Números 15:5 - Bible in Tzeltal de Oxchuc y Tenejapa

⁵ Te milbil majt'anil te albilix tel sc'oplal, ya me yich' ac'beyel sjoin jun litro vino ta swenta juju-jcojt' chij.

Bible in Tzeltal Bachajón

⁵ Ya me awa'be sjoquin jun ta schanebal hin vino te jujucoht tuminchij scuenta scohtol chic'bil mahtanil o milbil mahtanil.

Números 15:5 ပူးပေါင်းရင်းမြစ်များ

2 Crónicas 29:35

Yu'un ay bayal te chic'bil majt'aniletic, soc nix te xepuil te milbil majt'aniletic swenta seña lamal-o'tanil soc te Diose, soc te majt'aniletic vino te pajal ya yich' aq'uel soc te chic'bil majt'aniletique. Jich cha'jajch' ta ch'uunel te Cajwaltic ta templo.

Esdras 7:17

Te taq'uin in to, ya aman ch'in wacaxetic a, soc chijetic, soc ch'in alal chijetic, soc nix te yantic smajt'an Dios swenta harina soc vino, swenta yu'un ya me awac'beyic ta sba te scajtijib ta chiq'uel majt'anil ta templo yu'un te Dios awu'unic ta Jerusalén.

Salmos 116:13

Ja' te ya xjajch'on ta yalel wocol yu'un te la scoltayone, soc ya me jc'opon ta spisil ora.

Éxodo 29:40

Te sbabial chij te ya achiq'ue, soc me cheb kilo mero lequil harina, ya me acap soc jun litro yaceiteil olivo. Ya me amal jun litro vino ta swenta jmajt'an.

Cantares 1:4

Ic'awon bael ta ora, ic'awon bael ta ana. Muc' ajwalil, ic'awon bael ta banti nainemat. Bin nax me co'tantic ya x'ainotic ta atojol; ya me jna'tic spisil ora te bujts'iyel awu'une, c'ax me jich sbujts' a te bit'il vino. Ja' yu'un ya smulanat te antsetique.

Levítico 1:10

“Teme xchij, o teme stentsun te chambalam ya yac'bon jmajt'anin te scojt'ol ya yich' chiq'uele, ya me sc'an ja' te stat te ma'yuc bila boloben ta sbaq'uetal.

Levítico 23:13

Soc ya me awich'ic tel olil yo'eb kilo mero lequil harina yich'oj wots'el soc aceite, yu'un ya yac'bon ta jtojol jo'on te Ajwalilone, swenta chic'bil majt'anil te buen bujts'an yiq'ue. Te majt'anil te ya yich' malel, ya me awaq'uic jun litro vino.

Levítico 3:6

“Teme ay mach'a ya yic'bon tel ta jtojol jcojt'uc xchij o stentsun swenta yu'un ya yac'bon ta milbil jmajt'an ta swenta te lamal-o'tanile, ya me sc'an te ja' ya yac'bon jmajt'anin te state, o te sme'e, pero ya sc'an te ma'yuc bila boloben ta sbaq'uetal.

Levítico 3:7

Teme alal chij te ya yac' ta majt'anile, te c'alal ya yac'bon ta jtojol,

Zacarías 9:17

Bayal me yutsil, soc buen t'ujbil me te slumalique. Ya me x'esmaj xan te trigo yu'unic; ya me x'esmaj xan te vino yu'unic. Buen t'ujbil me ya xmuc'ubic te queremetic yu'unique; buen t'ujbil me ya xmuc'ubic te ach'ixetic yu'unique.

Números 15:11

Ja' me jich ya yich' pasel ta swenta juju-jcojt' toro, juju-jcojt' tat chij, juju-jcojt' chij, o teme juju-jcojt' tentsun te ya yich' aq'uele.

Números 15:6

Teme ja' ya yich' milel jcojt' tat chij, ya me yich' ac'beyel sjoin chaneb kilo harina, wots'bil me soc aceite c'axem jtebuc ta jun litro,

Números 28:14

Te majt'anil vino pajal ya awaq'uic, ja' me cheb litro ta swenta juju-jcojt' toro, jun litro soc olil te juju-jcojt' tat chij, soc jujun litro ta swenta te juju-jcojt' alal tat chije. Ja'ic te scojt'ol ya yich'ic chiq'uel te ya sc'an ya awaq'uic ta jujun u ta sjunal te ja'wile.

Números 28:7

Te majt'anil vino jun me litro ya xtuun ta juju-jcojt' chij. Te vino ya me yich' malel ta ch'ul awilal ta jtojol yu'un quich'jibal ta muc'.

Filipenses 2:17

Manchuc teme ya jmal jch'ich'el jbaq'uetal ta swenta sts'actijib te smajt'an Dios awu'unique, ya me xbujts'naj co'tan ta lec yu'un, soc ya me xbujts'naj awo'tanic yu'un uuc te ja'exe.

2 Timoteo 4:6

Te jo'one nopolix ya cac' jba ta milbil smajt'an Dios, yu'un nopolix ya quijq'uitay te balumilale.

Jueces 9:13

La yal te ts'usub te ma sc'an. Jich la yal: “Teme ya x'ochon ta ajwalil yu'un te te'etic, neel me ya quijq'uitay yaq'uel vino te bayal ya xbujts'naj yo'tan winiquetic yu'un soc nix te Diose”, xi'.