San Lucas 8:13 - Bible in Tzeltal de Oxchuc y Tenejapa

¹³ Te awalil te c'ot ta ba tontiquile, ja' sc'oplal te mach'atic bin nax yo'tanic yu'un te sc'op Diose, ja'uc me to, ma ba c'uben coel yisim c'oem. Ja' nax ya xch'uunic che'oxeb c'aal. Yu'un te c'alal ya xtal ta stojolic te yiljibal yo'tanique, ora ya xchebaj yo'tanic yu'un.

Nuevo Testamento Tzeltal de Amatenango

¹³ Te tsꞌunubil te kꞌot ta ba tontikile jaꞌ skꞌoplal te machꞌatik ben jun yoꞌtanik ya xchꞌuunik te skꞌop Diose, pero ma sꞌismaj ta yoꞌtanik. Yal cheꞌoxeꞌ kaal ya xchꞌuunik, te kꞌalal ya xtal ta stojolik te prewae, ora ya xchebaj yoꞌtanik yuꞌun.

Bible in Tzeltal Bachajón

¹³ Te c'oht ta ba tontiquil, ha sc'oblal te mach'atic tse'el yo'tan ya ya'iyic, pero mayuc slohp'; cheb oxeb nax c'ahc'al ya sch'uhunic, pero ta yorahil te ya xtal tsajel, ya xloq'uic bahel.

San Lucas 8:13 ပူးပေါင်းရင်းမြစ်များ

Job 19:28

te c'alal la caiy te jich la awalique: “Bayal me ya cuts'intic. Te banti jajch'em tel te swocole ja' nix ta swenta stuquel”, te xaex la caiye.

Proverbios 12:12

Te bic'tal-o'tanile, ja' syaquic te mach'atic amen yo'tanique; yan te yiptajib te mach'atic toj yo'tanique, sbajt'el q'uinal ay stuquel.

Proverbios 12:3

Te bila ma lecuc ta pasel, ma'yuc bila lec ya xloc' yu'un a; yan te mach'a toj yo'tane, tulan ts'unulix stuquel.

Isaías 58:2

Jujun c'aal ya nax sleonic, bin nax me yo'tanic yilel ta sna'beyel sba te beetic cu'une. Jich me c'oemic te bit'il lum te ya spas te bila leque, te yich'ojic ta muc' te mandaliletic cu'une. Ya sc'anbonic mandaliletic te tojique, soc bin nax yo'tanic yilel te ya xnoptsajic ta jtojole.

Ezequiel 33:32

Jich nax c'oemat yu'unic te bit'il mach'a ya sc'ajintay c'ayojetic swenta nax sbujts'-o'tanil, te buen lec ya xloc' te sc'ayoje, soc te ya sna' stijel arpa. Ya yaiyic te ac'ope, pero ma ba ya spasic bael.

Oseas 6:4

Ya yal te Cajwaltique: —¿Bi me ya jpas ta atojol, Efraín? ¿Bi me ya jpas ta atojol, Judá? Te xc'uxul awo'tanic ta jtojole jich c'oem te bit'il sjab lumq'uinal ta sacubele, soc jich c'oem te bit'il ts'ujul ta ijc' to q'uinal te sab ya xch'ay c'axele.

San Marcos 6:20

Ja'uc me to, te Herodese la xi' te Juane, yu'un sna'oj stojol te toj ta winiquile soc te ma'yuc mulil ta yo'tane. Jich yu'un la yac' ta canantayel ta lec swenta yu'un ma xtaot ta milel. Te ajwalile bayal bila ma c'ot ta yo'tan te bila albot yu'un te Juane, ja'uc me to, la smulan te la yaiy stojole.

San Lucas 8:12

Te awalil te c'ot ta bee, ja' sc'oplal te mach'atic ya yaiyic stojol te sc'op Diose, ja'uc me to, ya xtal te pucuje, ya sloq'uesbey ta yo'tanic. Jich ma xch'uunic, soc ma xcolic.

San Lucas 8:14

Te awalil te c'ot ta bay ch'ixtiquile, ja' sc'oplal te mach'atic ya yaiy stojol te sc'op Diose, ja'uc me to, ma xlaj sc'oplal yu'unic te bitic ya xbajt' ta yo'tanic spasel. Ya xtenotic yu'un te yat'elic ta balumilale, soc te sc'ulejalique, soc spisil te bitic ya smulanic spasele. Jich ma sitin ta yo'tanic c'oem te sc'op Diose.

San Juan 15:2

Spisil te sc'abc'ab te bay ma xyac' site, ya me sloq'ues. Spisil te banti ya yac' site, ya yutstes xan stuquel swenta yu'un ya yac' xan bayal sit ta lec a.

San Juan 15:6

Te mach'a ma x'ain ta jtojole ya me yich' ch'ojel loq'uel ta fuera; jich te bit'il sc'ab te ts'usube, teme taqueje, ya yich' tsobel soc ya yich' chiq'uel ta c'ajc'.

San Juan 5:35

Te Juan jich c'ot ta atojolic te bit'il luz te chicnaj q'uinal ta atojolic yu'une. In te ja'exe ay sbujts' awo'tanic yu'un jun chebuc c'aal te luz yu'une.

