San Lucas 9:1 - Bible in Tzeltal de Oxchuc y Tenejapa

¹ Te Jesús la stsob tel ta stojol te lajchaytul jnopojeletic yu'une. La yac'bey yich' yu'elic soc tulan yat'elic ta sloq'uesel spisil ta jchajp pucujetic soc ta slamantesel jchameletic.

Nuevo Testamento Tzeltal de Amatenango

¹ Te Jesuse la stsob tal ta stojol te lajchaytul jnopojeletik yuꞌune. La yaktalanbe spoderik, sok yaꞌtelik ta slokꞌesel pukujetik, sok ta slekutesel jchameletik.

Bible in Tzeltal Bachajón

¹ Te Jesús, c'alal la stsob tal te lahchaytuhl jnopojeletic yu'un, la yac'ticlambe yu'el soc ya'telic ta sloq'uesel pucujetic soc ta slahmajtesel chameletic.

San Lucas 9:1 ပူးပေါင်းရင်းမြစ်များ

San Mateo 16:19

Jo'on ya cac'bat syaveal ta sjamel soc smaquel ta banti ay ta ajwalinel te Dios te ay ta ch'ulchane. Te bila ya achuc li'to ta balumilale, jich chucul ya xc'ot ta ch'ulchan. Soc te bila ya achap ta balumilale, jich chapal ya xc'ot ta ch'ulchan —xi' te Jesuse.

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

San Mateo 8:9

Melel te jo'one, ja' nax ayon ta xch'uunel mandal ta stojol te mach'a cajal cu'une. Soc ay ta jwenta spasel ta mandal te soldadoetic cu'une. Teme ya calbey te jtule: “Baan”, teme ya cute, ya xbajt'. “La'”, ya cut te yane, jich ya xtal. Teme ay bi ya cac'bey spasbon te abat cu'un, jich ya spas —xi'.

San Lucas 10:1

Ta patil te Cajwaltic la stsa xan lajuneb xchanwinic (70) ta jtul winiquetic. Che'cheb la sticun bael ta juju-jpam lum soc ta juju-jsejp q'uinal ta banti ya xc'ax bael ta patile.

San Lucas 10:19

Jo'on la cac'beyex tulan awat'elic ta xpech'el ta teq'uel te chanetique soc te tsequetique, soc cac'ojbeyex te ya xju' awu'unic stsalel spisil yu'el te cajcontrotique. Jich ma'yuc bila ya yuts'inex xan xujt'uc.

San Juan 14:12

Jamal ya calbeyex, te mach'a ya xch'uunone, te at'eliletic ya jpase, jich me at'eliletic ya spas uuc. Soc c'ax me jich ya spas stuquel, melel ya xboon ta bay te Jtate.

Hechos 1:8

Ja'uc me to, te ja'exe ya me awich' awu'elic te c'alal ya xjul ta awentaic te Ch'ul Espiritue. Jich me testigo ya xc'oex cu'un ta Jerusalén soc ta spamal sq'uinal Judea soc ta sq'uinal Samaria soc ta bayuc ta spamal te balumilale —xi'.

Hechos 3:16

Ja' ta swenta Jesús te ayix yip yacan in winic to te awilojic soc te ana'ojbey sbae. Ta swenta xch'uunjel co'tantic ta stojol te Jesuse, jc'axel colemix in winic to, jich te bit'il yacalex ta yilele.

Hechos 4:30

Soc ta swenta awu'el ac'a coluc jchameletic soc pasuc señailetic soc jchajp at'eliletic ta swenta te Ach'ul-nich'an Jesús —xiic ta sc'oponel te Diose.

Hechos 9:34

Te Pedro la yalbey: —Eneas, ya scoltayat te Jesucristoe. Jajch'an, chajbana jilel te awayibe —la yut. Ora tejc'aj jajch'el te Enease.