San Lucas 8:10 - Bible in Tzeltal de Oxchuc y Tenejapa

¹⁰ Te Jesús la yalbey yaiyic: —Te ja'exe Dios ya yac'beyex ana'ic stojol te bila wocol ta na'el te bit'il ay ta ajwalinel te Diose. Yan te yantique ya jc'opon ta seña-c'op, swenta yu'un manchuc teme ya yilic ta sitique, ma sna'beyic swentail, soc jayebuc buelta te ya x'albot yaiyique, ma xc'ot ta yo'tanic.

Nuevo Testamento Tzeltal de Amatenango

¹⁰ Altalanbot yuꞌun te Jesuse: —Te jaꞌexe Dios ya yaꞌbeyex anaꞌbeyik sluwaril te tutꞌil ay ta ajwalinel te ma xnaꞌbot sluwaril ta primeroe. Yan te yanetike, ya jkꞌopon ta seña-kꞌop, yuꞌun jayebuk ya yilik ta sitik ma snaꞌbeyik sluwaril, sok jayebuk buelta te ya xꞌaltalanbote, ma xkꞌot ta yoꞌtanik.

Bible in Tzeltal Bachajón

¹⁰ La yal te Jesús: Te ha'exe, a'bibilex ana'ic te bintic muquen ay sc'oblal te cuentahinel yu'un Dios. Pero te yantique, ya xhalbotic ta scuenta sloc'ombahil c'op scuenta yu'un aunque ya yilic, ma ba ya stahic ta ilel; aunque ya ya'iyic, ma ba ya sna'beyic scuentahil.

San Lucas 8:10 ပူးပေါင်းရင်းမြစ်များ

Salmos 25:14

Te Cajwaltic ja' me sjoy te mach'a ya yich' ta muq'ue, soc ya me yac'bey sna' stojol te trato yu'une.

Isaías 29:14

Ja' yu'un ay me señailetic soc jchajp at'eliletic, ya me cac' xch'ay jilel q'uinal yaiyic yu'un te lume. Te sp'ijil sc'op te mach'a p'ijique ya me xch'ay ta jc'axel; te sp'ijil sjol te mach'atic ay sp'ijil yo'tanique ya me xch'ay —xi'.

Isaías 44:18

Te ants-winiquetic ma sna'ic q'uinal ta jyalel, ma xc'ot ta yo'tanic. Ma'situbenic ta jyalel te ma xju' yu'unic yilele; mero macal ta jyalel te yo'tanique, jich ma sna'ic stojol.

Isaías 6:9

Jich la yalbon: —Baan, jich me ya awalbey te lume: “Manchuc me ya awaiy stojol ta lec yilel, ma xc'ot ta awo'tan; manchuc me ya awilic ta lec yilel, ma xana'beyic swentail”, uta me.

Jeremías 5:21

“Aiya awaiy stojol, lom bolat soc ma x'ana' q'uinal ta jyalel, ay asit, pero ma x'awil q'uinal a, ay achiquin, pero ma x'awaiy stojol c'op a”, uta me.

Ezequiel 12:2

—Te ja'at winic, nainemat ta yolil te lum tulan yo'tanique. Ay sitic yu'un ya yilic q'uinal sc'oplal a, pero ma ba ya yilic q'uinal. Ay xchiquinic yu'un ya yaiyic c'op sc'oplal a, pero ma ba ya yaiyic c'op. Melel ja'ic te lum te tulan yo'tanique.

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

San Mateo 16:17

La yal te Jesuse: —Bin nax me awutsil te ja'ate, Simón te snich'anat Jonase, te melel ma ants-winicuc te la yac'bat ana' yalel in to. Ja' la yac'bat ana' stojol te Jtat te ay ta ch'ulchane.

San Marcos 4:11

Te Jesús la yalbey yaiyic: —Te ja'exe, Dios ya yac'beyex ana'ic stojol te bit'il ay ta ajwalinel te Dios te ma'yuc ta na'el stojol ta neelal toe. Yan te yantique, ja' ya x'albot yaiyic ta swenta seña-c'op stuquelic,

San Marcos 4:12

swenta yu'un jayebuc te ya yilic ta sitique, ma sna'beyic swentail, soc jayebuc buelta te ya x'albot yaiyique, ma xc'ot ta yo'tanic. Jich ma ba ya sujt'es yo'tanic soc ma spasbotic perdón yu'un te smulique —xi' te Jesuse.

San Juan 12:40

“Dios la sc'atp'un ta ma'sit soc la yac' tulanajuc yo'tanic, swenta yu'un ma xyilic q'uinal ta sitic, ni ya xc'ot ta yo'tanic te bila ya x'albotique. ‘Ma ba ya sujt'es yo'tanic ta jtojol swenta ya jlamantes te xchamel’, xi' te Diose”, te xie.

Romanos 16:25

Ac'a calbeytic bayal wocol Dios te ya xju' ya stulantesbeyex awo'tanic ta swenta te lec yach'il c'op te yacon ta xcholel ta bayuque, ja' bi, ja' te p'ijubtesel yu'un te Jesucristoe. Ja' in to, la yaq'uix ta na'el stojol te Diose te bila muquen ay ta neelal te la xchap ta yo'tan te c'alal ma to ayuc a te ch'ulchan balumilale.

1 Corintios 12:11

Ta spisil in to, ja' nix yat'el te Espiritue. Chican stuquel te bit'il la spucbey ta juju-jtul te majt'aniletique.

Deuteronomio 29:4

Pero ta ora to ma ba yac'ojbeyex sp'ijil awo'tanic te Cajwaltique, soc ma ba yac'ojbeyex ana'beyic swentail ta spisil.

Colosenses 2:2

Yu'un ya jc'an te ya yich' yip awo'tanic, soc te jc'axel jun awo'tan abaic ya xc'oex yu'un te c'ux ya awaiy abaique. Jich me ya ataic te smuc'ul awo'tanic te bit'il ts'acal ya ana'iquix te bit'il ay te muquen c'op yu'un te Jtatic Diose, te ja' nix te sc'oplal te Cristoe.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.