile. Ja' swentail te tonetic te ya xtuun cu'untic ta sna'el sbajt'el q'uinal te bila c'ot ta pasel li'to”, ya me awutic —xi'.