Números 10:9 - Bible in Tzeltal de Oxchuc y Tenejapa

⁹ “C'alal ya yac'beyex guerra te acontroic ta aq'uinalic, ya me xloq'uex ta yac'beyel guerra; oq'uesinaic te oq'uesetic, awunanic ta lec. Jich yu'un te Ajwalilon te Dioson awu'unic ya me jna'ex soc ya jcoltayex ta sc'ab te acontroique.

Bible in Tzeltal Bachajón

⁹ Te c'alal ayex ta aq'uinalic soc ya xloq'uex bahel ta guerra soc acontra te ya xtal scontrahinex, ya me awoq'uesinic cornetahetic scuenta tijel hachel. Hich ya xna'botex yu'un Jehová te Dios awu'unic soc ya xcolex ta sc'ab acontrahic.

Números 10:9 ပူးပေါင်းရင်းမြစ်များ

Génesis 8:1

Te Diose la sna' te Noé, soc spisil chambalametic, soc spisil bitic cuxajtic sjoinej ta barco. Jich te Diose la yac' taluc ic' ta balumilal, jich ts'uj coel te ja'e.

2 Crónicas 13:12

Ayuc me ta awo'tanic jiche te ay ta jtojoltic te Dios soc te sacerdoteetic yu'une. Chapalic meix te oq'uesetic te ya yich' oq'uesinel yu'un guerra ta atojolic te ja'exe. Ya me calbat xan, israeletic, ma me xawac'bey guerra te Cajwaltic Dios yu'un te antiguo jme'-jtatic, melel ma me xju' awu'unic te ya awaiyic tsalaw —xi' te ajwalil Abiam.

2 Crónicas 13:14

C'alal la yilic bael spat te soldadoetic yu'un Judá, la sna'ic stojol te ya x'ac'botic guerra ta yelawic soc ta spatic. Jich yu'un la sc'oponic te Cajwaltic, soc te sacerdoteetic la yoq'uesinic te oq'uesetic.

Salmos 106:4

Cajwal, na'awon te c'alal ya xtal apasbey bila lec te lum awu'une; ayucon me ta awo'tan te c'alal ya xtalat ta scoltayel,

Salmos 106:42

tenotic ta lec yu'un, pejc'ajic yu'un ta sc'abic.

Salmos 136:23

Ja' te ya sna'otic te c'alal ayotic ta wocol, sbajt'el q'uinal ay te xc'uxul yo'tane.

Isaías 18:3

Ja'ex ta apisilic te yajwalex te balumilale, ya me awilic te c'alal ya yich' toyesel moel bandera ta wits, soc ya me awaiybeyic sc'op te cornetae.

Isaías 58:1

Te Cajwaltic la yalbon: —Ma xiwat ta aw, tulan me x'awunat, jich xatoyes ac'op te bit'il sc'op oq'ues. Coma te lum cu'un te ya spasic te mulile; coma te lum yu'un Jacob te jelawiquix bayal ta jtojole.

Jeremías 4:19

Ya jts'ot jba yu'un jwocol, te co'tan xwilwon nax ta jyalel. Ma xcomon ta c'op, ma xju' xch'abon. Ay la caiy stojol sc'op oq'ues, ay aw yu'un guerra.

Jeremías 4:21

¿Jayeb xan ora ya quil toybil bandera, soc te ya caiybey xan stojol sc'op te oq'ues?

Jeremías 4:5

“Pucaic ta alel ta Jerusalén soc ta sq'uinal Judá, awunanic soc oq'uesinaic oq'ues ta spuquel ta spamal te lumq'uinale, tulan xawawtayic ta jyalel: “Conic, ya jtsob jbatic, ta lumetic te tulanic sts'ajc'ule”, xaex me.

Jeremías 49:2

“Lec ay, jo'on Ajwalilon, jich ya cal: Ya me xc'ot sc'aalelal te ya cac'bey yaiy stojol te aw yu'un guerra te amonetic ta lum Rabá. Ta busulbus me ya xc'atp'uj ta jinem ts'ajc'; te juju-jpam lum ta sjoylejal ya me xtilic ta c'ajq'uel. Jich yu'un te Israel ya me yu'unin xan te lumetique. Jo'on Ajwalilon, jich ya cal.

Jeremías 6:1

Ants-winiquetic ta sq'uinal Benjamín, leaic anjibal, ananic loq'uel ta Jerusalén. Oq'uesinaic oq'ues ta Tecoa, tejc'anaic jun señail ta Bet-haquerem, melel ay bila ma lecuc ya xtal soc muc' bila amen te ayix tel ta stojol norte.

Jeremías 6:17

Te Cajwaltic la spuc j'il-q'uinaletic, soc jich la yalbey te lum yu'une: —Aiya me awaiyic ta lec te c'alal ya xchicnaj ta aiyel señaile —xi'. Ja'uc me to, te lume jich la yal: —Ma jc'antic quich'tic ta muc' —xiic.

