San Lucas 9:11 - Bible in Tzeltal de Oxchuc y Tenejapa

¹¹ Te c'alal la sna'ic stojol te ants-winiquetique, la st'unic bael. Te Jesús la yic' ta stojol. La xcholbey yaiyic te bit'il ay ta ajwalinel te Diose, soc la slamantes te mach'atic ayic ta chamele.

Nuevo Testamento Tzeltal de Amatenango

¹¹ Te kꞌalal la snaꞌbeyik sluwar te genteetike, jicha stsꞌakliyik bael. Te Jesuse la yikꞌ ta stojol, sok la yalbe yaꞌiyik te tutꞌil ay ta ajwalinel te Diose, sok la slekutes te machꞌatik ayik ta chamele.

Bible in Tzeltal Bachajón

¹¹ C'alal hich la ya'iyic te ants-winiquetic, la st'unic bahel. Te Jesús la yic'ticlan tal ta stojol, la yalbe sc'oblal te cuentahinel yu'un Dios soc la slecubteslan te mach'atic ayic ta chamel.

San Lucas 9:11 ပူးပေါင်းရင်းမြစ်များ

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

San Mateo 12:15

C'alal la sna' stojol te Jesuse, loc' bael tey a. Tsobol ants-winiquetic la sts'aclinic bael. La scoltay spisil te jchameletique.

San Mateo 14:14

Te c'alal loc' ta barco te Jesuse, la yil te ayix tsobol ants-winiquetic tey a. La sna'bey yo'bolil sbaic. Jich la scoltay te jchameletic te ic'bilic tel yu'unique.

San Mateo 21:31

¿Mach'a ta xchebalic awaiy te la spasbey te bila la sc'an yo'tan te state? —xi' te Jesuse. La yalic: —Ja' te sbabiale —xiic. Te Jesús jich la yal: —Jamal ya calbeyex, te jc'an-patanetic soc te jmulawil-antsetique, ya me xneelajic ochel awu'unic tey a ta banti ay ta ajwalinel te Diose.

San Mateo 21:43

Jich yu'un ya calbeyex, ya me xpojbotex loq'uel ta awolilic te bit'il ay ta ajwalinel te Dios te ay ta ch'ulchane. Ja' me ya xc'ot ta swentaic te mach'atic ya sitin yu'unic ta leque. [

San Lucas 1:53

Te mach'atic ayic ta wi'nale, la snojesbeyix xch'ujt'ic ta lequil we'elil; yan te jc'ulejetique, jochol sc'abic la sticunix bael.

San Lucas 5:31

Jesús la yalbey yaiyic: —Te mach'atic bujts'an q'uinal ya yaiyique, ma xtuun yu'unic te jpoxtaywaneje. Ja' nax ya xtuun yu'unic jpoxtaywanej te mach'atic ayic ta chamele.

San Lucas 8:1

Patil been Jesús ta lumlumtic soc ta ch'in lumetic. Bayuc la xchol te lec yach'il c'op yu'un te ya xjajch'ix ta ajwalinel te Diose. Sjoinej ta beel te lajchaytul puc-c'opetic yu'une.

San Lucas 8:10

Te Jesús la yalbey yaiyic: —Te ja'exe Dios ya yac'beyex ana'ic stojol te bila wocol ta na'el te bit'il ay ta ajwalinel te Diose. Yan te yantique ya jc'opon ta seña-c'op, swenta yu'un manchuc teme ya yilic ta sitique, ma sna'beyic swentail, soc jayebuc buelta te ya x'albot yaiyique, ma xc'ot ta yo'tanic.

San Lucas 9:10

Te c'alal sujt'ic tel te jpuc-c'opetique, jul yalbeyic yaiy te Jesús te bila la spasique. Jich ic'otic bael yu'un te Jesús ta bay jochol q'uinal te nopol ay ta lum Betsaida.

San Lucas 9:12

Te c'alal yaquix ta malel c'aal a, noptsajic tel ta stojol Jesús te lajchaytul jpuc-c'opetique. Jich la yalic: —Ticunaix bael te ants-winiquetic ta bay ch'in lumlumtic soc ta c'alc'altic te nopol ayique. Ac'a smajan snaic tey a, soc ac'a sle swe'elic tey a. Yu'un te banti ayotique, ma'yuc mach'a ay sna li'to —xiic.

San Lucas 9:2

La sticun bael ta xcholel te bit'il ay ta ajwalinel te Diose soc ta slamantesel jchameletic.

San Juan 4:34

Te Jesús jich la yal: —Te jwe'ele ja' te ya jpasbey sc'anjel yo'tan te mach'a la sticunon tele, ja' to chican ya ju'tes.

San Juan 6:37

Spisil mach'a ya yac'bon te Jtate ya xtal ta jtojol. Te mach'a ya xtal ta jtojole ma ba jch'oj loq'uel.

Hechos 28:31

Jamal la xcholbey yaiyic te bit'il ay ta ajwalinel te Diose, soc la yac'bey snopic te bit'il ay sc'oplal te Cajwaltic Jesucristoe. Jtul ma'yuc mach'a comot ta yalel yu'un.

Romanos 10:14

Ja'uc me to, ¿bit'il c'an yalbeyic wocol te bit'il ma to bay xch'uunejique? ¿Soc bit'il c'an xch'uunic te bit'il ma to bay yaiyojic stojole? ¿Soc bit'il c'an yaiyic stojol teme ma'yuc mach'a ya xcholbot yaiyic yu'une?

Romanos 10:17

Jich yu'un, te xch'uunjel-o'tanile, ya xchicnaj ta swenta yaiyel stojol te sc'op Diose.

Romanos 15:3

Melel te Cristoe, ma ja'uc la sle te bila lec nax yo'tan yu'une. Jich te bit'il ts'ibubil jilel ta Sjun te Diose: “Te sbol-c'opic te mach'atic la sbolc'optayate, jo'on c'ot ta jwenta”, te xie.

2 Timoteo 4:2

Ja' ya calbat te ya me awat'elin xcholel te sc'op Diose; chican teme yorail a te ya achole, o teme ma yorailuque. Aiya me tojobteswanej, soc comaw; soc lamaluc me awo'tan ta tac'uywanej soc yaq'uel ta nopel te bila ay ta ch'uunele.

Hebreos 4:16

Jich yu'un jun co'tantic ac'a noptsajucotic bael ta smuc'ul nactijib te Diose, te bayal yutsil yo'tan cu'untic stuquele, swenta yu'un jich me ya jtatic c'uxtayel yu'un. Melel ta swenta nax yutsil yo'tan ya scoltayotic teme ay bila ay jwocoltic yu'une.