San Lucas 7:22 - Bible in Tzeltal de Oxchuc y Tenejapa

²² Te Jesús la yalbey yaiyic: —Baanic, albeya yaiy te Juane spisil te bila la awilique soc te bila la awaiyic stojole. Cholbeya yaiy te bit'il yac ta jamel sit te ma'sitetique, soc yacalic ta lecubel te coxoetique, soc yacalic ta lecubel sbaq'uetalic te mach'atic ayic ta c'a'el-chamele, soc yacalic ta jamel xchiquin te cojq'uetique, soc yacalic ta cha'cuxel te animaetique, soc yaquix ta cholel te lec yach'il c'op ta stojol me'baetique.

Nuevo Testamento Tzeltal de Amatenango

²² Te Jesuse la yaltalanbe: —Baanik, ban albeyaik te Juane spisil te tut la awilike sok te tut la awaꞌibeyik sluware. Kꞌo albeyaik te yipal ta jamel sit te choketike, sok yipal ta lekubel te koxoetike, sok yipal ta lekubel stibalulik te machꞌatik ayik ta kꞌaꞌel-chamele, sok yipal ta jamel xchikin te machꞌatik ma xyaꞌiyik kꞌope, sok yipal ta chaꞌkuxel te animaetike, sok yipalix ta alel ta stojol meꞌbaetik te tutꞌil ayix te skolelike.

Bible in Tzeltal Bachajón

²² Hich halbotic yu'un te Jesús: Bahanic, a'beyahic sna' te Juan te bintic la awilic soc te la awa'iyique: ha te ya yiliquix q'uinal ts'o'sitetic, ya xbeheniquix coxo'etic, ya yich'iquix lecubtesel jc'a'el-chameletic, ya ya'iyiquix q'uinal cohquetic, ya yich'ic cuxajtesel mach'atic chamenic soc yaquix ta halbeyel ya'iyic te lec yach'il c'op te pobrehetique.

San Lucas 7:22 ပူးပေါင်းရင်းမြစ်များ

Job 29:15

Jo'on siton la yaiy te ma'site, yacanon la yaiy te mach'a ma ba lec yacane,

Salmos 146:8

te Cajwaltic ya sjambey sit te mach'atic ma xyilic q'uinal; te Cajwaltic ya stijbey xan jajch'el yo'tanic te mach'atic peq'ueliquixe; te Cajwaltic c'ux ta yo'tan te mach'atic toj yac'oj sbaic;

Isaías 42:16

Ya me quic' bael te ma'sitetic ta bebetic soc ta bay ch'in be te ma xyilique. Ya me jc'atp'un ta saquil q'uinal ta stojolic te ijc' q'uinale, soc ya me jc'atp'un ta spamlej ta bay chujc'ulique. Te bitic la cale ya me xc'ot ta pasel cu'un ta puersa.

Isaías 43:8

“Ticunaic tel te lum cu'une te ay sitic pero ma xyilic q'uinal, soc te ay xchiquinic pero ma xyaiyic c'op.

Jeremías 31:8

Ya cac' sujt'uc tel ta lum te ay ta norte, soc ya jtsob tel ta bay c'alal sti'il te balumilale. Ya me xtalic ta stojol te ma'sitetic soc te coxoetique, soc nix te antsetic te yic'oj alal ta xch'ujt'ic soc te antsetic te ayinemix yalique. ¡C'ax muc' me yajtalul ya sujt'ic tel!

Sofonías 3:12

Ya quijq'uitaybat jilel mach'atic peq'uel yac'oj sbaic, te ma'yuc bila ay yu'unic, te ya smuc'ulinon yo'tanique.

San Mateo 11:5

Cholbeya yaiy te yac ta jamel sit te ma'sitetique, soc te yacalic ta lecubel te coxoetique, soc yacalic ta lecubel sbaq'uetal te jc'a'el-chameletique, soc yacalic ta jamel xchiquin te jcojq'uetique, soc yacalic ta cha'cuxel te animaetique, soc yaquix ta cholel ta stojol me'baetic te lec yach'il c'ope.

San Mateo 21:14

Tey ta templo noptsajic tel ta stojol Jesús te ma'sitetic soc coxoetic. Jich la scoltay.

San Lucas 4:18

“Te Espíritu yu'un te Cajwaltique julix ta jtojol, yu'un tsabilon yu'un ta yalel te lec yach'il c'op ta stojol te me'baetique. Ticunbilon tel ta scoltayel te mach'atic ay swocolic ya yaiyic ta yo'tanique, soc te ya calbey yaiyic te bit'il ya xcolic ta libre te mach'atic ayic ta chuquele, soc te ya jambey sitic te ma'sitetique, soc te ya jcoltay ta libre te mach'atic mosoinbilique,

San Lucas 7:21

Te c'alal tey ayic a la yilic te bit'il yac ta slamantesel tsobol jchameletic te Jesuse, chican te bit'il ay te xchamelique soc te bila c'ux ya yaiyique. Soc yac ta sloq'uesbel pucuj ta yo'tanic te mach'atic ay pucuj ta yo'tanique. Soc yac ta sjamel sit tsobol ma'sitetic.

San Lucas 7:23

Bin nax me yutsil te mach'a ma xchebaj yo'tan cu'un —la yut bael te Jesuse.

San Juan 1:46

Te Natanaele jich la yal: —¿Yu'un bal ay bila lec ya xloc' tel ta Nazaret? —xi'. Jich la yal te Felipee: —Ya xba quiltic awil jiche —la yut.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Hechos 8:7

Melel ay tsobol ta jtul mach'atic ay pucujetic ta yo'tanic te la yich'ic coltayel yu'un te Felipee. Te c'alal loq'uic te pucujetic tulan awunic. Soc ay tsobol mach'atic chamen xchial yoc-sc'abic soc coxoetic te la yich'ic coltayele.

Santiago 2:5

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.