San Lucas 9:53 - Bible in Tzeltal de Oxchuc y Tenejapa

⁵³ Ja'uc me to, te samariaetique ma la yic' ta stojolic, yu'un la sna'ic te c'alal ta Jerusalén ya xbajt' te Jesuse.

Nuevo Testamento Tzeltal de Amatenango

⁵³ Pero te samariaetike ma yakꞌik ta majanel te nae, yuꞌun la snaꞌik te toj nax ya xbajt ta Jerusalen te Jesuse.

Bible in Tzeltal Bachajón

⁵³ Pero te samaritanohetic ma ba la yiq'uic, como la yilic te ay yip yo'tan te ya xbaht ta Jerusalén.

San Lucas 9:53 ပူးပေါင်းရင်းမြစ်များ

San Lucas 9:48

Jich la yal: —Te mach'a jo'on ta jwenta te ya yic' ta stojol jtuluc alal jich bit'il in to, jo'on la yic'onix abi. In te mach'a ya yic'on ta stojole, ja' la yiq'uix uuc te mach'a la sticunon tele. Jich yu'un te mach'a peq'uel ay ta awolilique, ja' me muc' stuquel —xi' te Jesuse.

San Juan 4:20

Te me'il-tatil tel cu'un soc te samariaetique la slajin sbaic li'to ta bay in wits to. Te ja'ex te judioexe ya awalic te tey ya sc'an ya alajin abaic ta Jerusalén —xi'.

San Juan 4:9

Jich te samaria-antse la yal: —¿Bi yu'un ya ac'anbon ja' awuch'? Melel judioat, in te jo'one samariaon —xi' te antse. Yu'un te judioetique ma sc'an ya slac' sbaic ta c'op soc te samariaetique.