San Lucas 7:7 - Bible in Tzeltal de Oxchuc y Tenejapa

⁷ Jich ma jc'an jtoy jba te tal jleat jtuquele. Ja'uc me to, tic' a teme ya awal mandal te ya xcol te abat cu'une.

Nuevo Testamento Tzeltal de Amatenango

⁷ Jaꞌ yuꞌun ma la skan stoy sba te tal sleat stukele. Pero tey laj a teme ya awal mantal te ya xkol te yaj-aꞌtele.

Bible in Tzeltal Bachajón

⁷ ha scuentahil te ma ba tal jc'oponat jtuquel. Pero c'opojan, hich ya xlecub a te ca'bate.

San Lucas 7:7 ပူးပေါင်းရင်းမြစ်များ

Salmos 107:20

La yal mandal te Cajwaltic, jich lecubtesotic; la yich'ic coltayel, jich ma ba ochic ta muquenal.

Salmos 33:9

C'alal c'opoj te Cajwaltique, jich pastaj ta spisil; ja' la spas mandal stuquel, jich toj ts'unaj jilel ta spisil.

Éxodo 15:26

Jich la yal: —Teme jun awo'tanic ya awaiybonic stojol te bila ya cal te jo'on Ajwalilon te Dioson awu'unique, soc teme ya apasic te bila lec co'tan yu'une, teme ya ach'uunic te mandaliletic cu'une, soc teme ya ac'otes ta pasel te bila ya yal te mandaliletic cu'une, ma'yuc bi ora ya xtal tulan chamel ta atojolic te bit'il la cac'bey te egipcioetique, melel jo'on te Ajwalilon te ya jlamantesbeyex achamelique —xi' te Cajwaltique.

San Marcos 1:27

Spisilic jchajp nax la yilic a, soc caj sjojc'obey sbaic: —¿Bila a in to? ¿Bila yach'il nopjibal in to? Tulan yat'el yich'oj soc yu'el ta spasel ta mandal te pucujetique, soc ya xch'uunbot sc'op yu'unic —xiic.

San Lucas 4:36

Spisilic jchajp nax la yilic a. Jich la yalbey sbaic: —¿Bit'il ay a te sc'ope? Yich'oj tulan yat'el soc ay yu'el yu'un sloq'uesel pucujetic, te melel ta smandal nax ya xloq'uic ta ora yu'un —xiic.

San Lucas 5:13

Te Jesuse, la scajanbey sc'ab ta sjol. Jich la yalbey: —Jichuc. Ya xcolat ta chamel —xi'. Te c'alal jich la yal te Jesuse, ch'ay sc'a'el-chamel ta ora te winique.

San Lucas 7:6

Jich te Jesús la sjoin bael. Te c'alal nopol xc'otic ta sna a, jich te centurión la sticun tel cha'oxtul sjo'tac te tal yalbeyic te Jesuse: —Jich la yal tel te centurione: “Ma me xawac' awocol. Ma xju' te ya xbaat ta jnae, melel c'ax peq'uel ya caiy ta atojol.

San Lucas 7:8

Melel te jo'one, ja' nax ayon ta xch'uunel mandal ta stojol te mach'a cajal yat'el cu'une. Soc ay ta jwenta spasel ta mandal te soldadoetic cu'une. Teme jich ya calbey te jtule: ‘Baan’, ya cut, jich ya xbajt'. ‘La'’, ya cut te yane, jich ya xtal. Ja' nanix jich teme ay bi ya cac'bey spas te abat cu'une, jich ya spasbon.” Jich la sticunotic tel ta yalel ta atojol —xiic.

Deuteronomio 32:39

Jo'on nax jtuquel te Diosone, ma'yuc yan dios pajalon soc. Jo'on ya cac' cuxlejal, jo'on nix ya xju' cu'un slajinel. Jo'on ya cac' ejch'en, jo'on nix ya xju' cu'un xpoxtayel. Ma'yuc mach'a ya xju' yu'un ya scoltay sba ta jc'ab jtuquel.

1 Samuel 2:6

Te Cajwaltic ya yac' lajucotic soc ya yac' cuxinucotic; ya yac'otic coel ta muquenal, soc ya yic'otic loq'uel tel ta muquenal.