San Lucas 8:3 - Bible in Tzeltal de Oxchuc y Tenejapa

³ soc te Juana te ja' smamlal te Chuza te mayordomo yu'un te Herodese, soc te Susana, soc tsobol yantic antsetic. Te bila ay yu'unic te antsetique, la yac'beyic te bila tuun yu'un te Jesús soc te jpuc-c'opetic yu'une.

Nuevo Testamento Tzeltal de Amatenango

³ Sok te xJuanae te jaꞌ smamlal te jChuzae te jaꞌ yaj-kanan te jHerodese, sok te Susanae, sok ay to xan yan bayal antstik. Te tutik ay yuꞌun te antstike la yaꞌbeyik te Jesuse sok te apostoletike.

Bible in Tzeltal Bachajón

³ soc te Juana te yihnam Chuza te scuentahimbeyej sna Herodes, soc te Susana, soc tsobol yantic antsetic te la scoltayic te Jesús yu'un te bintic ay yu'unique.

San Lucas 8:3 ပူးပေါင်းရင်းမြစ်များ

1 Crónicas 29:14

¿Mach'aon a te jo'one, soc mach'a a te jlumale, te ya xju' cu'untic yaq'uel bayal biluc ta atojole? Melel spisil ya xtal ta atojol soc ja' nix ya cac'tic te bitic quich'ojtic awu'une.

Isaías 23:18

Te stojol te bila la xchonic, ya me yu'unin te Cajwaltique; ma me xju' ya yich' q'uejel, ni ta snail; ja'uc me to, ja' me ya yich' ac'beyel te mach'atic ya yac' sbaic ta abatinel yu'un Cajwaltic, swenta yu'un ya sman swe'elic c'axem to xan a soc t'ujbil sc'u'-spaq'uic.

San Mateo 14:1

Te Herodes, te yich'oj yat'el ta ajwalil ta bay sq'uinal Galilea, la yaiybey stojol sc'oplal te Jesuse.

San Mateo 14:3

Jich caj yal yu'un melel ayix c'aal te la sticun ta tsaquel te Juane, te la yac' ta chuquel ta bay chucjibal ta scaj te Herodías te yinam Felipe, te ja' nix te yijts'ine.

San Mateo 14:6

Te c'alal la sta sc'aalelal te loc' ja'wil ya'wilal te Herodese, la spas q'uin a. Te yantsil-al te Herodiase tal yaiy ajc'ot ta stojol te mach'a ic'bilic ta we'el-uch'ajele. Te Herodese bayal la smulan te bit'il ajc'otaj te ach'ixe.

San Mateo 2:11

Jich ochic ta na ta banti ay te alale. La yilic soc te sme'e, ja' te Mariae. La squejan sbaic ta stojol, soc la sjam te yawil sbiluquique. Jich la yac'beyic smajt'anin oro, perfume soc mirra.

San Mateo 20:8

“C'alal x'ametix q'uinal a te yajwal at'ele la yalbey te mayordomoe: “Ic'a tel te j'at'eletique. Ac'beya stojolic. Ac'beya stojol neeluc te mach'atic patil ochic ta at'ele. Ja' me slajibal ya atoj te mach'a neel ochic ta at'ele”, la yut.

San Mateo 25:40

“Jich me ya yal te muc' ajwalile: “Jamal ya calbeyex, te bit'il jich la apasbeyic jtuluc in to te quermanotaque, manchuc teme peq'uel ayique, jo'on la apasbonic c'oem abi”, ya me yut.

San Mateo 26:11

Melel te me'baetique spisil ora ay ta awolilic stuquelic. Yan te jo'one ma spisiluc ora te ya joinexe.

San Mateo 27:55

Ay tsobol antsetic te q'uejel to yacalic ta yilele. Ja' te mach'atic la sts'aclinic tel Jesús c'alal to ta sq'uinal Galilea te la yac' sbaic ta abatinel yu'une.

San Lucas 24:10

Te antsetic te ba yalbey yaiyic te jpuc-c'opetique, ja' te María Magdalena, te Juana, te María te sme' te Jacoboe, soc te yantic antsetique.

San Juan 12:6

Te bit'il jich la yal te Judase, ma yu'unuc ayuc sc'oplal ta yo'tan te me'baetique. Yu'un ja' ay ta yo'tan te eleq'ue. Melel ja' scanantayej te yawil staq'uinique, soc c'aem ta yelc'anel te taq'uine.

Hechos 13:1

Te jch'uunjeletic ta lum Antioquia ay j'alwanejetic yu'un Dios soc maestroetic yu'un te sc'op Diose: ja' te Bernabé, soc Simón te Negro yan sbiile, soc Lucio te talem ta lum Cirene, soc Manaén te pajal la yich' ch'ijtesel soc te Herodes te ajwalil yu'un te Galileae, soc te Sauloe.

2 Corintios 8:9

Melel ana'ojiquix te bit'il ay yutsil yo'tan te Cajwaltic Jesucristoe. Manchuc teme ay sc'ulejale, ta swenta xc'uxul yo'tan awu'unic te la sc'atp'un sba ta me'ba, swenta yu'un jich me ya yac'beyex ac'ulejalic ta swenta bit'il la yac' sba ta me'ba stuquel.

Filipenses 4:22

Soc ya sticunbeyex spatjibal awo'tanic uuc spisil te mach'atic ch'ul lum yu'un te Diose. C'axem to xan ya spatbeyex awo'tanic te mach'atic ayic ta sna te muc' ajwalil Cesare.

1 Timoteo 5:10

Soc ya sc'an te lec sc'oplal yu'un te yat'el spasoje, jich bit'il teme jun yo'tan la xch'ijtes te yalataque, soc teme ya xnajc'anwane, soc teme ay la spocbeyix yacan te mach'atic ch'ul lum yu'un te Diose, soc teme ay la xc'uxtayix te mach'atic ay swocolique, soc teme c'aem ta spasel spisil te lequil at'elile.