San Lucas 7:40 - Bible in Tzeltal de Oxchuc y Tenejapa

⁴⁰ Te Jesús la yalbey te fariseoe: —Simón, ay bila ya calbat awaiy —xi'. La yal te fariseoe: —Yacuc, Maestro —xi'.

Nuevo Testamento Tzeltal de Amatenango

⁴⁰ Jich te Jesuse la yalbe te fariseoe: —Simon, ay tut ya kalbeyat awaꞌi —xchi.

Bible in Tzeltal Bachajón

⁴⁰ Ha yu'un hich la yal te Jesús: Simón, ay bin ya calbat, xchi. Halbon, Maestro, xchi.

San Lucas 7:40 ပူးပေါင်းရင်းမြစ်များ

1 Reyes 2:14

Soc la yal xan: —Ay bi ya calbat —xi' te Adonías. —Albon jiche —xi' ta sjaq'uel te Betsabé.

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

Malaquías 1:6

Te Cajwaltic, te Spisil ya xju' yu'un, ya yalbey te sacerdoteetic: —Te nich'aniletic ya yich'ic ta muc' te statique; te abatetic ya nix yich'ic ta muc' te yajwalique. Te bit'il jo'on Atatonic, ¿bi yu'un te ma x'awich'onic ta muc' jiche? Te bit'il jo'on awajwalonic, ¿bi yu'un te ma'yucon ta ich'el ta muc' awu'unique? Te ja'exe ma'yuc jc'oplal ta awo'tanic, jich yu'un ya awalic: “¿Bila a te ma'yuc ac'oplal ta co'tantic yu'un ya awale?” xaex.

San Mateo 26:49

Toj tel ta stojol Jesús te Judase. Jich c'o yalbey: —Talon, Maestro —xi'. Soc la sbujts'iy.

San Mateo 7:22

Ta slajibal c'aal ay me tsobol ya yalbonic: “Cajwal, Cajwal, ¿yu'un bal ma ba la caiytic j'alwanej ta swenta abiil? Soc ta swenta abiil la jloq'uestic pucujetic, soc ta swenta abiil, la jpastic bayal jchajp at'eliletic”, xiic me ta jtojol.

San Lucas 18:18

Ay jtul mach'a ich'bil ta muc' yu'un te judioetique, tal sc'opon te Jesuse: —Maestro, te lecat ta winiquile, ¿bit'il ya jta jcuxlejal sbajt'el q'uinal? —xi'.

San Lucas 5:22

Te Jesús la sna' stojol te bila yacalic ta yalel ta yo'tanique. Jich la yalbey yaiyic: —¿Bi yu'un te jich ya awal ta awo'tanique?

San Lucas 5:31

Jesús la yalbey yaiyic: —Te mach'atic bujts'an q'uinal ya yaiyique, ma xtuun yu'unic te jpoxtaywaneje. Ja' nax ya xtuun yu'unic jpoxtaywanej te mach'atic ayic ta chamele.

San Lucas 6:8

Jich te Jesuse sna'oj stojol te bit'il jich ay te yo'tanique, jich yu'un la yalbey te winic te sicuben xchial sc'abe: —Jajch'an, tec'lan ta olilal —xi'. Jich jajch' te winique, tejc'aj tey a.

San Lucas 7:39

Te fariseo te ic'awan ta we'ele la yil te bila la spas te antse. Jich la yal ta yo'tan: “Te ja'uc j'alwanej yu'un Dios te winique, ya me sna' te bit'il jmulawil-ants te tal ta piquel yacan yu'un te jichuque”, xi' ta yo'tan.

San Lucas 7:41

Jich jajch' yalbey te Jesuse: —Ay cheb winiquetic te la smajanbeyic staq'uin te mach'a ay staq'uine. Te jtule la smajan bajc' soc jo'winic (500) denario-taq'uin. Te yane la smajan lajuneb yoxwinic (50).

San Juan 13:13

Te bit'il “Maestro” soc “Cajwal”, ya awutonic, melel xawalic, yu'unix jo'on a.

San Juan 16:19

Jesús la sna' stojol te ya sc'an yo'tanic te ya sjojc'obeyique. Jich caj yalbey yu'un: —La calbeyex te li' ta ajc' ma ba ya awilbonic te jsite; soc li' xan ta ajc' ya awilbonic xan te jsite. ¿Ja' bal yacalex ta yaanel?

San Juan 16:30

Ta ora to la jna'tiquix te spisil ay ta awo'tan. Jich ma puersauquix te ay mach'a ya sjojc'obat xane. C'otix ta co'tantic te talemat ta stojol te Diose —xiic.

San Juan 3:2

Tal sc'opon ta ajc'ubal te Jesuse. Jich jajch' yalbey: —Maestro, jna'oj stojol te bit'il ticunbilat tel ta p'ijubteswanej yu'un te Diose, melel ma'yuc mach'a ya xju' yu'un spasel te jchajp at'eliletic te yacat ta spasel te manchuc sjoinejucat te Diose —xi'.