San Lucas 7:21 - Bible in Tzeltal de Oxchuc y Tenejapa

²¹ Te c'alal tey ayic a la yilic te bit'il yac ta slamantesel tsobol jchameletic te Jesuse, chican te bit'il ay te xchamelique soc te bila c'ux ya yaiyique. Soc yac ta sloq'uesbel pucuj ta yo'tanic te mach'atic ay pucuj ta yo'tanique. Soc yac ta sjamel sit tsobol ma'sitetic.

Nuevo Testamento Tzeltal de Amatenango

²¹ Te kꞌalal teꞌ ayik ae la yilik te tutꞌil yipal ta slekutesel bayal genteetik te ayik ta chamele sok te ayik ta wokole. Sok yipal ta slokꞌesel pukuj ta yoꞌtanik te machꞌatik ay pukuj ta yoꞌtanike. Sok ya sjambe sit te bayal choketike.

Bible in Tzeltal Bachajón

²¹ Ha yorahil a te la slecubteslan bayel ta chahp jchameletic, soc la sloq'ueslan bohl espírituhetic, soc ay bayel ts'o'sitetic te la sjamticlambe sitic.

San Lucas 7:21 ပူးပေါင်းရင်းမြစ်များ

1 Reyes 8:37

“Teme ay wi'nal li' ta nación cu'untique, teme chamel, teme ja' ay ya xtaquej yu'un c'aal te ts'unubiletique, teme ya xtaot ta uch, c'ulubetic, o ch'ac chanetic, teme joytabil yu'un scontro a te lumetic cu'untic te ya yac'botic guerra, o yan bitic wocolil o chamel te ya xtal ta jtojoltique,

Levítico 14:48

“Teme ya x'och bael ta na te sacerdote ta stsajtayel yil ta leque, teme ya yil te ma ba pujq'uemix bael a te c'alal la yich' xan yach'il spajc'ul, ya me yal ta jamal te lec sc'oplal te nae, melel lajix te bila ma lecuc sc'oplale.

San Mateo 4:23

Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

San Marcos 3:10

Melel stenten nax sbaic ta spiquel sc'u' te Jesuse, yu'un tsobol te mach'atic lamantesbilix xchamelic yu'une.

San Marcos 5:29

Ora nax a majc' te xchamele. Jich la yaiy ta sbaq'uetal te colemixe.

San Marcos 5:34

Te Jesús la yalbey: —Me'tic, ta swenta xch'uunjel awo'tan, colematix. Jun awo'tan baan. Colematix yu'un te awocole —xi' te Jesuse.

San Lucas 7:20

Te mach'atic la sticun bael te Juane, c'otic ta stojol te Jesuse. Jich la yalbeyic: —Te Juan J'ac'-ich'ja'e la sticunotic tel ta sjojc'oyel ta atojol teme ja'at te Cristoat te ya xtale, o teme ay to yan te ya jmaliytique —xiic c'oel.

Hebreos 12:6

Melel te Cajwaltique ya stojobtes te mach'a c'ux ya yaiy ta yo'tane, soc ya yac'bey majel te jayeb mach'a ya yic' yal-snich'anine”, te xie.