San Lucas 9:5 - Bible in Tzeltal de Oxchuc y Tenejapa

⁵ Te banti ma xyiq'uex ochele, loc'anic bael tey a. Tijt'ana jilel te stanul awacanique. Ja' me seña ta stojolic te ma ja'uc ta awentaic te ma xch'uunique —xi' te Jesuse.

Nuevo Testamento Tzeltal de Amatenango

⁵ Teme ay jtejklum te ma xyikꞌexe, tijtina jilel te stanil awoke, y lokꞌanik tal teꞌa. Jaꞌ seña ta stojolik te ay ta skuentaik te ma skꞌan xchꞌuunike —xchi te Jesuse.

Bible in Tzeltal Bachajón

⁵ Te banti ma ba ya x'ic'otex, loc'anic bahel ta pueblo tey a soc tihtinahic hilel slumil awoquic scuenta testigo ya xc'oht ta stojolic, xchi.

San Lucas 9:5 ပူးပေါင်းရင်းမြစ်များ

Nehemías 5:13

Soc xan la jlilin te jc'u'e, jich la cal: —Jich ac'a yich' lilanel loq'uel yu'un Dios ta sna soc ta sq'uinal spisilic te mach'atic ma ba ya yaq'uic c'otuc ta pasel te bitic jc'axel la yaliquixe. Jich ac'a yich'ic pojel spisil te bitic ay yu'unic ta ora in to —xoon ta stojolic. Ta spisilic te winiquetic la sjaq'uic: —Jichuc —xiic. Soc la yalbeyic yutsil sc'oplal te Cajwaltique. Te jlumal la spasic te bila la yalique.

San Mateo 10:18

soc ya me yiq'uex bael ta stojol ajwaliletic soc ta stojol muc' ajwaliletic ta jo'on jwenta. Jich me ya awalic testigo-c'op ta stojolic soc ta stojol te jyanlumetique.

San Marcos 6:11

Teme ay lum te ma sc'an yiq'uexe, soc teme ma sc'an yaiyic stojole, loc'anic bael tey a. Tijt'ana jilel te stanul awacanique. Ja' me seña ya yilic te ma ja'uc ta awentaic te ma la xch'uunique, —xi' te Jesuse.

San Marcos 9:37

—Te mach'a jo'on ta jwenta te ya yic' ta stojol jtuluc alal jich bit'il in to, jo'on la yic'onix ta stojol abi. In te mach'a la yic'onix ta stojole, ma jtuqueluc nax te yic'ojone, ja' la yiq'uix ta stojol uuc te mach'a la sticunon tele —xi' te Jesuse.

San Lucas 10:16

“Te mach'atic ya yaiybeyex stojol te ac'opique, jo'on la yaiybonic stojol jc'op abi. Te mach'atic ya sp'ajexe, jo'on la sp'ajonic abi. Teme ya sp'ajonic te jo'one, ja' ya sp'ajic uuc te Mach'a sticunejon tele —xi' te Jesuse.

San Lucas 5:14

Jesús la spas ta mandal te ma me mach'a ya yalbey yaiy. Soc albot xan te winique: —Ja'uc me to, baan, ac'a aba ta ilel ta stojol te sacerdoteetic te bit'il lecubatixe. Soc ac'beya smajt'an te Diose, jich te bit'il yaloj mandal te Moisese. Jich me ya sna'ic stojol te bit'il ch'ayemix te achamele —xi' te Jesuse.

San Lucas 9:4

Te banti nailuc ya x'ochexe, ainanic tey a ja' to teme ya awijq'uitayic jilel te lume.

San Lucas 9:48

Jich la yal: —Te mach'a jo'on ta jwenta te ya yic' ta stojol jtuluc alal jich bit'il in to, jo'on la yic'onix abi. In te mach'a ya yic'on ta stojole, ja' la yiq'uix uuc te mach'a la sticunon tele. Jich yu'un te mach'a peq'uel ay ta awolilique, ja' me muc' stuquel —xi' te Jesuse.

Hechos 13:51

Jich te Pablo soc te Bernabé la scusic jilel stanul yacanic swenta seña te ay ta swentaic stuquelic te ma xch'uunique. Jich bajt'ic ta lum Iconio.

Hechos 18:6

Ja'uc me to, te judioetic jajch' scontroinic te Pabloe soc la stoybac'optayic. Te Pablo jich la yal ta slilanel te sc'u'e: —Ay ta awenta atuquelic teme ch'ayel ya xbaexe. Te jo'one, ma jwentauc ya xc'ot. Ta ora to, ja' ya xba calbey yaiy lec yach'il c'op te jyanlumetique —la yut jilel.