San Lucas 7:29 - Bible in Tzeltal de Oxchuc y Tenejapa

²⁹ Te c'alal la yaiyic stojol te ants-winiquetic soc te jc'an-patanetic te ac'bot yich'ic ja' yu'un te Juane, la yalic te bit'il lec yat'el stuquel te Diose.

Nuevo Testamento Tzeltal de Amatenango

²⁹ Spisil te genteetike te la yaꞌibeyik skꞌop te Juane, sok te jkꞌan-tojemaletik yuꞌun te Roma te akꞌtalanbot yichꞌik jaꞌ yuꞌun te Juane, la yalik te tutꞌil lek yaꞌtel stukel te Diose.

Bible in Tzeltal Bachajón

²⁹ C'alal hich la ya'iyic spisil te pueblo, soc te jc'an-patanetic, la yalic te bin ut'il lec ya'tel te Diose, como yac'ojix sbahic ta ich'-ha' yu'un te Juan.

San Lucas 7:29 ပူးပေါင်းရင်းမြစ်များ

Salmos 51:4

Ja'at nax te jtaoj jmul ta atojole, ja'at nax atuquel, melel jo'on la jpas te bila amen, te ya awac' castigo yu'une. Ja' yu'un te castigo ya awac'bone, stojil ay stuquel, ma'yuc ta ch'ayel te bila chapal awu'un atuquele.

San Mateo 5:46

Melel teme jip nax c'ux ya awaiyic te mach'atic c'ux ya yaiyexe, ¿bila amajt'an ya x'ac'botex yu'un a te Diose? Melel jich ya spasbey sbaic uuc te jc'an-patanetique.

San Lucas 20:6

Soc teme ya calbeytic te ja' ac'bot yat'el yu'un winiquetic, spisil lum ya me smilotic ta ch'ojel ta ton, melel xch'uunej yo'tanic te bit'il ja' j'alwanej yu'un Dios te Juane —xiic ta yaanel.

San Lucas 3:12

Ay tal yac' sbaic ta ich'ja' uuc te jc'an-patanetique. La sjojc'obeyic te Juane: —Maestro, ¿bila ya sc'an ya jpastic uuc te jo'otique? —xiic.

San Lucas 7:28

Ya calbeyex te ma'yuc jtuluc winic ta yolil te ants-winiquetic te pajal yat'el soc te Juan J'ac'-ich'ja'e. Ja'uc me to, te mach'a peq'uel ya yac' sba ta yajwalinel te Diose, ja' me cajal xc'ot yu'un te Juane —xi' te Jesuse.

San Lucas 7:35

Ja'uc me to, te bit'il ay sp'ijil yo'tan te Diose, ja' ya xchicnaj ta swenta bi yilel te alnich'anetic yu'une —xi' te Jesuse.

Hechos 18:25

Snopojix ta lec te be yu'un te Cajwaltique soc bin nax yo'tan ya xc'opoj. Toyol yo'tan la yac' ta nopel te bit'il ay sc'oplal te Jesuse. Ja'uc me to, ja' nax ay ta yo'tan te bit'il ay te ich'ja' te la yac' te Juane.

Hechos 19:3

Te Pablo la yalbey: —¿Mach'a ta swenta jiche te ich'ja' te ac'botex awich'ique? —xi'. La yalic: —Ja' te bit'il la yac' ich'ja' te Juane —xiic.

Romanos 10:3

Yu'un ma ba c'oem ta yo'tanic te bit'il toj ya x'ilotic yu'un te Diose. Stuquelic nax ya spas sbaic ta toj yo'tan ta sc'opic. Ma ba yich'ojic ta muc' te bila yaloj te Diose.

Apocalipsis 15:3

Soc yacalic ta sc'ajintayel sc'ayoj Moisés te abat yu'un te Diose soc sc'ayoj te Alalchij te jich yacalic ta yalele: “Cajwaltic Dios te spisil ya xju' awu'un, c'ax muc' spisil te awat'ele soc jelawen yutsil spisil te bila ya apase. Ja'at Muc' Ajwalilat yu'un spisil ta jchajp te nacionetique. Toj awo'tan atuquel soc smelelil stuquel te be awu'une.

Apocalipsis 16:5

La caiy stojol c'opoj te ch'ul abat te swentainej te ja'etique. Jich la yal: “Toj awo'tan atuquel, Cajwal te Ch'ul Diosate, te atalel ayat ta namey soc ta sbajt'el q'uinal, te melel la awaiyix chajbanwanej.

Jueces 1:7

Te Adoni-bezec jich la yal: —Jo'on neel la jset'bey loq'uel lajuneb xchanwinic (70) ta jtul sme' sc'abic soc sme' yacanic te ajwaliletique. Ja' la stamic sobrail we'elil ta yet'al jmesa. Ora yo'tic sujt'ix ta jwenta yu'un Dios te bi la jpasbeye —xi'. La yiq'uic bael ta Jerusalén, tey laj a.