San Lucas 8:32 - Bible in Tzeltal de Oxchuc y Tenejapa

³² Ja'uc me to, ay jtsojp chitametic yacalic ta we'el ta bay wits. Te pucujetic la yalbeyic wocol te Jesús te yacuc x'ac'otic ochel ta bay yo'tan te chitametique. Jich la yac' permiso te Jesuse.

Nuevo Testamento Tzeltal de Amatenango

³² Pero ay ben bayal chitametik yipalik ta weꞌel ta wits, jaꞌ yuꞌun te pukujetike la skambeyik pawor te Jesuse te yauk xꞌakꞌot ochel ta yoꞌtan te chitametike. Jich a yakꞌ permiso te Jesuse.

Bible in Tzeltal Bachajón

³² Ay bayel chitametic tey a, yacalic ta we'el ta ch'uht wits. Te pucujetic la yalbeyic wocol te Jesús te yacuc x'ac'otic ochel ta yo'tan te chitametique. A'botic permiso yu'un.

San Lucas 8:32 ပူးပေါင်းရင်းမြစ်များ

1 Reyes 22:22

Te espíritu la yal te ya yac'bey yalic lot ta yeic spisilic te j'alwanejetic yu'un te muc' ajwalile. Te Cajwaltic la yal te jich ya xju' ya slo'laye, ac'a ba spas.

Job 1:10

Te ja'at ma xawac' te ay bila ya xtaot yu'un, ni ja'uc te mach'atic ay yu'un, soc ni ja'uc te bitic ay yu'une. Ja'at ya awac'bey bendición spisil te bitic ya spase. Ja' nax mero jc'ulej winic ta swenta te xchamsbalam.

Job 1:12

Te Cajwaltic jich la yalbey te Satanase: —Lec ay jiche, pasa spisil te bila ya sc'an awo'tan ta stojol te sbiluc te Job, pero ma me ayuc bila amen xapasbey stuquel —la yut. Jich te Satanás loc' bael ta stojol te Cajwaltique.

Job 2:6

Te Cajwaltic jich la yalbey te Satanase: —Lec ay jiche, ya cac'bat ta ac'ab, pero ma awu'unuc stuquel te xcuxlejale —la yut.

Salmos 62:11

Ma junuc nax buelta caiyoj te jich yaloj te Diose: te yu'el soc te c'uxul-o'tanile ja' yu'un stuquel. Soc ja' ya yac'bey stojol sc'abic, chican te bila spasojic ta juju-jtul.

Isaías 65:4

La snajc'an sbaic ta muquenaletic, tey c'ax ajc'ubal yu'unic a ta bay ma xchicnajic ta ilele. La sti'ic sti'balul chitam, soc la snojes yoxomic yu'un scaldoil ti'bal te ma ba lec sc'oplale.

Isaías 66:3

Ja'uc me to, ay mach'atic ya smilbonic jcojt' wacax, soc ya smilic jtul winic; ya sbojbeyic snuc' jcojt' me' chij soc ya sts'otbeyic snuc' jcojt' ts'i'; ya yac'bonic trigo soc xan xch'ich'el chitam; ya xchic'bonic pom, soc ya xch'uunic loc'omba. Te mach'atic ya stsaic ta pasel te bila ilaybile, toyol yo'tan yu'un ta spisil.

Levítico 11:7

“Te chitam, manchuc me xalal slots', pero ma ba ya xcha'jach' xan swe'el, ma lecuc sc'oplal ta ti'el.

San Mateo 7:6

“Te bila ch'ultesbile, ma me xawac'bey te ts'i'etique. Patil ya me sujt'ic tel, ya me stujt'anex ta ti'el uuc. Ma me xawac'bey yixlan perlaetic te chitametique. Patil ya me spech'anic ta teq'uel.

San Lucas 8:31

Te pucujetic la yalbeyic wocol te Jesuse, te manchuc ya x'ac'otic bael ta xaab yu'une.

San Lucas 8:33

Jich te pucujetic loc' ta yo'tan te winique, ba ochuc ta yo'tan te chitametique. Spisil te chitametic la xch'oj sbaic coel ta wits c'alal ta muc' pamal ja'. Tey la sjic'anic ja' ta spisilic a.

San Juan 19:11

Jesús la yalbey: —Ma'yuc awat'el ta jtojol te manchuc yac'ojbat te Diose. Jich yu'un te mach'a la yac'on ta ac'abe, ja' c'ax to xan ay smul stuquel —xi'.

1 Juan 4:4

Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.

Apocalipsis 20:7

Te c'alal ts'acajix a te jmil (1,000) ja'wile, ya me yich' coltayel loq'uel ta bay chucul te Satanase.