Ezequiel 7:14

“Ya x'oq'uesinot oq'ues swenta iq'uel ta guerra. Spisilic ya xchajban sbaic, pero ma'yuc mach'a ya xloc' ta yaq'uel guerra. Ya me cac'bey castigo soc quilimba te c'ax stoyoj sbaic te Israele.

Oseas 5:8

Oq'uesinaic xulubil yu'un guerra ta Gabaa, soc oq'uesinaic oq'ues ta Ramá. Ac'beya señail guerra ta Bet-avén. Ac'beya socuc sjolic te mach'atic ta Benjamín.

Levítico 23:24

—C'opona te israeletic, jich xawalbey yaiyic: “Ta sbabial c'aal sjajch'el te sjuquebal u, ya me apasic q'uin swenta cux-o'tan. Ay me ch'ul tsoblej soc ya yich' oq'uesinel oq'uesetic. Jich me ya quich' na'el a.

Amós 3:6

Teme ya xc'opoj oq'ues ta yutil lum, te ants-winiquetic ya sjachic ch'inlajanel ta c'op yu'un. Teme ay bila amen ya xc'ot ta pasel ta lum, yu'un ja' la sticun tel te Cajwaltique.

Sofonías 1:16

Ja' me sc'aalelal ta oq'uesinel oq'ues soc aw ta scontroinel te lumetic te tulanic sts'ajc'ul soc te ay toyol balal ts'ajq'uetic yu'unique.

Números 31:6

Te Moisés la sticun bael ta guerra. Sjoinej bael te Finees, snich'an te sacerdote Eleazar, te ja' yich'oj bael stuquel te ch'ul biluquetic soc te oq'uesetic te ya yac' ta na'el te bi ora ya xjajch' guerra.

1 Corintios 14:8

Teme ma chicanuc ta jamal sc'op te cornetae, ¿mach'a c'an xchajban sba yu'un te ya xloc' ta guerrae?

Deuteronomio 20:1

“Teme ya xloq'uex ta spasel guerra soc te acontroique, teme ya awilic ay bayal caballoetic soc carretaetic yu'un guerra yich'ojic, soc teme ja' mero bayal te soldadoetic yu'unique, teme c'axem jichic a te bit'il ja'ex, ma me x'axi'ic, melel te ja'exe ja' sjoinejex te Cajwaltic te Dios cu'untique. Ja' te la sloq'uesex tel ta sq'uinal Egipto.

Josué 6:5

Te c'alal ya awaiybeyic stojol sc'op te xulubil yu'unic te ya xjalaj ta oq'uesinel yu'unique, tulan me ya x'awunex. Jich me ya xjin coel a te sts'ajc'ul te lum Jericó. Jich yu'un juju-jtul toj me ya x'animajex ochel ta yutil te lume —xi' te Diose.

Jueces 10:12

sidonetic, amalequetic soc te madianetique. Te c'alal la awalbonic wocol te ja'exe, jich la jcoltayex.

Jueces 10:8

Ja' yorail te jajch' te swocolique. Waxaclajuneb ja'wil te filisteoetic soc te amonetic buen tulan uts'inel la yac'beyic ta spisilic te israeletic te nainemic ta Galaad ta jejch' ja' Jordán, ta sq'uinal amorreoetic.

Jueces 2:18

Te juez ya sle jujun buelta te Cajwaltique, ya xcoltayot yu'un te jayeb c'aal cuxule, soc ya xcoltayotic te israeletic ta sc'ab te scontroique. Te Cajwaltic ya sna'bey yo'bolil sbaic c'alal ya yaiybey stojol yajc'anic, yu'un ya xwoclajic bayal yu'un te uts'inele.

Jueces 3:27

C'alal c'ot ta sq'uinal israeletic, la yoq'uesin xulubil ta bay witstiquil yu'un Efraín ta swenta yiq'uel tel te israeletique. Spisilic coic bael ta witstiquil, tsobilic bael yu'un Aod.

Jueces 6:34

Te espíritu yu'un Cajwaltic wentainot ta jyalel yu'un te Gedeón. Jich la yoq'uesin xulubil swenta yu'un jun nax me ya xtal yac' sba soc te mach'atic sts'umbal Abiezer.

Jueces 6:9

Soc ma ja'uc nax a te loq'uex tel cu'un ta Egipto, la caq'uex ta libre yu'un spisil te mach'atic la yac'beyex awocolique. La jch'oj loq'uel ta atojolic, jich la awich'beyic jilel te sq'uinalique.

1 Samuel 10:18

Jich la yalbey tey a te sjoy ta israel: —Te Cajwaltic te Dios cu'untic te israelotique, jich ya yal: “Jo'on la jloq'uesex tel ta Egipto ja'ex te israelexe. La jcoltayex loq'uel ta sc'ab te egipcioetic, soc ta sc'ab spisil yantic ajwaliletic te ay awocolic yu'une”, te xie.