San Lucas 9:44 - Bible in Tzeltal de Oxchuc y Tenejapa

⁴⁴ —Aiya awaiyic stojol ta lec te bila ya calbeyexe: Te Nich'anile ya me x'ochon ta sc'ab te ants-winiquetique —xi'.

Nuevo Testamento Tzeltal de Amatenango

⁴⁴ —Aꞌibeyaik lek sluwaril y ma me chꞌay ta awoꞌtanik: Te Nichꞌanile ya me xꞌakꞌot entregal ta skꞌab winketik —xchi.

Bible in Tzeltal Bachajón

⁴⁴ A'iya me awa'iyic ta lec te bin ya calbeyex: Ya me sta yorahil te ya x'ac'ot ta sc'ab winiquetic te Nich'anil ay ta scuenta winic, xchi.

San Lucas 9:44 ပူးပေါင်းရင်းမြစ်များ

2 Samuel 24:14

Te David la sutbey sc'op te Gad: —Mero tenbilon ya caiy. Yo'tic, ja' lec teme ja' ya x'ochotic ta sc'ab te Cajwaltic, te bit'il mero bayal ya sna' yo'bolil jbajtic stuquele, ma ja'uc ya x'ochotic ta sc'ab te winiquetique —xi'.

San Mateo 16:21

Ja' nix yorail a te Jesús caj xcholbey yaiyic te jnopojeletic yu'une te ya xbajt' ta Jerusalén, soc te tey ya xc'ax bayal swocol ta sc'abic te principaletique soc te jwolwanej-sacerdoteetique soc te jts'ibojometique. Soc la yal te bit'il ya x'ac'ot ta lajel, soc te ya yich' cha'cuxesel ta yoxebal c'aal.

San Mateo 26:2

—Ana'ojic stojol te cheb xanix c'aal sc'an te q'uin Pascuae. Te Nich'anile tey ya x'ac'ot ta c'abal a, yu'un ya me smilic ta cruz —xi'.

San Marcos 8:31

Te Jesús jajch' yac'bey sna'ic stojol te jnopojeletic yu'un te puersa ya xc'ax bayal swocol: —Te Nich'anile xujt' ma'yuc sc'oplal ya xc'ot ta yo'tanic te principaletique soc te jwolwanej-sacerdoteetic soc te jts'ibojometique. Ya me x'ac'ot ta lajel yu'unic, soc ya xcha'cux tel ta yoxebal c'aal —xi'.

San Marcos 9:31

melel yac ta sp'ijubtesel te jnopojeletic yu'une. Jich yac ta yalel: —Te Nich'anile ya me x'ac'ot ta sc'ab te ants-winiquetique. Ya me smilic, ta patil te c'alal lajemix ae, ya me xcha'cux tel ta yoxebal c'aal —xi' te Jesuse.

San Lucas 1:66

Spisil te mach'a la yaiyic stojole ma ba ch'ay ta yo'tanic, soc la sjojc'obey sbaic: —¿Bi me yilel ya xc'ot ta loq'uel ta patil in alal to? —xiic. Melel la sna'ic stojol te joinbil yu'un Cajwaltic te alale.

San Lucas 18:31

Te Jesús la yic' ta stojol stuquel nax te lajchaytul jnopojeletic yu'une soc la yalbey yaiyic: —Aiya awaiyic stojol: Yacotiquix ta moel bael ta Jerusalén. Tey me ya xc'ot ta pasel a te bit'il la sts'ibuyic jilel j'alwanejetic yu'un Dios te sc'oplal te Nich'anile.

San Lucas 2:19

Yan te Mariae spisil ora la sna'ulay soc la snopilay ta yo'tan.

San Lucas 2:51

Te querem Jesús la sjoinic sujt'el ta Nazaret. Jun yo'tan la xch'uun mandal ta stojolic. Te sme'e la sna'ulay ta yo'tan spisil te bila c'ot ta pasele.

San Lucas 24:44

La yalbey yaiyic ts'iin: —Te bila c'ot ta pasel ta jwentae, ja' te la calbeyex awaiyic te c'alal joinejex to a. Puersa jich c'ot ta pasel spisil te bila ts'ibubil jilel jc'oplal ta mandalile yu'un te Moisés soc ta sjun te namey q'uinal j'alwanejetic yu'un te Diose soc ta salmoetic —xi'.

San Lucas 9:22

Soc la yal: —Te Nich'anile puersa ya xc'ax bayal swocol soc xujt' ma'yuc sc'oplal ya xc'ot ta yo'tanic te principaletique soc te jwolwanej-sacerdoteetique soc te jts'ibojometique. Ya me x'ac'ot ta lajel yu'unic, soc ya me xcha'cux tel ta yoxebal c'aal —xi'.

San Juan 16:31

La yal te Jesuse: —¿C'ot balix ta awo'tanic?

San Juan 16:4

La me calbeyex awaiyic in to, swenta yu'un te c'alal ya xc'ot yorail, jich me ya ana'ic te jich nix la calbeyex awaiyique. “Ta neelal to ma la calbeyex spisil in to yu'un joinejex to a.

San Juan 19:11

Jesús la yalbey: —Ma'yuc awat'el ta jtojol te manchuc yac'ojbat te Diose. Jich yu'un te mach'a la yac'on ta ac'abe, ja' c'ax to xan ay smul stuquel —xi'.

Hechos 2:23

Ja'uc me to, ta xjajch'ibal to tel ay ta yo'tan Dios te bit'il jich snopoj stuquele, la yac'beyex ta ac'abic te Jesús te la awac'beyic smilic ta cruz te mach'atic ma sna'beyic sba te Diose.

Hebreos 2:1

Jich yu'un ya sc'an te c'axem to xan ya quich'tic ta muc' te bila caiyojtiquix stojole. Ma me xquijq'uitaytic jilel te bee.