San Lucas 9:41 - Bible in Tzeltal de Oxchuc y Tenejapa

⁴¹ La yal te Jesuse: —Bit'il ayex a, te ma'yuc xch'uunjel awo'tanique soc te ma lecuc awo'tanique. ¿Jayeb me xan c'aal te ya joinexe soc te ya jts'icbeyex te bit'il ayexe? Ic'bon tel quil te anich'ane —xi'.

Nuevo Testamento Tzeltal de Amatenango

⁴¹ La sjakꞌ te Jesuse: —Jaꞌex genteetik te maꞌyuk xchꞌuunel awoꞌtanik sok te ma lek awoꞌtanike. ¿Jayeꞌ xan kꞌaal te ya joyinexe sok te ya jtsꞌikbeyex te tut ayexe? Ikꞌbonik te anichꞌane —xchi.

Bible in Tzeltal Bachajón

⁴¹ La yal te Jesús: ¡Ay, jcaj ts'umbalil te mayuc sch'uhunel awo'tanic soc chopol awo'tanic! ¿Jayeb to xan c'ahc'al ya sc'an ya joquinex soc te ya xcuhch cu'un? Ic'a tal te anich'ane, xchi.

San Lucas 9:41 ပူးပေါင်းရင်းမြစ်များ

2 Reyes 5:8

C'alal la yaiy te j'alwanej Eliseo te la sjats sc'u' te muc' ajwalil yu'un te bi ya yal te carta, jich la sticun ta alel: “¿Bi yu'un te la ajats te ac'u'e? Ac'a taluc ta jtojol te winique. Ya me sna' te ay jtul j'alwanej yu'un Dios ta Israel”, xi'.

Salmos 78:8

Jich ma me pajaluc ya xc'otic soc te antiguo sme'-statique, te ma x'ich'awanic ta muc' soc te ma sna'ic q'uinal, te ma spisiluc yo'tan la yac' sbaic ta stojol te Diose; ja'ic te c'axic ta q'uinal te mero ma junuc yo'tanic la yac' sbaic ta stojol te Diose.

Éxodo 10:3

Te Moisés soc Aarón ba sc'oponic te faraón, jich la yalbeyic: —Jich la yal te Cajwal te Dios cu'untic te hebreootique: “¿Bi ora ya apejc'an aba ta jtojol? Ac'a loq'uel te lum cu'une. Ya xba yich'onic ta muc'.

Éxodo 16:28

Te Cajwaltic, jich la yalbey te Moisés: —¿Bi to ora ya xc'ot ta pasel awu'unic te ya ach'uunbonic te jmandale soc te jp'ijtesele?

Jeremías 4:14

Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Números 14:11

Te Cajwaltic jich la yalbey te Moisés: —¿Jayeb to c'aal ma lecucon ta yo'tanic te lume? ¿Jayeb to me c'aal ya xc'opoj yo'tanic cu'un te bit'il cac'ojbey yilic cu'el ta yolilique?

Números 14:27

—¿Jayeb to xan buelta ya jts'icbey sbol-c'opic te israeletic te amen yo'tanique? La caiybeyix stojol te sbol-c'opic cu'une.

San Mateo 11:28

La'ic me ta jtojol ta apisilic ja'ex te lubenex yu'un te tulan at'ele soc te ijc'atsile. Jo'on ya cac'beyex acux awo'tanic.

San Mateo 12:39

La yal te Jesuse: —Ya nax sc'an seña yilic te mach'atic te amen yo'tanic soc te mach'atic ma junuc yo'tanic ta stojol te Diose, ja'uc me to, ma x'ac'bot yilic. Ja' seña ta stojolic te Jonás te namey q'uinal j'alwanej yu'un te Diose.

San Mateo 12:45

Jich ya xba yic' tel juqueb pucujetic te c'ax jich yixtaelic te bit'il ay stuquele. Spisilic ya x'och snainbey yo'tan te ants-winique. C'ax to xan jich ya xbolob a te bit'il ay ta neelale. Jich me ya xc'otic te mach'a cuxulic ta q'uinal ta ora to te ma lecuc yo'tanique —xi' te Jesuse.

San Mateo 16:4

In te mach'a cuxulic ta q'uinal ta ora to, amen yo'tanic soc jmulwejetic, ya sc'an seña yilic, ja'uc me to, ma x'ac'botic. Ja' seña ta stojolic te Jonás te namey q'uinal j'alwanej yu'un te Diose —xi'. Jich la yijq'uitay jilel. Q'uejel a bajt'.

San Mateo 17:17

La yal te Jesuse: —¿Bit'il ayex a ja'ex te ma'yuc bi xch'uunej awo'tanic ta stojol te Diose soc te ma lecuc te awo'tanique? ¿Jayeb me xan c'aal te ya joinexe? ¿Jayeb me xan c'aal te ya jts'icbeyex te bit'il ayexe? Ic'bonic tel te quereme —xi'.

San Mateo 23:36

Jamal ya calbeyex, ja' me ya acuchic ta apisilic ja'ex te cuxulex ta q'uinal ta ora to.

