Números 15:9 - Bible in Tzeltal de Oxchuc y Tenejapa

⁹ ya me awac'bey sjoin waqueb kilo harina wots'bil me soc cheb litro aceite,

Bible in Tzeltal Bachajón

⁹ ya me awa'be sjoquin te toro oxeb ta slajunebal harina wots'bil soc j'ohlil hin aceite;

Números 15:9 ပူးပေါင်းရင်းမြစ်များ

1 Crónicas 21:23

Te Ornán la sjac': —Ich'a te bit'il muc' ajwalilat, pasa te bila lec ya awaiye. Jo'on ya cac'bat te toroetic yu'un chic'bil majt'anile, te ste'el swuyjibal spat te trigo, ya me cac' xtuun ta si', soc te trigo ya cac' sjoin sba soc te majt'anile. Spisil ya cac'bat ja'at te muc' ajwalilate —xi'.

Nehemías 10:33

ja' bi ja' te waj ya yich' aq'uel ta stojol Dios, te harina pasbil ta trigo soc ta cebada te ya yich' aq'uel jujun c'aal te Diose, te chic'bil majt'anil jujun c'aal soc ta sc'aalelal cux-o'tanil soc ta yach'il u, soc nix majt'aniletic yu'un te yantic q'uinetic cu'untic swenta xch'uunel Dios, soc swenta smajt'an ta spisil, milbil majt'anil swenta stael perdón yu'un smul Israel, soc ta spisil te bila ya yich' pasel ta swenta yich'el ta muc' ta templo yu'un te Dios cu'untique —xiic.

Ezequiel 42:13

Te winique jich la yalbon: —Te cuartoetic ayic ta stojol norte, soc nix te ayic ta stojol sur, te ayic ta elawal yu'un te amac' macale, ch'ul cuartoetic me spisilic. Te sacerdoteetic ya xnoptsajic ta stojol Cajwaltic ya me swe'ic tey a te smajt'an Dios te mero ch'ultesbile. Tey nix ya yaq'uic a te smajt'an Dios te mero ch'ultesbile, ja'ic me te smajt'an Dios ta swenta mulil soc te smajt'an Dios yu'un te falta staojique, melel mero ch'ultesbil.

Ezequiel 46:11

Ta jujun q'uinetic ya me yich' aq'uel jtab litro harina ta juju-jcojt' ch'in toro, ja' nix jich ya yich' aq'uel yu'un te juju-jcojt' tat chije. Yan ta swenta te chije, chican bay c'alal ya xju' ta aq'uel. Ta juju-jtab litro harina, ya me yich' aq'uel olil xchaneb litro aceite.

Ezequiel 46:15

Te milbil majt'anil te banti ya yich' chiq'uel te chije, soc te harina soc aceite, puersa me ta jujun sab ya yich' aq'uel.

Ezequiel 46:5

Ta juju-jcojt' te tat chije, ya me yaq'uic jtab litro harina. Ta swenta te yantique, chican jayeb ya ac'anic ya awaq'uic. Te juju-jtab litro harina ya me yac' olil xchaneb litro aceite.

Ezequiel 46:7

Te juju-jcojt' ch'in toro, ya me yaq'uic jtab litro harina, ja' nix jich te juju-jcojt' tat chije. Te ch'in chije, chican yo'tan jayeb litro ya yac'. Ta juju-jtab litro harina, ya me yac' olil xchaneb litro aceite.

Joel 1:9

jich nix yacalic ta oq'uel te sacerdoteetic. Melel ta templo ma'yuquix sit trigo tey a soc ma'yuquix vino yu'un smajt'an Cajwaltic.

Joel 2:14

Ma wan ya yac'beyex castigo, ya wan sticunbeyex bendición: sit trigo soc vino yu'un smajt'an te Awajwalic, te Dios awu'unique.

Levítico 14:10

Ta swaxaquebal c'aal ya stsac cheb chijetic te ma'yuc bila boloben ta sbaq'uetal, soc jcojt' me' chij te jun to nax ya'wilal te ma'yuc bila boloben ta sbaq'uetal; soc xan, ya me yich' tel olil sjuqueb kilo te mero lequil harina wots'bil soc aceite swenta majt'anil trigo, soc jteb ma sta olil litro aceite.

Levítico 6:14

“Ac'beya sna'ic te bit'il ya sc'an ya spasic te majt'anil harina: Te sacerdoteetic ya me yac'bonic ta jtojol jo'on te Ajwalilon ta banti scajtijib ta chiq'uel majt'anil.

Levítico 7:37

Ja' me mandalil yu'un te majt'aniletic te scojt'ol ya yich' chiq'uele, te majt'anil harina, te milbil majt'anil yu'un mach'a ya sta smul, te majt'anil yu'un te mach'a ya yu'unin te bila ma yu'unuque, te majt'aniletic yu'un ch'ultesel, soc te majt'aniletic swenta lamal-o'tanile.

Números 15:10

soc ya me awac' cheb litro vino. Jich me te majt'anil te ya yich' chiq'uel te buen bujts'an yic' ta jtojole.

Números 15:8

Teme ja' te ya yich' milel toro ta swenta chiq'uel ta scojt'ol, teme ja' te milbil majt'anil ta swenta lamal-o'tanil, o teme ja' te ts'acaj te bila jc'axel achapoj,

Números 28:12

Ta juju-jcojt' toro ya me awac'beyic sjoin waqueb kilo te mero lequil harina, wots'bil me ta aceite. Te jcojt' tat chije, ya me awac'beyic sjoin chaneb kilo te mero lequil harina, wots'bil me ta aceite.

Números 28:14

Te majt'anil vino pajal ya awaq'uic, ja' me cheb litro ta swenta juju-jcojt' toro, jun litro soc olil te juju-jcojt' tat chij, soc jujun litro ta swenta te juju-jcojt' alal tat chije. Ja'ic te scojt'ol ya yich'ic chiq'uel te ya sc'an ya awaq'uic ta jujun u ta sjunal te ja'wile.

Números 29:6

Parte me a te yantic chambalametic te scojt'ol ya yich' chiq'uel ta jujun u, soc ta jujun c'aal, soc te sjoy ta majt'anil, ja' te harina soc vino, jich me te bit'il caloj jmandal. Ja' me te majt'anil te bujts'an yic' te ya yich' chiq'uel ta jtojol jo'on te Ajwalilone.

1 Samuel 1:24

Te c'alal la yijq'uitay te xchu'e, manchuc me alal to a, pero la yic' bael ta templo yu'un Cajwaltic ta Silo. Soc la yic' bael oxeb toroetic, cheb xcha'winic (22) litro trigo, soc jpojc' nujc'ul pulbil ta vino.