1 Corintios 13:2

Soc manchuc teme ya caiy j'alwanej, soc teme ya jna' spisil te muquen c'ope, soc teme ay ta co'tan spisil te bila ay ta nopele, soc teme ay xch'uunjel co'tane, soc teme ya xju' cu'un ya jq'uej bael ta yan q'uinal te witsetique, teme ma'yuc xc'uxul te co'tane, tojol ayon ta q'uinal abi.

1 Corintios 15:2

Ta swenta in lec yach'il c'op to, ja' me ya xcolex yu'un teme jc'axel ya awac' ta awo'tanique, jich te bit'il la calbeyexe. Yu'un teme ma jichuque, tojol nax te la ach'uunique.

Gálatas 3:1

Te ja'ex galaciaetic, ¿bi la apas te ma x'ana'iquix q'uinale? ¿Mach'a la sboltesbeyex awo'tanic te ma ba ya ac'an ya ach'uuniquix te smelelil c'ope? Melel jamal la jcholbeyex awaiyic ta melel. Jich la cac'beyex awilic ta asitic ta comon c'oem te bit'il la yich' jijp'anel ta cruz ta jwentatic te Jesucristoe.

Gálatas 3:4

¿Tojol bal te c'axix bayal awocolic yu'une? Ma niwan jichuc te ma'yuc sc'oplal ya xc'ot awu'unique.

Efesios 3:17

soc te ya snainbeyex awo'tanic te Cristoe ta swenta te bit'il ay xch'uunjel awo'tanique. Soc te bit'il ismajemex ta lec soc te ay yip awo'tanic ta swenta te xc'uxul awo'tanique,

Colosenses 1:23

Jich me ya xc'oex teme jc'axel ya xjunaj awo'tanic ta melele, soc teme ja' ipajemex ta lec a te xch'uunjel awo'tanique, soc teme ma xawijq'uitay ta awo'tanic smaliyel te bila ya yal te lec yach'il c'op awaiyojiquix stojole. Ja' te sc'oplal colel te yaquix ta cholel ta bayuc ta sjoylejal balumilal, te quich'oj abatinel ta xcholel uuc jo'on te Pabloone.

Colosenses 2:7

Ismajemuquex me ta lec ta stojol Cristo, soc ipajemuquex me ta lec ta swenta. Jc'axeluc me ay xch'uunjel awo'tanic jich nix te bit'il ac'botex anopique. Albeyaic bayal wocol spisil ora te Diose.

1 Tesalonicenses 3:5

Jich yu'un te bit'il ma sts'ijq'uix cu'un te jo'one, jich la jticunex ta ilel. Yu'un jich me ya caiy stojol teme ay to te xch'uunjel awo'tanique. Ja' la jmel co'tan yu'un teme ay bit'il la ach'uunic lo'layel yu'un te pucuje. Jich tojol ch'ay a te cat'el abi.

1 Timoteo 1:19

Ma me xawac' ch'ayuc te xch'uunjel awo'tane. Junuc me awo'tan x'ainat ta stojol Dios, yu'un ay mach'atic ch'ayix xch'uunjel yo'tanic ta stojol Dios.

Hebreos 10:39

Yan te jo'otique ma ba ya sujt'otic ta jpatic jich bit'il te mach'atic ya sujt' ta spatic te ch'ayel ya xbajt'ic yu'une. Te jo'otique joy jbajtic soc te mach'atic ay xch'uunjel yo'tanique. Jich ma ch'ayeluc ya xbootic soc te jch'uleltique.

Santiago 2:26

Jich bit'il ma cuxuluc abaq'uetal teme ma teyuc a te ach'ulele, ja' nanix jich lajem te xch'uunjel-o'tanil teme ma'yuc te at'elile.

2 Pedro 2:20

Te mach'atic la sna'beyiquix sba te Jesucristoe te ja' Cajwaltic soc ja' Jcoltaywanej cu'untic stuquele, jich colemiquix loq'uel tey a ta bay sbolil te balumilale. Ja'uc me to, teme patil ya xcha'sujt'ic xan ta spasel te bila jil yu'unic ta neelale soc teme ya x'u'uninotic xan yu'une, c'axem to xan jich ya xbolobic a te bit'il ayic ta neelal toe.

2 Pedro 2:22

Ja'uc me to, jich c'otix ta pasel ta swentaic te bit'il ay ta alele: “Te ts'i'e, sujt' xan bael ta xcha'lo'el xan xe”, te xie. Soc xan: “Te me' chitam te yich'ojix poquele, sujt' xan bael la xcha'balan xan sba ta ajch'al”, te xie.

1 Juan 2:19

Ja' nix te mach'a loq'uic bael ta coliltique. Ja'uc me to, yu'un nanix ma junuc ayotic soc a. Te yu'unuc junuc ayucotic soque, jc'axel jun ayotic soc te jichuque. Ja'uc me to, te bit'il loq'uic baele, yu'un tey me ya xchicnaj ta jamal a te ma jpisilticuc te jun ayotique.

Judas 1:12

Ja' nax ya sboltesbeyex ac'oplalic te bit'il sjoinejex ta spasel te q'uin swenta c'uxul-o'tanile. Melel xchinchon nax q'uinal yu'unic tey a te yacalic ta we'el-uch'ajele. Ja' nax ya sle stuquelic te bila ya xtuun yu'unique. Pajalic soc tocal te ma'yuc ya'lel, te bayuc ya x'eanot bael yu'un te iq'ue. Pajalic soc te'etic te ma xyac' sit ta yoraile, te cheb buelta lajemique, soc te bulbil loq'uel soc te yisime.