San Mateo 3:7

Te Juane la yil te tsobol fariseoetic soc saduceoetic te talemic yu'un te ya yac' sbaic ta ich'ja'e. Jich la yalbey yaiyic: —Te ja'exe, ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te nopol ayixe?

San Marcos 10:14

C'alal la yil te Jesuse, ma lecuc la yaiy. Jich la yal: —Ac'a taluc ta jtojol te alaletique. Ma me x'acomic, melel te mach'a jich yo'tanic te bit'il in alaletic to, ja' me ya xju' ya yajwalinic te Diose.

San Marcos 10:49

Te Jesús la stejc'an sba: —Ic'aic tel —xi'. Jich la yiq'uic tel te ma'site soc la yalbeyic: —Ac'a smuc'ul awo'tan. Jajch'an. Ya yic'atix —xiic.

San Marcos 9:19

La yal te Jesuse: —¿Bit'il ayex a ja'ex te jlam alnich'anex te ma'yuc xch'uunjel awo'tanique? ¿Jayeb me xan c'aal te ya joinexe? ¿Jayeb me xan c'aal te ya jts'icbeyex te bit'il ayexe? Ic'bonic tel te quereme —la yut.

San Lucas 8:25

Te Jesús la yalbey te jnopojeletique: —¿Bi la apasic te ma'yuc xch'uunjel awo'tanique? —la yut. Toj bael xch'ulelic yu'un soc xiw yo'tanic yu'un. Caj sjojc'obey sbaic: —¿Mach'a junuc a in to te ya xju' yu'un spasel ta mandal te iq'ue soc te mare soc te ya xch'uunbot smandal yu'une? —xiic.

San Lucas 9:40

La calbeyix wocol te jnopojeletic awu'un te yacuc sloq'uesbonic ta yo'tan, ja'uc me to, ma ju' yu'unic sloq'uesel —xi'.

San Lucas 9:42

Te c'alal yac ta noptsajel tel te quereme, t'uxanot ta lum yu'un te pucuje soc ac'bot xijulay sba yu'un. Ja'uc me to, te Jesús la scom te pucuje soc la scoltay te quereme. La yac'bey ta sc'ab te state.

San Juan 14:9

Jesús la yalbey: —Felipe, bayalix c'aal te joinejexe. ¿Ma to bal x'ana'bon jba? Te mach'a yilojonixe, ja' yilojix uuc te Jtate. ¿Bistuc te jich la awale: “Ac'botic quiltic te Tatile”, te xaate?

San Juan 20:27

Soc la yalbey te Tomase: —La' me, ac'a tel te sbic'tal ac'abe. Ilbon awil te jc'abe. Soc ac'a tel ac'ab, ac'a ochel ta bay jmoch. Ma me chebuc awo'tan. Ch'uuna me —xi'.

Hechos 13:18

Ay niwan cha'winic (40) ja'wil te la sts'icbey te amen yat'elic ta bay te muc'ul jochol taquin q'uinale.

Hechos 2:40

Te Pedro la to yalbey xan yaiyic ta lec te sc'op Diose, soc la stac'uy. Jich la yalbey yaiyic: —Ac'a abaic ta coltayel. Ma me xbaex ta ch'ayel soc te mach'atic cuxulic ta q'uinal ta ora to te amen yo'tanique —xi'.

Romanos 2:4

¿Ya bal ap'aj te bayal xc'uxtayejat te Dios te bit'il jal c'aal ya xmaliywane? ¿Yu'un bal ma ba c'oem ta awo'tan te ja' swentail te bit'il ayat ta c'uxtayel yu'une te yacuc asujt'es awo'tan ta stojol te Diose?

Deuteronomio 32:5

Amen awo'tan ants-winiquex, amen awat'elic, la awaq'uic ilinuc te Diose, ma snujp'inix te yal-snich'anex Dios, xi' ac'oplalic.

Hebreos 3:19

Tey chican ya quiltic ta jamal a te ma ju' yu'unic te ochic bael tey a scaj te ma la xch'uunique.

Hebreos 4:11

Jich yu'un ya sc'an ya cac'tic puersa te ya x'ochotic tey a ta bay te cux-o'tane. Ma me jc'ainbeytic jtuluc te bila la spasic te mach'atic ma la xch'uunbeyic smandal te Diose.

Hebreos 4:2

Melel jpisiltic la yich'ix alel ta jtojoltic uuc te lec yach'il c'ope, jich nix te bit'il la yich' alel ta stojolique. Ja'uc me to, tojol c'ot te la yaiyic stojole, melel ma la yac' xch'uunjel yo'tanic te bit'il la yaiyic stojole.

Hebreos 7:25

Jich ya xju' ya scoltay sbajt'el q'uinal te mach'atic ya xnoptsajic ta stojol Dios ta swentae, melel ya xju' ya xc'opoj yu'unic spisil ora stuquel te bit'il cuxul ay sbajt'el q'uinal.