San Lucas 8:12 - Bible in Tzeltal de Oxchuc y Tenejapa

¹² Te awalil te c'ot ta bee, ja' sc'oplal te mach'atic ya yaiyic stojol te sc'op Diose, ja'uc me to, ya xtal te pucuje, ya sloq'uesbey ta yo'tanic. Jich ma xch'uunic, soc ma xcolic.

Nuevo Testamento Tzeltal de Amatenango

¹² Te tsꞌunubil te kꞌot ta bee jaꞌ skꞌoplal te machꞌatik ya yaꞌibe sluwar te skꞌop Diose, pero ya xtal te pukuje, ya slokꞌeslambe ta yoꞌtanik. Jich ma xchꞌuunik sok ma xkolik.

Bible in Tzeltal Bachajón

¹² Te c'oht ta ti'be, ha sc'oblal te mach'atic ya ya'iyic, pero ora ya xtal te pucuj, ya sloq'uesbe ta yo'tanic te c'op scuenta yu'un ma ba ya sch'uhunic soc ma ba ya xcolic yu'un.

San Lucas 8:12 ပူးပေါင်းရင်းမြစ်များ

Proverbios 1:29

melel ya awilayic te p'ijil c'ope, soc ma x'ac'an ya awich'ic ta muc' te Cajwaltique.

Proverbios 4:5

Ich'a me te sp'ijil awo'tan soc sp'ijil ajol, jich me ya ana' a te bila toj ta pasele; ma me xach'aybon ta awo'tan te jc'ope.

Isaías 65:11

Yan te ja'ex ya awijq'uitayon ta awo'tan, jo'on te Awajwalone, soc ya xch'ay ta awo'tanic te ch'ul wits cu'une. Ya awac'beyic we'elil soc trago te Gad soc Mení, te diosetic yu'un te c'ulejalile.

San Mateo 13:19

Te mach'a ya yaiy stojol te bit'il ay ta ajwalinel te Diose, soc te ma xc'ot ta yo'tane, jich c'oem te bit'il awalil te c'ot ta bee. Ya xtal te pucuje, ya sloq'uesbey ta yo'tan te bila la yaiy stojole.

San Mateo 13:4

C'alal yac ta swajel te yawale, ay tujq'uej jilel ta be. Tal te ja'mal mutetique. La sbiq'uic te awalile.

San Marcos 4:15

Te awalil te c'ot ta bee, ja' pajal c'oem soc te mach'atic ya yaiyic stojol te sc'op Diose, ja'uc me to, laj nax yo'tanic ta yaiyel stojol a, ya xtal te Satanase. Jich ya sloq'uesbey ta yo'tanic te sc'op Dios te la yich' awel ta yo'tanique.

San Lucas 8:11

“Jich ay swentail te seña-c'op te la calbeyexe: Te awalile ja' te sc'op Diose.

San Lucas 8:13

Te awalil te c'ot ta ba tontiquile, ja' sc'oplal te mach'atic bin nax yo'tanic yu'un te sc'op Diose, ja'uc me to, ma ba c'uben coel yisim c'oem. Ja' nax ya xch'uunic che'oxeb c'aal. Yu'un te c'alal ya xtal ta stojolic te yiljibal yo'tanique, ora ya xchebaj yo'tanic yu'un.

San Lucas 8:5

—Ay jtul j'awal loc' ta swajel te yawale. C'alal yac ta swajel te yawale, ay tujq'uej jilel ta be. Laj ta pech'anel ta teq'uel, soc laj ta biq'uel yu'un te ja'mal mutetique.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.