Números 13:3 - Bible in Tzeltal de Oxchuc y Tenejapa

³ Jich nix bit'il la yal mandal te Cajwaltic, te Moisés la sticun jajch'el ta jochol taquin q'uinal Parán. Spisil te winiquetic te tulan yat'el yich'ojic ta yolilic te israeletique,

Bible in Tzeltal Bachajón

³ Ha yu'un te Moisés la sticonlan hahchel c'alal ta jochol taquin q'uinal Parán, hich te bin ut'il la yal te Jehová. Spisil te winiquetic ha príncipaletic yu'un te snich'nab Israel.

Números 13:3 ပူးပေါင်းရင်းမြစ်များ

Números 10:12

Te israeletic jajch'ic ta beel, la yijq'uitayic jilel te jochol taquin q'uinal ta Sinaí, bajt'ic ta yan jochol taquin q'uinal Parán.

Números 12:16

Te c'alal och xan ta campamento te María, jajch'ic loq'uel ta beel c'alal ta Hazerot. Tey la spas scampamentoic ta jochol taquin q'uinal Parán.

Números 13:2

—Ticuna bael winiquetic ta stsajtayel te sq'uinal Canaán, te ya cac'bey te israeletique. Juju-jtul x'aticun bael ta juju-jchajp, ja'uc me te mach'a tulan yat'el ta juju-jchajp te sts'umbalique —xi' te Cajwaltique.

Números 13:26

ta Cades ta jochol taquin q'uinal Parán. Tey ay a te Moisés, Aarón soc spisil te israeletique. La xcholbeyic sc'oplal te bitic la yilic, soc la yaq'uic ta ilel te sit awalts'unubil ta lumq'uinale.

Números 13:4

ja'ic te Samúa, snich'an Zacur, te sts'umbal Rubén;

Números 32:8

Jich nix la spasic te atatic te la jticun tel c'alal ta Cades-barnea ta stsajtayel te q'uinale.

Números 34:17

—Te mach'atic ya spuquic te q'uinal ta awolilic ja' me te sacerdote Eleazar soc Josué, te snich'an Nun.

Deuteronomio 1:19

“Te c'alal loc'otic tel ta Horeb, tojotic bael ta witsetic yu'un amorreoetic, jich la jch'uunbeytic a te smandal te Cajwaltic te Dios cu'untique. La jbeentaytic spisil te xiweltic sba jochol taquin q'uinal te la awilique, asta c'ootic ta Cades-barnea.

Deuteronomio 1:23

“Te bi la awalbonic, la jmulan. Jich ora la jtsaex lajchaytulex, juju-jtul ta juju-jchajp te ats'umbale.

Deuteronomio 9:23

C'alal la yal mandal te Cajwaltic te ya xloq'uex ta Cades-barnea swenta yu'un ya xba awich' ta awentaic te lumq'uinal ya yac'beyexe, ja' nix jich ma ba la ac'an ach'uunbeyic te smandale. Ma ba la awac' xch'uunjel awo'tanic ta stojol, la ac'axintaybeyic te sc'ope.

1 Samuel 25:1

Laj te Samuele. Spisil israeletic la stsob sbaic ta yoq'uetayel, la smuquic ta sq'uinal ta Ramá. Patil te David bajt' ta muc'ul taquin q'uinal Parán.