San Lucas 8:14 - Bible in Tzeltal de Oxchuc y Tenejapa

¹⁴ Te awalil te c'ot ta bay ch'ixtiquile, ja' sc'oplal te mach'atic ya yaiy stojol te sc'op Diose, ja'uc me to, ma xlaj sc'oplal yu'unic te bitic ya xbajt' ta yo'tanic spasel. Ya xtenotic yu'un te yat'elic ta balumilale, soc te sc'ulejalique, soc spisil te bitic ya smulanic spasele. Jich ma sitin ta yo'tanic c'oem te sc'op Diose.

Nuevo Testamento Tzeltal de Amatenango

¹⁴ Te tsꞌunubil te kꞌot ta chꞌixtikile jaꞌ skꞌoplal te machꞌatik ya yaꞌibe sluwar te skꞌop Diose, pero ma xjuꞌ yuꞌunik te tutik ya xbajt ta yoꞌtanik spasele. Ya xtenot yuꞌun te yaꞌtelik ta balmilale sok te skꞌulejalike, sok spisil te tutik ya skꞌupin spasele. Jich ma sitin ta yoꞌtanik te skꞌop Diose.

Bible in Tzeltal Bachajón

¹⁴ Te c'oht ta yohl ch'ixileltic, ha sc'oblal te mach'atic ya ya'iyic, pero c'alal ya xc'ax c'ahc'al ya xtenotic yu'un te bintic ya xmacotic yu'un, ha te c'uhlejalil soc te yac'oltayel scuxlejal, hich ma xyijub sit.

San Lucas 8:14 ပူးပေါင်းရင်းမြစ်များ

San Mateo 13:22

In te awalil te c'ot ta ch'ixtiquil, ja' sc'oplal te mach'a ya yaiy stojol te Sc'op Diose, ja'uc me to, ya xlo'layot yu'un te c'ulejalile soc biq'uit nax yo'tan yu'un te bila swenta te balumilale. Jich jc'axel tenbil ya xc'ot ta yo'tan te Sc'op Diose. Jich ma ba ya sitin ta yo'tan.

San Marcos 4:19

ja'uc me to, ja' ya xbajt' ta yo'tanic sna'el te bitic swenta te balumilale. Ya xlo'layotic yu'un te c'ulejalile. Biq'uit nax yo'tanic yu'un spisil bila ay ta q'uinal. Jich tenbil ya xc'ot te sc'op Dios te ay ta yo'tanique. Jich ma sitinic.

San Lucas 16:13

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule, yan te yane, c'ux ya yaiy ta yo'tan stuquel. Te jtule jun yo'tan ta stojol, ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios teme ja' baem ta awo'tanic te ac'ulejalique —xi' te Jesuse.

San Lucas 21:34

“Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

San Lucas 8:13

Te awalil te c'ot ta ba tontiquile, ja' sc'oplal te mach'atic bin nax yo'tanic yu'un te sc'op Diose, ja'uc me to, ma ba c'uben coel yisim c'oem. Ja' nax ya xch'uunic che'oxeb c'aal. Yu'un te c'alal ya xtal ta stojolic te yiljibal yo'tanique, ora ya xchebaj yo'tanic yu'un.

San Lucas 8:15

Yan te awalil te c'ot ta bay lequil lume, ja' sc'oplal te mach'atic jun nax yo'tanic ta yaiyel stojol te Sc'op Diose, soc te jc'axel ya yac' yo'tanic ta xch'uunel soc ma xchebaj yo'tanic. Ya me sitin ta yo'tanic ta lec c'oem te sc'op Diose.

San Lucas 8:7

Soc ay c'ot ta bay ch'ixtiquil. Pajal ch'i soc te ch'ixe, soc laj ta tenel yu'un.

San Juan 15:6

Te mach'a ma x'ain ta jtojole ya me yich' ch'ojel loq'uel ta fuera; jich te bit'il sc'ab te ts'usube, teme taqueje, ya yich' tsobel soc ya yich' chiq'uel ta c'ajc'.

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

2 Timoteo 4:10

Melel te Demase, la spijt'esonix jilel scaj te bic'tajix yo'tan yu'un te bila swenta nax in balumilal to. Jich bajt'ix ta lum Tesalónica. Te Crescente bajt'ix ta sq'uinal Galacia. Te Tito bajt'ix ta sq'uinal Dalmacia.

Hebreos 6:1

Jich yu'un ac'a me cantaytic te bit'il ya xju' cu'untic te muc'ul ants-winic ya xc'ootique. Ya sc'an ya to quijq'uitaytic te xjajch'ibal te bit'il ay ta nopel sc'oplal te Cristoe. Ma me ja'uc nax ya jnopilaytic te xjajch'ibale: Jich bit'il ya sc'an ya sujt'es co'tantic yu'un cat'eltic te ya yac'otic ta lajele, soc te bit'il ya sc'an ya cac'tic xch'uunjel co'tantic ta stojol te Diose,