San Lucas 9:51 - Bible in Tzeltal de Oxchuc y Tenejapa

⁵¹ C'alal nopol ya sta yorail te ya x'ic'ot moel ta ch'ulchan te Jesuse, la stejc'an yo'tan te ya xbajt' ta Jerusalén.

Nuevo Testamento Tzeltal de Amatenango

⁵¹ Te kꞌalal xnopet ya sta yorail te ya xꞌikꞌot moel ta chꞌulchan te Jesuse, la xtuchꞌ yoꞌtan te ya xbajt ta Jerusalene.

Bible in Tzeltal Bachajón

⁵¹ C'alal nopol ya stahix yorahil te ya x'ic'ot mohel ta ch'ulchan te Jesús, ay yip yo'tan te ya xbaht ta Jerusalén.

San Lucas 9:51 ပူးပေါင်းရင်းမြစ်များ

2 Reyes 2:11

Te c'alal yacalic ta beel bael a, soc te yacalic ta c'op a, ora nax chicnaj c'ajc' pajal yilel soc carreta, soc c'ajc' te pajal yilel soc caballoetique, jich ac'bot yijq'uitay sbaic. Jich mo bael ta ch'ulchan te Elías, potsot bael ta sutu-ic'.

San Marcos 16:19

Lajix yo'tan ta sc'oponel a te jnopojeletic yu'un te ic'ot moel ta ch'ulchan te Cajwaltic Jesuse. C'o najc'ajuc ta swa'el te Diose.

San Lucas 12:50

Ja'uc me to, puersa neel ya xtal tulan woclajel ta jtojol. Ayix jwocol ya caiy te bit'il yacon ta smaliyel te ya xc'ot ta pasele.

San Lucas 13:22

Te c'alal yac ta beel ta sbelal Jerusalén te Jesuse, la yaiy p'ijubteswanej c'axel ta bay te lumlumtique soc ta bay ch'in lumetic.

San Lucas 17:11

Te bit'il yac ta beel ta sbelal Jerusalén te Jesuse, c'ax bael ta sq'uinal Samaria soc Galilea.

San Lucas 18:31

Te Jesús la yic' ta stojol stuquel nax te lajchaytul jnopojeletic yu'une soc la yalbey yaiyic: —Aiya awaiyic stojol: Yacotiquix ta moel bael ta Jerusalén. Tey me ya xc'ot ta pasel a te bit'il la sts'ibuyic jilel j'alwanejetic yu'un Dios te sc'oplal te Nich'anile.

San Lucas 19:11

Te ants-winiquetic yacalic ta yaiybel stojol sc'op tey a te Jesuse. Jich jajch' yalbey yaiyic seña-c'op, yu'un ya xc'otix ta Jerusalén, soc scuyojic te ants-winiquetic te ya xchicnajix ta ora nax te muc' ajwalil ya yac' te Diose.

San Lucas 19:28

Te c'alal lajix yo'tan ta c'op te Jesuse, cha'jajch' xan ta beel moel ta Jerusalén.

San Lucas 24:51

Yac ta yaq'uel bendición a te la yijq'uitay jilele. Ic'ot moel ta ch'ulchan.

San Lucas 9:57

Te bit'il yacalic ta beele, ay mach'a la yalbey te Jesús ta be: —Cajwal, ya jt'unat chican te banti ya xbaate —xi'.

San Juan 13:1

Nopol ya sta yorail te q'uin Pascuae. Te Jesús sna'oj te c'otix yorail te ya yijq'uitay jilel in balumilal to soc te ya xbajt'ix ta stojol te State. Spisil ora c'ux la yaiy ta yo'tan te mach'atic ay yu'un ta balumilale, soc la yac'bey xan yilic te c'uxbajem ta yo'tan c'alal ta slajibal.

San Juan 16:28

Loc'on tel ta stojol te Jtate, talon ta balumilal. Yan buelta ya quijq'uitayix te balumilale, ya sujt'onix bael ta stojol te Jtate —xi' te Jesuse.

San Juan 16:5

Ta ora to ya xba joinix te Mach'a la sticunon tele. Ja'uc me to, ma'yuc bay ya ajojc'obonic te bay ya xboone.

San Juan 17:11

“Te jo'one ma ba ya x'ainonix ta balumilal. Te ja'ique ya xjilic ta balumilal stuquelic. Yan te jo'one ya xtalonix ta atojol. Ch'ul Jtat, te mach'atic awac'ojbone, canantaybon me ta awu'el swenta yu'un jun nax me ya xc'otic ta spisilic, jich te bit'il jun nax ayotique.

San Juan 6:62

¿Jaxan teme ya awilic ya xmo bael ta banti ay ta neelal te Nich'anile?

Hechos 1:2

ja' to c'alal te ic'ot moel ta ch'ulchane. Te c'alal ma to xbajt' ta ch'ulchane, la spas ta mandal ta swenta te Ch'ul Espíritu te jpuc-c'opetic te tsabil yu'une.

Hechos 1:9

Te c'alal laj yo'tan ta yalel in to, la yilic ic'ot moel ta ch'ulchan. Potsol bael ta tocal, tup' bael ta sitic.

Efesios 1:20

ja' nix te at'ej ta stojol Cristo te c'alal cha'cux tel ta bay te animaetique, soc te la yac' najc'ajuc ta swa'el sc'ab ta bay ch'ulchan.

Filipenses 3:14

Ya me cantay bael ta banti albil te ya xc'oone. Jich me ya quich' jmajt'an te muc' sc'oplal te bit'il ya yic'on moel ta ch'ulchan te Diose ta swenta Cristo Jesús.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

Hebreos 6:20

Ja' te banti ochemix te Jesuse, swenta yu'un ya sjambotic te sbelale. Jich Muc' Sacerdote c'oemix sbajt'el q'uinal, te ja' la yich'bey yat'el te Melquisedeque.

1 Pedro 3:22

Soc te bit'il mo bael ta ch'ulchane, jich ayix ta swa'el sc'ab te Diose. Ay ta ch'uunel smandal yu'un spisil te ch'ul abetetique soc te mach'atic yich'oj yat'elic ta stojolic soc te jmandalteswanejetic yu'unique.