San Lucas 8:16 - Bible in Tzeltal de Oxchuc y Tenejapa

¹⁶ “Jtul ma'yuc mach'a ya stsum c'ajc' yil te ay bila ya smacbey xojobil ae, soc ma'yuc mach'a ya yac' ta yanil wayibal. Ya me yac' ta stuchtajib, swenta yu'un ya yilic te mach'atic ya x'ochic ta nae.

Nuevo Testamento Tzeltal de Amatenango

¹⁶ “Maꞌyuk machꞌa ya stsun slampara te ay tut ya smuk aye, niuk yuꞌun ya yakꞌ ta yanil wayibal. Ya yakꞌ ta xtuchtajib, yuꞌun jich ya yil kꞌinal a te machꞌatik ya xꞌochik ta snae.

Bible in Tzeltal Bachajón

¹⁶ Mayuc mach'a ya stsun c'ahc' yu'un ya snuj ta jahy, o te ya yac' ta ye'tal wayibal, ha ya yac' ta scajtajib scuenta yu'un te mach'atic ya x'ochic tal ya yilic q'uinal a.

San Lucas 8:16 ပူးပေါင်းရင်းမြစ်များ

San Lucas 11:33

“Ma'yuc mach'a ya stsum c'ajc' te ya snac' [soc te ya smac ta cajon.] Ya stujch'an ta yawil swenta yu'un ya yilic q'uinal a te mach'atic ya x'ochic ta nae.

San Lucas 8:15

Yan te awalil te c'ot ta bay lequil lume, ja' sc'oplal te mach'atic jun nax yo'tanic ta yaiyel stojol te Sc'op Diose, soc te jc'axel ya yac' yo'tanic ta xch'uunel soc ma xchebaj yo'tanic. Ya me sitin ta yo'tanic ta lec c'oem te sc'op Diose.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Apocalipsis 1:20

Jich ay sc'oplal te muquen c'op te juqueb eq'uetic te ay ta swa'el jc'abe soc te jucch'ix yawil c'ajc' te pasbilic ta oroe: Te juqueb xtuchtijib eq'uetique, ja' sc'oplalic te juctul ch'ul abatetic te ayic ta bay te jucchajp jch'uunjeletique, soc te jucch'ix xtuchtijib c'ajc' te la awile, ja' sc'oplal te jucchajp jch'uunjeletique —xi' la caiy.

Apocalipsis 11:4

Te cheb testigoetique, ja' te cheb oliva-te' soc te cha'ch'ix yawil c'ajc' te tec'ajtic ta stojol te Cajwaltic te ja' Dios yu'un te balumilale.