Números 17:3 - Bible in Tzeltal de Oxchuc y Tenejapa

³ Te bastonil te ay ta swenta sts'umbal Leví, ya me ats'ibubey sbiil tey a te Aarón. Jich ya sc'an te ay juju-jch'ix sbastonil yu'un te jtsobwanej ta swenta te juju-jchajbe.

Bible in Tzeltal Bachajón

³ soc ya me ats'ihbabe sbihil Aarón ta snahbate' te sts'umbal Leví, como ya sc'an te ay jujuch'ix snahbate'ic te jtsobaw yu'un jujuchahp sna sme'static.

Números 17:3 ပူးပေါင်းရင်းမြစ်များ

Éxodo 6:16

Te Leví cuxin juclajuneb sjucwinic (137) ja'wil. Jich sbiil snich'nab, te banquilal soc ijts'inal: Gersón, Coat soc Merari.

Éxodo 6:20

Te Amram nujbin soc sme'jun, ja' te Jocabed. Ayin alaletic yu'unic, ja' te Aarón soc te Moisés. Te Amram cuxin juclajuneb sjucwinic (137) ja'wil.

Jeremías 42:20

Ja'ex nix ya awac' abaic ta woclajel atuquelic. Melel ja'ex nix la awac'bonic ta jwenta te ya xnoptsajon ta stojol te Cajwaltic Dios, te jich la awalbonic: “Albotic wocol a te Cajwaltic Dios, soc ac'botic jna'tic spisil te bila mandal ya yal stuquel, swenta yu'un ya jpastic”, te xaexe.

Ezequiel 37:16

—Tsaca jun te', ts'ibuya in to: “Judá soc te jayeb israeletic te jun yo'tan sbaic soque”, xi' me. Tsaca ta ora yan te', ts'ibuya tey a in to: “José, te Efraín c'oeme, soc spisil xan yantic israeletic jun yo'tan sbaic soc”, xi' me.

Números 17:2

—Albeya mandal te israeletic, te juju-jtul jtsobwanej yu'unic ta juju-jchajp, ac'a yich'ic tel sbastonic, lajchayeb bastonil ta spisil. Te ja'at ya me ats'ibubey sbiilic ta sbastonic juju-jtul.

Números 17:4

Ya me awac' spisil sbastonic ta Nailpac' te bay ya quich' c'oponel ta stojol te scajonil trato te tey ya ataonic ae.

Números 18:1

Te Cajwaltic la yalbey Aarón: —Te ja'at soc anich'nab, soc te yantic ta apisilic te sts'umbalex Leví, ja' me amulic ya xc'ot teme ay ma jichuc ya yich' pasel ta ch'ul awilal te at'ele. Yan te ja'at soc anich'nab ja' me ya xc'ot ta awentaic te mulil teme ay ma jichuc te c'alal yacalex ta spasel awat'elic ta sacerdoteil.

Números 18:7

Ja'at nax me atuquel soc anich'nab te ya xju' ya apasic te at'el ta sacerdoteil ta bay scajtijib majt'anil, soc biluc ya xjajch' ta pasel ta yutil te paq'ue. Te at'el ja'ex ay ta awentaic, melel jo'on cac'ojbeyex ta awentaic te at'el ta sacerdoteile. Teme ay mach'a ya x'at'ej ta sacerdoteil te ma'yuc ta swenta, ya me yich' castigo ta milel —xi' te Cajwaltique.

Números 26:10

Ja'uc me to, la sjam sba te lumq'uinale, la sbic' coel xchebalic soc Coré, soc lajic spisil te jtsojp yac'oj sbaique, melel lajuneb yoxlajunwinic (250) winiquetic te lajic ta c'ajq'ue. Ja' me tuun ta swenta sp'ijtesel te yantique.